طیبہ پہ شاعری فدا (نعت)

[ڈاکٹر مشاہد رضوی]

طیبہ پہ شاعری فدا​

کلام: محمد حسین مشاہدرضوی​

نُطق فدا ، قلم فدا ، ذہن فدا ، زباں فدا​

طیبہ پہ شاعری فدا ، سارے سخن وَراں فدا​

​

آپ گئے ہیں عرش پر ، آپ پہ شش جہاں فدا​

آپ کا دیکھ کے قرب ِرب، ہوتی ہیں دُوریاں فدا​

​

نور کی بھیک لیتے ہیں ، انجم و مہر و ماہ سب​

حُسن پہ آقا آپ کے ، کیوں نہ ہو آسماں فدا​

​

رنگ کا رنگ اُن سے ہے ، اُن سے ہی نکہتِ شمیم​

گل نہیں غنچہ ہی نہیں اُن پر ہے گلستاں فدا​

​

کلمۂ طیّبہ پڑھا ، بوجہل نے بھی سُن لیا​

آقا کے نطق پر نہ کیوں ہوں سنگِ بے زباں فدا​

​

انگشت سے ہوا رواں ، چشمۂ آب بے گماں​

آقا کی انگلیوں پہ ہیں ، دنیا کی ندّیاں فدا​

​

میری مراد ہے وہی ، میرا سکونِ دل وہیں​

جاوں گا طیبہ ہی کو میں ، طیبہ پہ ہے جناں فدا​

​

لاے مُشاہدؔ اور کیا ، آپ کی نذر کرنے کو​

اِس کا کلام ہو فدا اِس کی خموشیاں فدا​

٭​

​

 

[ابو المیزاب اویس]

​

نور کی بھیک لیتے ہیں ، انجم و مہر و ماہ سب​

حُسن پہ آقا آپ کے ، کیوں نہ ہو آسماں فدا​

​

​

از امامِ اہلسنت،،
نور کی خیرات لینے دوڑتے ہیں مہر و ماہ
اٹھتی ہے کس شان سے گردِ سواری، واہ واہ

 

[مہ جبین]

نور کی بھیک لیتے ہیں ، انجم و مہر و ماہ سب
حُسن پہ آقا آپ کے ، کیوں نہ ہو آسماں فدا
رنگ کا رنگ اُن سے ہے ، اُن سے ہی نکہتِ شمیم
گل نہیں غنچہ ہی نہیں اُن پر ہے گلستاں فدا
سبحان اللہ
عمدہ کلام
جزاک اللہ

 

[ڈاکٹر مشاہد رضوی]

جزاک اللہ !!

 

[سید زبیر]

سبحان اللہ
لاے مُشاہدؔ اور کیا ، آپ کی نذر کرنے کو
اِس کا کلام ہو فدا اِس کی خموشیاں فدا
جزاک اللہ

 

[آبی ٹوکول]

آپ گئے ہیں عرش پر ، آپ پہ شش جہاں فدا​

آپ کا دیکھ کے قرب ِرب، ہوتی ہیں دُوریاں فدا​

رنگ کا رنگ اُن سے ہے ، اُن سے ہی نکہتِ شمیم​

گل نہیں غنچہ ہی نہیں اُن پر ہے گلستاں فدا​

کلمۂ طیّبہ پڑھا ، بوجہل نے بھی سُن لیا​

آقا کے نطق پر نہ کیوں ہوں سنگِ بے زباں فدا​

انگشت سے ہوا رواں ، چشمۂ آب بے گماں​

آقا کی انگلیوں پہ ہیں ، دنیا کی ندّیاں فدا​

کیا کہنے ہیں بھئی واہ واہ سبحان اللہ