صدر پرویز مشرف مستغفی

[محمد وارث]

لیجئے مثبت اثرات سامنے آنا شروع بھی ہوگئے۔

اور منفی اثرات یہ کہ آج مارکیٹ میں ڈالر کے مقابلے میں روپیہ ریکارڈ کمی کا شکار ہو 77 روپے 10 پیسے پر فروخت ہو رہا ہے۔

 

[مغزل]

سارا ڈھکوسلہ ہے۔ ۔۔ لگتا ہے کچھ بھی نہیں بدلے گا۔
صرف فرانس کی طرز کا انقلاب ہی حل ہے۔

 

[شمشاد]

منفی اثرات حالیہ دھماکوں اور ملکی کی غیر متوازن سیاسی صورتحال ہے کہ آج مسلم لیگ (ن) اور پی پی پی کے درمیان ججوں کی بحالی کے فیصلے کا فیصلہ کُن دن ہے۔

 

[عمار ابن ضیا]

فیصلہ کن دن۔۔۔ ہونہہ۔۔۔ دیکھ لیں، آج پھر ٹال دیا ہے۔

 

[شمشاد]

کچھ خبر ہی لکھ دینی تھی، میں تو دیکھ ہی نہیں سکا۔

 

[عمار ابن ضیا]

عدلیہ کی بحالی سے متعلق ایک اور ڈیڈلائن

پاکستان میں حکمراں اتحاد نے طے کیا ہے کہ ایک قرارداد کے ذریعے قومی اسمبلی سے آئندہ ہفتے میں معزول عدلیہ کو بحال کر دیا جائے گا۔

بی بی سی اردو سے

 

[شمشاد]

آئندہ ہفتے پھر کوئی نیا شوشہ ہو گا، کوئی نئی بات ہو گی، اصل میں اس سے پہلے زرداری صدر بننا چاہتا ہے۔

 

[قیصرانی]

اس دن میں ایک ترکی دوست کے گھر تھا۔ اس کے ترکی چینل پر خبر آئی مشرف کے استعفے کی۔ پھر اے آر وائی لگایا تو کافی دیر بعد اس پر خبر آئی۔ پھر ق لیگ کی طرف سے چھوٹے چوہدری نے بات کی۔ اس کے بقول چوہدری برادران کی سیاست نواز شریف وغیرہ سے بہت پہلے کی ہے۔ انہوں نے نواز شریف کا ساتھ اس وقت تک نہیں چھوڑا جب تک نواز فیملی نے ڈیل کر کے دس سال کے لئے ملک بدری کا خود سے انتخاب نہیں کیا۔ اس کے علاوہ اس نے یہ بات بھی کی کہ وہ لوگ اب بھی حسب وعدہ مشرف کے ساتھ ہیں۔ تاہم مشرف نے استعفٰی دے دیا اور منظر سے ہٹنے کو ترجیح دی۔ اس وجہ سے چوہدری برادران اب پھر آزاد ہیں

 

[زونی]

آئندہ ہفتے پھر کوئی نیا شوشہ ہو گا، کوئی نئی بات ہو گی، اصل میں اس سے پہلے زرداری صدر بننا چاہتا ہے۔

بلکل ، صدر بننے کے بعد وہ کافی محفوظ ہو جائے گا۔