طویل صفحات والی کتاب کی چھپوائی اور ان پیج سے ناواقفیت
- صاحب لڑی محمد شمیل قریشی
- تاریخ ابتداء
حافظ سمیع اللہ آفاقی
محفلین
السلام علیکم ورحمۃ اللہ وبرکاتہ
سویدا بھائی! میرے خیال میں ایسا ممکن نہیں ہے۔ اس بات کو سمجھنے کے لیے پہلے ہمیں یہ سمجھنا ہوگا کہ پرنٹر کے پی سی ایل اور پی ایس (پوسٹ اسکرپٹ) ڈرائیور کن کمپنیوں کے بنائے ہوئے ہیں اور اس کے پیچھے کیا لاجک (منطق) کام کرتی ہے۔
PCL اصل میں (Printer Command Language) کا مخفف ہے، یہ ڈرائیور ہر کمپنی کے اپنے بنائے ہوئے ہوتے ہیں اور وہ اسکرین پر نظر آنے والے مواد کو دی گئی ہدایات (پرنٹ کمانڈ) کے مطابق من وعن کاغذ پر نقل کرتے ہیں۔
(ایچ پی کے پی سی ایل ڈرائیور بھی اس سے مستثنٰی نہیں ہیں، یعنی ایچ پی کے کسی بھی لیزر پرنٹر کے پی سی ایل ڈرائیور میں مرر کا اختیار نہیں ہے)
جبکہ پی ایس (پوسٹ اسکرپٹ) ڈرائیور پرنٹر کمپنیز کا اپنا بنایا ہوا نہیں ہے بلکہ ایک اور گرافکس سوفٹ وئیر کی مشہور کمپنی ’’ایڈوبی‘‘ نے بنایا ہے۔ یہ ڈرائیور کمپیوٹر سے ڈیٹا لے کر اسے دوبارہ اپنی مخصوص لینگویج میں ڈھالتا ہے (بالکل ایسے ہی جس طرح گوگل ٹرانسلیٹ کسی دوسری زبان میں ترجمہ کرتا ہے) بعد میں اس مخصوص لینگویج کی روشنی میں اس ڈیٹا کو پکچر کی شکل میں ڈھالتا ہے جو مرر ہوتی ہے اور اس کے بعد آخری مرحلہ میں اس مرر پکچر پر پرنٹ کی کمانڈ کا اطلاق ہوتا ہے جس کے نتیجہ میں کاغذ پر مرر پرنٹ نکل آتا ہے۔
یہی وجہ ہے کہ آپ نے عموما نوٹ کیا ہوگا کہ پی سی ایل ڈرائیور کے مقابلہ میں پی ایس ڈرائیور پر دیا گیا پرنٹ کئی گنا زیادہ وقت لیتا ہے (ایم ایس ورڈ پر تو اتنا فرق محسوس نہیں ہوتا تاہم کارل ڈرا اور ان پیج پر یہ فرق بہت زیادہ ہوتا ہے) اس کی وجہ یہی ہے کہ پہلے پرنٹ کی کمانڈ لینا، پھر اسے اپنی لینگویج میں منتقل کرنا، بعد ازاں اس کی امیج بنانا اور آخر میں اس کا پرنٹ نکالنا۔
عین ممکن ہے کہ مستقبل میں پرنٹر کمپنیز اپنے آنے والے پرنٹرز کے عام (پی سی ایل) ڈرائیورز میں بھی مرر کے اختیار (آپشن) کا اضافہ کردیں یا پھر وہ موجودہ سوفٹ وئیرز جن میں اس وقت مرر کا آپشن نہیں ہے، ان کے اگلے ورژنز میں اس کا اضافہ کردیا جائے، بہر حال جس رفتار سے ٹیکنالوجی بڑھ رہی ہے، اس کی روشنی میں اُمید تو اچھی ہی رکھنی چاہیے۔
والسلام
دوست
محفلین
مرر پرنٹ کی بات چل نکلی تو میں پوچھنا چاہوں گا کہ اگر میں ایک پیپر کا مِرر پرنٹ نکالتا ہوں اور پھر مارکیٹ سے جاکر اس کی پرنٹنگ کے لیے کہتا ہوں۔ تو کیا اس سے پرنٹنگ کی کاسٹ کم ہوسکتی ہے؟ کہنے سے مراد یہ ہے کہ پلیٹ بنانے کا ذکر سنا تھا، اور مجھے بتایا گیا تھا کہ دس بارہ پیس پرنٹ کروانے ہیں تو بھول جائیں، کم از کم 1000 پیس کی بات کریں چونکہ پرنٹنگ پلیٹ بنانے پر آنے والا خرچ 1000 پیس سے کم پر بہت مہنگا پڑتا ہے۔ تو اگر یہ مِرر پرنٹ دے دیا جائے، تب بھی پلیٹ وغیرہ بنائی ہی جائے گی؟
mfdarvesh
محفلین
اگر مرر پرنٹ ہوگا تو پلیٹ بہت اچھی بنے گی، ورنہ اس کو الٹا کرنا پڑتا ہے اور روشنی کم زیادہ ہونے سے پلیٹ کے معیار پہ فرق پڑتا ہے
sharfi
محفلین
بھائی عبد الحفیظ صاحب
کیا آپ نے ان پیج کا نیا وژن خریدا ہے؟ اگر نہیں تو پھر اس کا لنک عنایت کیجیے تاکہ ہم سب بھی اس نئے وژن سے مستفید ہوسکے۔
عبدالحفیظ
محفلین
صرف پاکستان ہی نہیں بر صغیر ہی 70 کی دہائی میں ہے۔ ہاں اب تیزی سے تبدیلی آ رہی ہے اور مرر پرنٹنگ یا پھر فلم کی بجائے سی ٹی پی یعنی کمپیوٹر ٹو پلیٹ کا استعمال تیزی سے بڑھ رہا ہے ۔ اب سیدھا پی ڈی ایف یا پھر ای پی ایس فارمیٹ کے ذریعہ پلیٹ بنائی جاتی ہیں اور انتہائی اعلیٰ معیار کی پرنٹنگ کے ساتھ ساتھ وقت کی بھی بہت بچت ہو جاتی ہے۔ ہاں لیکن یہ پرانے زمانے والے سسٹم سے کچھ مہنگی ہے ضرور۔ لیکن کوالٹی کو دیکھتے ہوئے قیمت تو تھوڑی بہت ادا کرنی ہی پڑتی ہے۔
فہیم
لائبریرین
بڑی پرانی پوسٹ پر آج نظر پڑ گئی۔
یہی کہوں گا کہ پہلے آپ معلوم کرلیں پرنٹنگ کے بارے میں پھر کوئی ایسی بات کریں
روٹا سے لے کر رولینڈ تک کی مشینوں پر پرنٹنگ پلیٹ بنا کر ہی ہوتی ہے۔
بھلے وہ پاکستان ہو یا ناورے۔