طبع زاد اشعار کی بیت بازی

[فیصل عظیم فیصل]

لکھوا دیئے عدو نے وُہ بھی اشتہار میں
الزام جو نہیں تھے مری روبکار میں

عداوت اس طرح کی محفل یاراں میں ہوتی ہے
کہ ملزم چاہتوں کے عشق میں مقبول ہوتے ہیں

 

[محمد عبدالرؤوف]

عداوت اس طرح کی محفل یاراں میں ہوتی ہے
کہ ملزم چاہتوں کے عشق میں مقبول ہوتے ہیں

فیصل صاحب!آپ غلطی کر گئے۔ "ن" سے شعر عنایت فرمائیے۔

 

[فیصل عظیم فیصل]

فیصل صاحب!آپ غلطی کر گئے۔ "ن" سے شعر عنایت فرمائیے۔

ندامت ہے ہمیں اشعار میں ہم سہو کر بیٹھے
یہ لیجئے شعر میں ہم نے بلایا نون کو صاحب

 

[محمد عبدالرؤوف]

ندامت ہے ہمیں اشعار میں ہم سہو کر بیٹھے
یہ لیجئے شعر میں ہم نے بلایا نون کو صاحب

بلا کر آپ نے عجب کمال ایک کر دیا
وزیر تھک گئے ہیں گو بلا بلا کے" نون" کو

 

[اکمل زیدی]

ویسے تو ہم کوئی ایسے ماہر بھی نہیں ہیں
کہتے ہیں شعر اور شاعر بھی نہیں ہیں

 

[سیما علی]

ویسے تو ہم کوئی ایسے ماہر بھی نہیں ہیں
کہتے ہیں شعر اور شاعر بھی نہیں ہیں

واہ واہ۔
کیا کہنے ❤️❤️

 

[محمد شکیل خورشید]

نام فرعون کا اشعار میں لاتا ہوں شکیل
اور اس عہد کی تلمیح کئے جاتا ہوں

 

[محمد عبدالرؤوف]

ویسے تو ہم کوئی ایسے ماہر بھی نہیں ہیں
کہتے ہیں شعر اور شاعر بھی نہیں ہیں

نام فرعون کا اشعار میں لاتا ہوں شکیل
اور اس عہد کی تلمیح کئے جاتا ہوں

نگارشِ خیال کو ہیں کہتے شاعری
کہ شعر وزن و بحر کا نہیں ہے محض نام

 

[محمد عبدالرؤوف]

ویسے تو ہم کوئی ایسے ماہر بھی نہیں ہیں
کہتے ہیں شعر اور شاعر بھی نہیں ہیں

"شعر بھی کہتے ہیں اور شاعر بھی نہیں ہیں" اس طرح یہ مصرع وزن میں آ جائے گا

 

[اکمل زیدی]

نگارشِ خیال کو ہیں کہتے شاعری
کہ شعر وزن و بحر کا نہیں ہے محض نام

میری جو یوں بروقت کرتے رہے اصلاح
لگتا ہے یوں کہ شاعر بناکے ہی دم لینگے

 

[محمد شکیل خورشید]

یوں بحر اور وزن کا کیا کیجئے حساب
خود سے نہ ہوسکے تو بلالیں عروض کو

(عروض ڈاٹ کام ایک آن لائین سائٹ ہے تقطیع اور اصلاح کے لئے)

 

[عظیم]

وقت ملتا ہے تو آ جاتا ہوں لکھنے دو لفظ
اس بہانے ہی سہی بزم کا حصہ تو رہوں!

 

[صابرہ امین]

نہیں دو لفظ بس ، یہاں کافی
لکھنا دیوان اب ضروری ہے

 

[اکمل زیدی]

یہاں آپ آگئیں خوشی کی بات ہے بڑی
یا یوں کہیے ہو گئی مزید با رونق سی یہ لڑی

 

[صابرہ امین]

یہاں آپ آگئیں خوشی کی بات ہے بڑی
یا یوں کہیے ہو گئی مزید با رونق سی یہ لڑی

یہ خوشی عارضی نہ ہو اے خدا
اس کو اپنی نظر نہ ہو جائے

 

[محمد عبدالرؤوف]

یہ خوشی عارضی نہ ہو اے خدا
اس کو اپنی نظر نہ ہو جائے

یوں شکوہ آپ سے کرنا مناسب تو نہیں ہے یہ
خوشی نے تو سدا سے عمر ہی محدود پائی ہے

 

[اکمل زیدی]

یہ راز ہے مگر تمھیں ہم بتلائے دیتے ہیں
خوش ہر حال میں رہنا خوشی کو امر کرتا ہے

کچھ بہتری ہے کیا ؟

 

[محمد عبدالرؤوف]

یہ راز ہے مگر تمھیں ہم بتلائے دیتے ہیں
خوش ہر حال میں رہنا خوشی کو امر کرتا ہے

کچھ بہتری ہے کیا ؟

"یہ اک راز تمہیں ہم بتلائے دیتے ہیں" پہلا مصرع یوں کر لیں۔ وزن میں آ جائے

 

[صابرہ امین]

یوں شکوہ آپ سے کرنا مناسب تو نہیں ہے یہ
خوشی نے تو سدا سے عمر ہی محدود پائی ہے

یہی اک بات رکھ لیتے ذرا سا ہم بھی ہنس لیتے
ملیا میٹ کر ڈالی خوشی یہ آپ نے صاحب

 

[محمد عبدالرؤوف]

یہی اک بات رکھ لیتے ذرا سا ہم بھی ہنس لیتے
ملیا میٹ کر ڈالی خوشی یہ آپ نے صاحب

بھلی بات پر روٹھتے ہو بھلا کیوں
بھلائی کا کیا اب زمانہ نہیں ہے؟؟؟