طبع زاد اشعار کی بیت بازی

[یاسر شاہ]

نہ ہم ہرگز الگ ہوں گر امیر_کارواں میں ہو
ذرا سی خوئے دل داری ذرا پاس_وفاداری

بعد میں دیکھا ن سے ہو چکا۔خیر ختم دونوں ی پر ہوئے

 

[یاسر شاہ]

یہودی کی نہ مانیں گے یہ ٹھہری مجھ میں،بیگم میں
ہمارے تیسرا لڑکا ہوا کو وڈ کے موسم میں

 

[صباء]

کیا یہ آپ کا اپنا شعر ہے؟ آپ نئی ہیں اس لئے پوچھا ہے۔اس لڑی میں اپنا شعر لگانا ہے ۔پہلے شعر کے آخری حرف سے

جی میں نئی ہوں۔ معزت مجھے نہیں پتہ تھا۔ ابھی تو سائیٹ کو سمجھ ہی رہی ہوں۔

 

[صباء]

صبا صاحبہ خوش آمدید
یہاں پر صرف اپنا شعر پیش کرنا ہے اور وہ بیت بازی کے اصولوں کے مطابق

جی اچھا۔ مجھے علم نہیں تھا۔ شکریہ

 

[ام عبدالوھاب]

یہودی کی نہ مانیں گے یہ ٹھہری مجھ میں،بیگم میں
ہمارے تیسرا لڑکا ہوا کو وڈ کے موسم میں

نہیں ہے دوست مسلم کا کوئی بھی جو ہے نا مسلم
دکھاوے میں تو اپنے ہیں مگر اندر سے دشمن ہیں۔

 

[یاسر شاہ]

نہیں ہے کہ دوست مسلم کا کوئی بھی جو ہے نا مسلم
دکھاوے میں تو اپنے ہیں مگر اندر سے دشمن ہیں۔

کہ ہٹا دیں تو وزن پورا ہے۔ما شاء اللہ ۔آپ بھی باقاعدہ لکھنے کی کوشش کریں اصلاح سخن میں۔

 

[الف عین]

اپنا ہی پرانا شعر سہی، فی البدیہہ تو نہیں، شرط تو طبع زاد کی ہے نا
نہ جانے آوروں کو میں کس طرح کا لگتا ہوں
یہ آرزو ہے کہ باہر سے دیکھ لوں خود کو

 

[یاسر شاہ]

وہ پوچھیں گے کہ جوانی کہاں گزار آئے
کہو گے کیا اجی بس رائیگاں گزار آئے ؟

 

[عظیم]

میرا بھی ایک پرانا شعر یہاں کھیل میں شمولیت کے لیے
یہی بہت ہے کہ معلوم ہو گیا ہے مجھے
کوئی تو ہے کہ جو چپکے سے دیکھتا ہے مجھے

 

[محمد عبدالرؤوف]

یا الٰہی میرا دل تو اپنی جانب موڑ لے
جب کہ میرا دل ہے تیری انگلیوں کے درمیاں

 

[فہد اشرف]

نہیں ملنے والی ہے اس کو خلاصی
نہاں جس کے دل میں ہے ذوقِ معاصی

 

[یاسر شاہ]

نہیں ملنے والی ہے اس کو خلاصی
نہاں جس کے دل میں ہے ذوقِ معاصی

یہ ذوق_معاصی ہی ناپید اگر ہے
مخنث ہی ہو جائے یاں جو بشر ہے

یہ سوا دو منٹ کی آڈیو سنیے:

 

[محمد عبدالرؤوف]

یاورِ ہرکس کو میرا امتحاں مقصود تھا
یوں ودیعت اس نے مجھ کو خیر و شر بھی کر دیا

 

[محمد شکیل خورشید]

یاورِ ہرکس کو میرا امتحاں مقصود تھا
یوں ودیعت اس نے مجھ کو خیر و شر بھی کر دیا

اک مکاں رکھا ہے جس کو
گھر بنانا چاہتا ہوں

 

[الف عین]

نہ ہوتا آشیاں اپنا نہ گرتیں بجلیاں آ کر
وہی اچھا تھا جب ہم بے در و آوارہ پھرتے تھے

 

[صباء]

یا الٰہی میرا دل تو اپنی جانب موڑ لے
جب کہ میرا دل ہے تیری انگلیوں کے درمیاں

ما شا اللہ۔ آمین

 

[محمد تابش صدیقی]

یا الٰہی میرا دل تو اپنی جانب موڑ لے
جب کہ میرا دل ہے تیری انگلیوں کے درمیاں

سنا ہے قلب ہے سب تیری انگلیوں کے بیچ
تو اپنی سمت پلٹ لے مرے خدا مرا دل
محمد احمد

توارد؟

 

[محمد عبدالرؤوف]

سنا ہے قلب ہے سب تیری انگلیوں کے بیچ
تو اپنی سمت پلٹ لے مرے خدا مرا دل
محمد احمد

توارد؟

جی ہاں

 

[ام عبدالوھاب]

لب پہ کئی نام ہیں مچلے ، جب بھی پکارا اس کو
وہ جو تنہا ہے ، اکیلا ہے ، جو ہے یکتا ہر سو۔

 

[ام عبدالوھاب]

بھئی کہاں ہیں سب ؟ اتنی لمبی غیر حاضری۔
اللہ خیر کرے۔