علامہ اقبال کے کلام کی وضاحت درکار ہے

[مقبول]

جس کھیت سے دہقان کو میسّر نہ ہو روزی
اس کھیت کے ہر خوشہ گندم کو جلا دو

براہِ مہربانی رہنمائی فرمائیے کہ دوسرے مصرع میں لفظ جَلا ہے یا جِلا ہے
الف عین
سید عاطف علی
محمّد احسن سمیع :راحل:
محمد وارث
سید ذیشان
محمد ریحان قریشی
محمد خلیل الرحمٰن
اور دیگر اساتذہ کرام و احباب

 

[سید عاطف علی]

براہِ مہربانی رہنمائی فرمائیے کہ دوسرے مصرع میں لفظ جَلا ہے یا جِلا ہے

یہ جلا دو ہے یعنی آگ لگا دو۔ لینن فاشزم ،اشتراکیت۔ سرمایہ داری کا درعمل وغیرہ یعنی اس نظم کے سیاسی پس منظر اور بقیہ اشعار سے بھی اس کا اندازہ لگا یا جاسکتا ہے ۔

 

[محمد احسن سمیع راحلؔ]

جِلا دو کیونکر ہو سکتا ہے ۔۔۔ اس کا مطلب تو یہ ہوگا کہ ایسے کھیتوں کو اور بڑھاوا دیا جائے

 

[محمد تابش صدیقی]

جِلا دو کیونکر ہو سکتا ہے ۔۔۔ اس کا مطلب تو یہ ہوگا کہ ایسے کھیتوں کو اور بڑھاوا دیا جائے

اگر اقبالؒ سرمایہ دارانہ نظام کے حامی ہوتے۔

 

[مقبول]

محترمین
سید عاطف علی ، محمّد احسن سمیع :راحل: ، محمد تابش صدیقی
بہت شُکریہ
کسی گروپ میں کچھ لوگ اس پر بحث کر رہے تھے تو میں نے سوچا کہ اردو محفل کے اہلِ دانش کی رائے سےبھی استفادہ کرنا چاہیئے

 

[La Alma]

اقبال بھی محکمہ زراعت کے طرفدار معلوم ہوتے ہیں۔

 

[نیرنگ خیال]

یہ جلا دو ہے یعنی آگ لگا دو۔ لینن فاشزم ،اشتراکیت۔ سرمایہ داری کا درعمل وغیرہ یعنی اس نظم کے سیاسی پس منظر اور بقیہ اشعار سے بھی اس کا اندازہ لگا یا جاسکتا ہے ۔

یہ کیسی شرح کی۔۔۔ کم سے کم شروع تو ایسے کرتے کہ اس شعر میں شاعر نے۔۔۔۔

 

[سید عاطف علی]

یہ کیسی شرح کی۔۔۔ کم سے کم شروع تو ایسے کرتے کہ اس شعر میں شاعر نے۔۔۔۔

بھئی یہ شعر کی نہیں جلا دو کی مختصر شرح ہے ۔

 

[نیرنگ خیال]

بھئی یہ شعر کی نہیں جلا دو کی مختصر شرح ہے ۔

جس طرح شعر کی شرح الفاظ سے ہوتی ہے۔۔۔ اس طرح الفاظ کی شرح کو دو چار شعر جڑے جا سکتے تھے۔۔۔ جیسے۔۔۔ جلا دو۔۔۔۔ پیرزادہ قاسم نے کہا۔۔۔ صاحب اختیار ہو آگ لگا دیا کرو۔۔۔۔۔ یعنی جلا دیا کرو۔۔۔ کام مکا دیا کرو۔۔۔ وغیرہ وغیرہ۔۔۔