عروض ڈاٹ کام

آف لائن زیک بھائی ... اے پی آئی کیا ہوتا ہے؟

 

ہمارا خیال ہے کہ اگر آپ موجودہ سائٹ میں پروگریسیو ویب ایپ کی خصوصیات شامل کر دیں تو اس کا کچھ حصہ کئی پلیٹ فارمز پر آف لائن استعمال کیا جا سکے گا (اور یوں آپ ہر پلیٹ فارم کے لیے علیحدہ ایپ ڈیویلپ کرنے اور سبھی کے رکھ رکھاؤ کے بار سے بچ جائیں گے)۔ (پی ڈبلیو آے کی چند مثالیں)

 

بالکل ممکن ہے، البتہ اس کے آرکیٹیچر میں تھوڑی تبدیلی کرنی ہو گی اور لاجک جاوا اسکرپٹ میں لکھنی ہو گی۔ لہٰذا اگر آپ اس کے ری رائٹ کے بارے میں سوچ رہے ہیں تو شاید جاوا اسکرپٹ بہترین انتخاب ہوگا کیونکہ اس سے ایک ہی کوڈ بیس سے ویب سمیت کراس پلیٹ فارم نیٹیو ایپس کا بھی امکان روشن رہے گا اور اس کو سرور پر ڈیپلائے کرنا بھی بے حد آسان ہو گا۔

 

نہ تو یہ سیدھا حل ہے اور نہ ہی آسان، البتہ کراس پلیٹ فارم دستیابی اور سہل رکھ رکھاؤ کے لحاظ سے مناسب ترین ضرور ہے۔ اگر آپ نے ایڈرائڈ کے لیے نیٹیو کوڈ میں صرف فرنٹ اینڈ لکھا ہے تو اس سے آپ کو ایسا کچھ حاصل ہونے والا نہیں جو موجودہ سائٹ سے حاصل نہیں ہو سکتا۔ ہمارے خیال میں اس حصے پر توانائی صرف کرنا غیر ضروری ہے۔ کیونکہ اول تو مختلف پلیٹ فارمز کے لیے کوئی کوڈ پورٹ کرنا سہل نہیں ہوتا، اور دوسری بڑی مشکل یہ آتی ہے کہ وقت کے ساتھ ساتھ ہر پلیٹ فارم میں یکساں تبدیلیاں کرتے رہنا تقریباً محال ہو جاتا ہے۔ یہ بڑی کمپنیوں کے لیے تو ٹھیک ہے جو مختلف پلیٹ فارمز کے لیے علیحدہ ٹیمیں بنا سکتے ہیں اور مختلف پلیٹ فارمز کے لیے ایکسپرٹ ڈیویلپرز ڈھونڈ سکتے ہیں جو کسی ایک مینیجر کے تحت کام کریں، لیکن ہم جیسے لوگ ایسا کچھ کرنے پر آئیں تو قوت منتشر ہو جاتی ہے۔

جہاں تک انجن کو آف لائن فراہم کرانے کی بات ہے، اس کا مطلب یہ ہوا کہ بیک اینڈ آے پی آئی سرور سے رابطے کے بغیر کام کرنا، یعنی اس کی زیادہ تر خصوصیات کو فرنٹ اینڈ میں شامل کرنا۔ اگر آپ نے یہ مؤخر الذکر کام کیا ہے یا کرنے کا ارادہ ہے تو پھر اس کو جاوا اسکرپٹ میں کرنا کہیں بہتر ہوگا اور اسے کسی اور پلیٹ فارم کے لیے پورٹ کرنے کی بھی ضرورت نہیں پڑے گی۔ ہمارا ماننا ہے کہ تھوڑی سی پلاننک کے ساتھ عروض انجن کو نئے سرے سے ارکیٹیکٹ کیا جائے تو اسے بیک اینڈ سے آزاد کر کے پوری طرح صرف اور صرف کلائنٹ سائڈ پر چلایا جا سکتا ہے، اور گاہے گاہے ڈیٹا سنکرونائزیشن کے لئے بیک اینڈ سے استفادہ کیا جا سکتا ہے۔ نئے سرے سے انجن تیار کرنے کا فائدہ یہ ہو گا کہ جس طرح سے فطری نشو نما کے باعث ڈیٹا اور لاجگ ایک دوسرے میں گڈمڈ ہو گئے ہیں ان کو زیادہ بہتر انداز میں علیحدہ کیا جا سکے گا اور غیر ضروری فینسی ڈیٹا بیس استعمال کرنے کے بجائے کئی ساری اسٹرکچرڈ ڈیٹا فائلیں استعمال کی جا سکیں گی۔

بہر کیف یہ لڑی اس وزنی گفتگو کی متحمل نہیں ہو سکتی اس لیے متعلقہ مراسلوں کو ایک علیحدہ لڑی میں منتقل کر کے گفتگو کی جا سکتی ہے۔

 

یہاں جاری رہ سکتی ہے۔