کاش ہم آپ کی خواہش پوری کر سکتے
لیکن
کوئی بھی کام ہو اس میں وقت تو درکار ہوتا ہے
عماد نستعلیق کے لگیچر ہمارے پاس پہلے سے تیار نہیں ہیں بلکہ انہیں ہم خود سے تیار کر رہے ہیں اور یہ کام اتنا آسان نہیں کورل ڈرا میں ایک ایک لفظ پر محنت کرنا پڑتی ہے ہم نے جو ٹیم بنائی تھی اس میں
میرے علاوہ ، ایم بلال ، خاور بلال اور ایم ایم مغل نے یہ لگیچر تیار کرنا تھے
ایم بلال اور ایم ایم مغل تو شاید کام کی نوعیت سے گھبرا گئے
ایم بلال نے ٹیم سے علیحدگی اختیار کرتے ہوئے معذرت کر لی
ایم ایم مغل صاحب نے اپنے ذمہ کچھ لگیچر کی تیاری کا کام لیا تھا باوجود یادھانیوں کے وہ کام آج تک مکمل نہیں ہوا
اب رہ گئے میں اور برادرم خاور بلال
جناب خاور بلال نے ہر ممکنہ حد تک تعاون فرمایا اور لگیچرز کی تیاری میں وہ میرا ساتھ دے رہے ہیں نتیجہ کے طور پر
اب تک ہم نے
سہ حرفی ترسیموں کی تیاری کا کام مکمل کر لیا
اور
چار حرفی ترسیموں پر کام جاری ہے جن کی کل تعداد 7000 کے لگ بھگ ہے جن میں سے تین ہزار تیار ہو چکے ہیں
پانچ حرفی، چھ حرفی، سات حرفی اور آتھ حرفی ترسیمے ابھی باقی ہیں
جو ہم نے تیار کرنا ہیں ۔۔۔۔۔ اور یہ کام کچھ عرصہ تو لے گا
\\\\
ٹیم کا دوسرا حصہ
جناب امجد حسین علوی اور برادرم عبدالمجید پر مشتمل ہے
جن کے ذمہ لگیچرز کو فونٹ فائل میں ڈھالنا اور ڈالنا ہے ۔۔۔ یہ دونوں صاحبان بھی اپنے حصہ کا کام بطریق احسن انجام دے رہے ہیں لیکن ان کا کام بھی تبھی تسلسل کے ساتھ جاری و ساری رہ سکتا ہے جب انہیں مطلوبہ ترسیمے بغیر کسی تعطل کے مہیا ہوتے رہیں
ہماری شدید خواہش تھی کہ ہم اس عید کے موقع پر چار حرفی ترسیمے مکمل کر کے فونٹ پبلک کے لیے مہیا کر دیتے لیکن ایسا نہیں ہو سکا
لیکن اس کا مطلب یہ نہیں ہے کہ اس پروجیکٹ پر کام رک گیا ہے۔۔۔۔ کام ہو رہا ہے لیکن ذرا سست روی سے اور انشاء اللہ امید ہے کہ مستقبل قریب میں اردو نستعلیق خطاطی کے لیے ایک بہترین فونٹ میسر ہو سکے گا
\\\\\
