عام لطیفے

[شمشاد خان]

عجیب مگر دلچسپ

‏اردو زبان کے کچھ الفاظ الٹا کرکے پڑھنے سےمعنی ہی بدل جاتے ہیں;

سیب = بیس
تاریخ = خیرات
لاش = شال
بیج = جیب
نام = مان
روز = زور
بات = تاب
ناپ = پان
رات = تار
ریت = تیر
شوخ = خوش
شام = ماش
رش = شر
لوگ = گول
ناک = کان
لات = تال
سارہ = ہراس
روس = سور

لیکن؟ دو چیزیں ایسی ہیں ۔۔ان کو الٹا کر لیں سیدھا کرلیں۔۔ جو مرضی کرلیں۔۔۔

ذرا نہیں بدلتے

"ساس" اور "داماد"

 

[محمد فہد]

ایک لڑکی اپنے والد کے ساتھ بُک شاپ میں کتابیں فروخت کررہی تھی کہ اپنے بوائے فرینڈ کو اپنی طرف آتے ہوئے دیکھا.

کہنے لگی: کیا آپ المانی کی کتاب" ابو میرے برابر میں کھڑے ہیں" خریدنے آئے ہیں؟

لڑکے نے جواب دیا: نہیں میں توماس ہرنانیر کی کتاب" کب ملو گی" خریدنے آیا ہوں.

لڑکی: یہ کتاب ہمارےپاس نہیں البتہ باتریس فرد کی کتاب " کل یونیورسٹی میں " مل سکتی ہے.

لڑکا: اچھی بات ہے لیکن کل آپ بلجیکی برنار کی کتاب " رات کو فون پہ بات ہوسکتی ہے" لاسکتی ہیں؟

لڑکی: ہاں کیوں نہیں. کیا آپ میشیل دانیال کی کتاب " رات دس بجے کے بعد" بھی خریدنا پسند فرمائیں گے؟

لڑکے نے جواب دیا: بسرو چشم.

جب لڑکا چلا گیا تو باپ نے بیٹی سے کہا: کیا یہ لڑکا ان ساری کتابوں کا مطالعہ کرسکےگا؟

بیٹی نے کہا: جی ہاں یہ ذہین ہے اور یونیورسٹی میں شریف طالبعلم ہے.

والد: اچھی بات ہے بیٹی لیکن میرے پاس تم دونوں کیلئے دو بہترین کتابیں ہیں. یہ کتابیں تم دونوں ضرور پڑھنا. ایک ھولندی فرانک مارتیز کی کتاب " میں بےوقوف نہیں ہوں سب کچھ سمجھ گیا ہوں " ہے اور دوسری روسی موریس ھنری کی کتاب " کل اپنے چچازاد کے ساتھ شادی کیلئے تیار رہو " ہے.
(عربی سے ترجمہ )
بشکریہ فیس بوک

 

[محمد فہد]

سگریٹ کی عادت سے جان چھڑانے کیلئے بہت جتن کیے
پھر ایک سیانے نے مشورہ دیا کہ
سگریٹ کو خرید کر پینا چھوڑ دو
زیادہ دل کرے تو کسی سے بھی مانگ کر پی لینا
دو ماہ میں دیکھنا تمہاری سگریٹ کی عادت خودبخود چھوٹ جائے گی
اب دو ماہ ہوگئے ہیں
سگریٹ پینے کی عادت تو چُھوٹی نہیں
مانگنے کی عادت پڑ گئی ہے

 

[سید رافع]

مہنگے پرائیویٹ سکول کے سوئمنگ پول سے بچے کا تولیہ گم ہو گیا
بچے کی ماں نے شکائت کی، عجیب بات ہے کہ اتنے مہنگے سکول میں بھی بچے چوریاں کرتے ہیں

پرنسپل صاحبہ نے کہا کہ۔ایسا ہر گز نہیں ہے۔ کوئی بچہ غلطی سے لے گیا ہوگا۔ ویسے آپ اپنے بچے کے ٹاول کی کوئی نشانی بتا سکتی ہیں کیا؟؟؟

بچے کی ماں نے بتایا۔۔سفید رنگ کا تولیہ تھا

پرنسپل صاحبہ نے کہا۔۔تقریبا" سبھی ٹاول سفید رنگ ہی کے ہوتے ہیں۔ کوئی اور نشانی بتائیں

بچے کی ماں نے کہا۔۔ٹاول کے ایک کونے پر
Hotel Marriott
لکھا ہوا ہے

 

[جاسمن]

ریاض۔ی کے پروفیسر نے اپنی منگیتر کو میسیج کیا..................
12.9999999999999999
بہت سوچنے کے بعد منگیتر کو سمجھ آیا
"تیرا ہونے لگا ہوں"

 

[جاسمن]

انباکس میں پوچھنے لگی: " آپ کہاں سے ہیں اور کیا کرتے ہیں؟"
میں نے کہا: " میری پروفائل دیکھ لیجیے۔'
کہنے لگی: ' پروفائل میں تو لوگ کچھ بھی لکھ دیتے ہیں۔"
میں نے کہا: "فیصل آباد میں آلو چنے کی ریڑھی لگاتا ہوں۔"
کہنے لگی: "لیکن پروفائل میں تو لکھا ہے کہ آپ پروفیسر ہیں۔ "
میں نے کہا: " پروفائل میں تو لوگ کچھ بھی لکھ دیتے ہیں۔'

 

[سید عمران]

ہمیں اچھے اچھے غمگین لطیفے بھی خوب بھاتے ہیں۔

تو ایک اچھا سا غمگین لطیفہ عرض ہے...
ایک تھا بھیا!!!

 

[جاسمن]

کتاب کبھی ادھار نہ دیں۔ کیوں کہ کوئی واپس نہیں کرتا۔ خود میری لائبریری میں صرف وہی کتابیں باقی ہیں جو لوگوں نے مجھے ادھار دی تھیں.

اناتول فرانس

 

[سیما علی]

فقیر ایک مالدار کے دروازے پر آیا اور اس سے روٹی اور پیسے مانگے
مالدار نے کہا :__ اے خالد تم عامر سے کہو کہ وہ بشیر سے کہے کہ وہ نذیر سے کہے کہ وہ فقیر کو روٹی دے دے
تو فقیر نے جواب دیا :__
_ یا اللہ تو جبریل سے فرما کہ وہ میکائیل سے کہے کہ وہ اسرافیل سے کہے کہ وہ عزرائیل سے کہے کہ وہ اس بخیل کی روح قبض کر لے۔۔۔🤣🤣🤣🤣🤣🤣

 

[جاسمن]

‏ایک دفعہ لاہور میں کچھ دوست ایک ریسٹورنٹ پر لے گئے.
‏ ویٹر آرڈر لینے آیا ‏تو دوستوں نے میری طرف اشارہ کیاکہ مہمان جو کہے لے آؤ۔
‏ویٹر نے خوشدلی سے پوچھا۔
‏" کیا لاؤں"؟
‏میں نے سر اٹھا کر اسے دیکھا اور مسکرا کر کہا:
‏"ایک کلو مٹن کڑاہی ہلکی کالی مرچ میں, روغنی نان اور خاص طور پر ہمدردی کے دو بول"
‏کچھ دیر ہم باتوں میں مگن رہے اتنے میں ویٹر ہمارا آرڈر لیکر آ گیا۔
‏تازہ لگے نان اور کالی مرچ کی کڑاہی کی بھینی بھینی خوشبو نے بھوک اور بھی بڑھا دی تھی, ہم ‏کھانے پر ٹوٹنے ہی والے تھے ‏کہ ویٹر کی آواز نے سکوت توڑا۔
‏"اور کیا کہا تھا آپ نے"؟
میں دانت نکالتے ہوئے :
‏"اور ہاں-ہمدردی کے دو بول"
‏ویٹر نے ادھر ادھر نظر دوڑائی اور اپنا منہ میرے کان کے پاس کر کے بولا۔
‏ ” نا کھائیں ....... کھوتا ہے "