طبع زاد اشعار کی بیت بازی

[فہد اشرف]

نورِ نبی سے پھر وہ جہاں جگمگا اٹھا
شمس و قمر سے جس کا اندھیرا نہ چھٹ سکا

ارادہ پتیوں سے بیوفائی کا لیے دل میں
شجر ننگے ہو جائیں گے اگر آندھی نہیں آئی

 

[محمد احسن سمیع راحلؔ]

ارادہ پتیوں سے بیوفائی کا لیے دل میں
شجر ننگے ہو جائیں گے اگر آندھی نہیں آئی

یہ کیا کہ مصرعِ اولی تو موزوں بر مفاعیلن
طبیعت مصرعِ ثانی کی لیکن ہو کچھ آوارہ

 

[فہد اشرف]

یہ کیا کہ مصرعِ اولی تو موزوں بر مفاعیلن
طبیعت مصرعِ ثانی کی لیکن ہو کچھ آوارہ

ہو وضاحت تو کچھ سمجھ آئے
ہو گئی کس جگہ خطا ہم سے

 

[الف عین]

یہ بس اتنا ہے 'ہو جائے' 'ہُجائے' کر نہیں سکتے
ہُجائے باندھنے سے ٹھیک ہوتا ہے مفاعیلن

 

[محمد عبدالرؤوف]

ہو وضاحت تو کچھ سمجھ آئے
ہو گئی کس جگہ خطا ہم سے

یاوری کوئی کرے تو ہو مجھے بھی کچھ خبر
گو کمی ارکان میں مجھ کو نہیں آئی نظر

 

[محمد عبدالرؤوف]

یہ بس اتنا ہے 'ہو جائے' 'ہُجائے' کر نہیں سکتے
ہُجائے باندھنے سے ٹھیک ہوتا ہے مفاعیلن

یاوری کوئی کرے تو ہو مجھے بھی کچھ خبر
گو کمی ارکان میں مجھ کو نہیں آئی نظر

معذرت استاذی،
شاید ایک ساتھ ٹائپ کر رہے تھے اس لیے آپ کا مراسلہ نہ دیکھ سکا

 

[ام عبدالوھاب]

رہ جاتی ہے فقط یاد انسان چلا جاتا ہے
اس یاد کو کوئی سنگھار ہونا چاہیئے

 

[محمد شکیل خورشید]

رہ جاتی ہے فقط یاد انسان چلا جاتا ہے
اس یاد کو کوئی سنگھار ہونا چاہیئے

یہاں وہ رنگ جمایا اساتذہ نے کہ بس
دبائے دانت میں انگشت طفل ہم سے ہیں

 

[محمد تابش صدیقی]

نہیں ہے مستقل اس کے علاوہ کوئی بھی پہلو
ہے انساں گود سے تا لحد رہتا علم کا طالب

 

[محمد شکیل خورشید]

نہیں ہے مستقل اس کے علاوہ کوئی بھی پہلو
ہے انساں گود سے تا لحد رہتا علم کا طالب

بے سبب انسیت نہیں اس سے
اردو محفل ہے مادرِ سخنی

(مادرِ سخنی بروزنِ مادرِ علمی) نامعلوم درست ہے یا نہیں

​

 

[محمد تابش صدیقی]

(مادرِ سخنی بروزنِ مادرِ علمی) نامعلوم درست ہے یا نہیں

​

مادرِ سخَنی کا وزن مادرِ علمی پر تو نہیں، البتہ شعر کے وزن کے حساب سے یہ بھی درست ہے۔

 

[محمد شکیل خورشید]

مادرِ سخَنی کا وزن مادرِ علمی پر تو نہیں، البتہ شعر کے وزن کے حساب سے یہ بھی درست ہے۔

جی درست دراصل بر وزن سے مراد شاعری کے اعتبار سے وزن کی نہیں بلکہ استعمال کے اعتبار سے تھی، مجھے اندازا نہیں تھا کہ سخن سے سخنی بنا کر اس انداز میں استعمال کیا جا سکتا ہے یا نہیں۔

 

[محمد احسن سمیع راحلؔ]

بے سبب انسیت نہیں اس سے
اردو محفل ہے مادرِ سخنی

(مادرِ سخنی بروزنِ مادرِ علمی) نامعلوم درست ہے یا نہیں

​

یہاں آ کر ہے سیکھا اس قدر ہم نے کہ اب ہم کو
یہ لگتا ہے کہ یہ محفل ہی اب ہے مادرِ علمی

 

[فہد اشرف]

یہاں آ کر ہے سیکھا اس قدر ہم نے کہ اب ہم کو
یہ لگتا ہے کہ یہ محفل ہی اب ہے مادرِ علمی

یہاں پہلوانوں کی ہے ایک ٹولی
سمجھتی ہے اس کو جو اپنا اکھاڑا

 

[محمد احسن سمیع راحلؔ]

یہاں پہلوانوں کی ہے ایک ٹولی
سمجھتی ہے اس کو جو اپنا اکھاڑا

اکھاڑا میں الف پر زبر پڑھنا ہے یا پیش؟

 

[فہد اشرف]

اکھاڑا میں الف پر زبر پڑھنا ہے یا پیش؟

اگر اس اکھاڑے میں آپ کو کسی نے پچھاڑا نہیں ہے تو آپ کچھ بھی پڑھ سکتے ہیں

 

[ام عبدالوھاب]

واہ واہ واہ۔ سب نے کمال کردیا

 

[محمد شکیل خورشید]

اب چلائیں کہانی کچھ آگے
جو ہے خوابیدہ شائد اب جاگے

 

[سیما علی]

اب چلائیں کہانی کچھ آگے
جو ہے خوابیدہ شائد اب جاگے

بھیا ہم کیا چلائیں کہانی
کام ہے واہ واہ کرنا

 

[محمد تابش صدیقی]

آہنی فصیلوں سے فاصلہ نہیں بڑھتا
فیصلے شرر افشاں، فاصلہ بڑھاتے ہیں