صدر زرداری پاکستان کے دورے پر اسلام آباد پہنچ گئے

[زین]

اسلام آبا د……صدرمملکت آصف علی زرداری انیس دن کے غیر ملکی دورے کے بعدوطن واپس پہنچ گئے ہیں۔صدر اپنے دورے کے دوران امریکہ، برطانیہ، فرانس اور دبئی گئے جہا ں انہوں نے ان مما لک کے سر براہان کے ساتھ ملاقاتیں کیں اورانھیں پاکستان کے موقف سے آگاہ کیا۔ گزشتہ رات صدر آصف علی زرداری انیس دن کے غیر ملکی دورے کے بعد وطن واپس پہنچے ۔

 

[شمشاد]

میرا تو خیال ہے کہ زرداری صاحب پاکستان کے دورے پر آئے ہیں۔ چند دن یہاں کا دورہ کریں گے پھر غریب عوام کے پیسے کے بل بُوتے پر کہیں اور نکل جائیں گے۔

 

[عثمان رضا]

زرداری کی موجاں ہی موجاں
صدر پاکستان بننے کو فوائد کیا ہیں ؟ اور صدر پاکستان کس طرح بنا جا سکتا ہے ؟

 

[محمدصابر]

۱۰ فیصد یاد رکھیں۔ صدر بننے کے لئے ضروری ہے۔

 

[ایچ اے خان]

صدر تو چند روزہ ہے مگر یہ چیف اف ارمی اسٹاف تو دھائیوں کے لیے چپک جاتے ہیں‌اور قوم کا ٰخون چوس کر بھی لیکچر دیتے رہتے ہیں

 

[designergraphics]

ایرانی ایجندے کے تحت پاکستان کس کمزور کر رہے ہیں زر داری صاحب

 

[designergraphics]

پاکستان کا پہلا سب سے بڑا جھوٹا صدر جس نے کہا تھا کہ آتے ہی باون ٹو بی کو سرنڈر کرنے کا تحفہ پاکستان کو دونگا۔

 

[designergraphics]

یہودیوں اور صیہونیوں کی ہمیشہ سے یہی کوشش رہی ہے کہ پاکستان کو کس طرح پاش پاش کیا جائے ۔ خمینی ۔ امریکن صدر اور اسرائیل کے صدر کی غالبان 1979 میں ایک معاہدہ ہوا تھا جس کے تحت تینوں ممالک مسلمانوں اور عرب کے خلاف خفیہ کاروائیاں مل کر کریں گے اور میڈیا کے سامنے ایک دوسرے کو دہمکیاں دیں گے تاکہ دنیا کو گمراہ کیا جاسکے جس کے صلے میں امریکہ نے ایران میں انقلاب کے ذریعے خمینی کو اقتدار سونپا۔

 

[شمشاد]

وہ قرآن حدیث کو نہیں مانتا، آپ ایک جھوٹ کی بات کر رہے ہیں۔

 

[فرحان دانش]

بہت خوب جناب

 

[arifkarim]

الحمدللہ۔ اب پاکستان کا دورہ کرنے کے بعد کسی اور ملک کی روانگی ہو جائے گی!

 

[سرمد خان]

ویسے مقام افسوس یہ ہے کہ عوامی نمائندوں نے ہی اس جیسے عظیم کرپٹ انسان کو صدر چنا ہے ۔ مگر پھر قانون قدرت یاد آجاتا ہے "جیسے قوم ویسے حکمران"۔ اور اس پر طرہ یہ کہ ایسے خکمرانوں کو بھی پسند کرنے والے اور حوصلہ افزائی کرنے والے ایجنٹ بھی قدرت پیدا کر دیتی ہے

 

[شمشاد]

تو عوامی نمائندوں کو کس نے چنا تھا؟

ہمارے ملک کی سیاست عوامی سیاست ہے ہی نہیں، ہمارے ملک کی سیاست یا تو پیسے کی سیاست ہے یا پھر غنڈہ گردی کی۔

 

[سرمد خان]

درست فرمایا آپ نے بھائی حقیقت واقعی ایسی ہی ہے

 

[شعیب سعید شوبی]

لوٹ کے بدھو گھر کو آئے۔۔۔۔۔۔۔۔۔۔۔۔۔!

 

[محسن حجازی]

گھر تو ادھر ہے۔

 

[شمشاد]

تو آپ بھی تو گھر جائیں ناں، وہاں آپ کا انتظار ہو رہا ہے۔

 

[خرم]

پاکستان زیادہ اس لئے بھی نہیں رہنا چاہئے انہیں کہ "اندر" ہوجانے کا دھڑکا لگا رہتا ہے۔ اسی لئے زیادہ تر "باہر" ہی رہتے ہیں۔

 

[خورشیدآزاد]

ہماری بد اعمالیوں کی سزا صدر زرداری

ایک درویش اور اس کا کمسن چیلا شہر سے دور کسی جنگل میں رہتے تھے۔ درویش عام طورپر یادِخدامیں مصروف رہتا تھا اور چیلا آس پاس کی بستیوں سے بھیک مانگ کر اس کی خدمت کیا کرتا تھا۔

درویش کا دل انسانیّت کے درد سے لبریزتھا اور وہ صبح شام انتہائی سوزوگداز کے ساتھ یہ دعا کیا کرتا تھا “میرے پروردگار! میں ایک بے بس اور بے وسیلہ انسان ہوں اور تیرے بندوں کی کوئی خدمت نہیں کرسکتا، لیکن اگر تو مجھے بادشاہ بنا دے تو میری زندگی کا ہر سانس بھوکے اور ننگے انسانوں کی خدمت کے لیے وقف ہوگا۔ میں یتیموں، بیواؤں اور نادار لوگوں کی سرپرستی کروں گا۔ میں محتاجوں کے لیے لنگر خانے کھولوں گا۔ میں عدل و انصاف کا بول بالا کروں گا۔ رشوت خور اور بددیانت اہلکاروں کو عبرت ناک سزائیں دوں گا۔ مظلوم مجھے اپنی ڈھال سمجھیں گے اور ظالم میرے نام سے کانپیں گے۔ میں نیکی اور بھلائی کو پروان چڑھائوں گا۔

کمسن چیلے کو یہ یقین تھا کہ کسی دن مرشد کی دعا ضرور سنی جائے گی اورانکےدن پھر جائیں گے۔ لیکن وقت گزرتا گیا۔ چیلا جوان ہوگیااورنیک دل درویش میں بڑھاپے کے آثارظاہر ہونے لگے۔ رفتہ رفتہ چیلے کے اعتقادمیں فرق آنےلگا، یہاں تک کہ جب درویش دعا کے لیے ہاتھ اٹھاتا تو وہ اس کے قریب بیٹھنے کی بجائے چند قدم دور بیٹھتا اور دبی زبان سے یہ دعا شروع کر دیتا۔

“میرے پروردگار! اب میرا مرشد بوڑھاہوچکا ہے۔ اسکے بال سفید ہوچکے ہیں۔ دانت جھڑ چکے ہیں اور بینائی جواب دے چکی ہے۔ اب وہ مجھے تخت کی بجائے قبر سے زیادہ قریب دکھائی دیتا ہے۔ اگر تجھے ایک نیک دل آدمی کا بادشاہ بننا پسند نہیں تو مجھے بادشاہ بنا دے۔ میں یہ عہد کرتا ہوں کہ میرا ہر کام اپنے مرشد کی خواہشات کے الٹ ہوگا۔ میں صدق دل سے عہد کرتا ہوں کہ میں ناداروں کو زیادہ نادار اور بے بسوں کو زیادہ بے بس اور مظلوموں کو زیادہ مظلوم بنانےکی کوشش کروں گا۔ میں چوروں اور ڈاکوؤں کی سرپرستی کروں گا۔ میں شرفاء کو ذلیل کروں گا۔ اور ذلیلوں کو عزت کی کرسیوں پر بیٹھاؤں گا۔ میں راشی اور بد دیانت اہلکاروں کی سرپرستی کروں گا۔

ابتداءمیں یہ ہوشیار چیلا چُھپ چُھپ کر دعائیں کیا کرتا تھا، لیکن آہستہ آہستہ اسکا حوصلہ بڑھتا گیا اور کچھ مدت بعد اس کی حالت تھی کہ جب مرشد دعا کے لیے ہاتھ اٹھاتا تو وہ بھی اس کے قریب بیٹھ کرہی بلند آواز میں اپنی دعا دہرانی شروع کردیتا۔ درویش اپنی آنکھوں مین آنسو بھر کر یہ کہتا کہ اگر بادشاہ بن جاؤں تو عدل و انصاف نیکی اور سچائی کا بول بالا کروں اور چیلا قہقہ لگا کر یہ کہتا کہ اگر میں بادشاہ بن جاؤں تو ظلم اور بدی کا جھنڈا بلند کروں۔ درویش کہتا کہ میرے خزانے سے معذور اور نادار لوگوں کو وظائف ملیں گے اور چیلا یہ کہتا کہ میں ان پر سخت جرمانے عائد کروں گا۔ درویش اسے ڈانٹ ڈپٹ کرتا اور بسا اوقات ڈنڈا اٹھا کر پیٹنا شروع کردیتا، لیکن چیلا اپنی روایتی نیازمندی کے باوجود اپنے موقف پر ڈٹا رہا۔

پھر وہی ہوا جو پرانے وقتوں میں ہوا کرتا تھا۔ یعنی ملک کا بادشاہ چل بسا اور تخت کے کئی دعویدار ایک دوسرے کے خلاف تلواریں سونت کر میدان میں آگئے۔ دور اندیش وزیر نے راتوں رات تمام دعوے داروں کو جمع کرکے یہ تجویز پیش کی کہ اب ملک کو خانہ جنگی سے بچانے کی ایک ہی صورت باقی رہ گئی ہے اور وہ یہ کہ شہر کے تمام دروازے بند کر دیے جائیں اور علی الصباح باہر سے جو آدمی سب سے پہلے مشرقی دروازے پر دستک دے، اسے بادشاہ تسلیم کر لیا جائے۔

یہ تجویز بااتفاق رائے منظور کی گئی۔ پھر یہ ہوا کہ نیک دل درویش کا چیلا بھیک مانگنے کے لیے کسی چھوٹی موٹی بستی کا رخ کرنے کے بجائے ملک کے دارالحکومت کی طرف جا نکلا۔ پو پھٹتے ہی اس نے شہر کے مشرقی دروازے پر دستک دی، پہریداروں نے دروازہ کھول کر اسےسلامی دی اور امراءاسے ایک جلوس کی شکل میں شاہی محل کی طرف لے گئے۔

نئے بادشاہ نے تخت پر رونق افروز ہوتے ہی یہ حکم جاری کیا کہ میری سلطنت میں جتنے درویش، فقیر اور سادھو ہیں، انھیں کسی تاخیر کے بغیر گرفتار کرلیا جائے۔ اس حکم کی تعمیل کی گئی، لیکن خوش قسمتی سے نئے بادشاہ کے مرشد کو کسی طرح یہ پتہ چل گیا کہ اس کا ہوشیار چیلےکی دعا قبول ہوگئی ہے اور وہ سرحد عبور کرکے کسی دوسرے ملک میں چلا گیا۔

اسکے بعد جو ہوا، وہ کسی تشریح یا تبصرے کا محتاج نہیں۔ نئے بادشاہ نے پوری مستعدی اور دیانتداری کے ساتھ اپنے تمام وعدے پورے کیے۔ نہروں کا پانی بند کردیاگیا۔ کنوئیں اور تالاب غلاظت سے بھر دیے گئے۔ چوروں اور ڈاکوؤں کو جیلوں سے نکال کر حکومت کا کاروبار سونپ دیاگیا۔ نیک خداپرست انسانوں پر ظلم کی انتہا کردیگئ۔

غرض ان داشمندوں کو سر چھپانے کے لیے جگہ نہیں ملتی تھی، جنہوں نے ملک کی بھلائی کے لیے ایک گداگر کو تخت پر بیٹھا دیا تھا۔ جب نئے بادشاہ کے مظالم اپنی انتہا کو پہنچ گئے تو عوام کے لیڈروں نے اسکا حسب ونسب معلوم کرنے کی ضرورت محسوس کی۔ سابق وزیراعظم کی قیادت میں ایک وفد تلاشِ بسیار کے بعد بادشاہ کے مرشد کی خدمت میں حاضر ہوا اور اس سے فریاد کی کہ خدا کے لیے ہمیں اس بلائے ناگہانی سے نجات دلائیے۔

عمررسیدہ درویش اپنے چیلے کے سامنے جانے سے گھبراتا تھا۔ لیکن ارکانِ وفدکی گریہ وزاری سے متاثر وہ یہ خطرہ مول لینے پر آمادہ ہوگیا۔ جب وہ دربار میں حاضرہواتوبادشاہ سلامت کواپنے پیرومرشدکی طرف دیکھتے ہی اپنا ماضی یاد آگیااوراس نے مرعوبیت کے احساس سے مرغوب ہوکرکہا۔ “پیرومرشد! فرمائیے میں آپ کی کیا خدمت کر سکتا ہوں؟

”درویش نے جواب دیا۔ “میں اپنے لیے کچھ نہیں مانگتا۔ میں صرف تمہاری رعایا کے لیے رحم کی اپیل کرنے آیا ہوں۔ تم اقتدار کے نشے میں وہ زمانہ بھول گئےہو، جب بھیک مانگا کرتے تھے۔ خدا سے ڈرو۔ یہ سب فانی ہے۔ اگر ہوسکے تو موت سے پہلے کوئی نیک کام کرلو۔”

بادشاہ نے تلخ ہوکر جواب دیا۔ “دیکھیئےقبلہ! آپ میری قوّتِ برداشت کا امتحان لینے کی کوشش نہ کریں۔ یہ آپکی خوش قسمتی ہے کہ آپ میرے مرشد ہیں اور میں آپ پر ہاتھ ڈالتے ہوئے گھبراہٹ محسوس کرتا ہوں۔ آپ مجھے جی بھر کر گالیاں دے سکتے ہیں، لیکن خدا کے لیے ان لوگوں کے ساتھ کسی نیکی کا مشورہ نہ دیں۔ آپ کو یاد ہے کہ ہم دونوں ایک ہی وقت میں دعا مانگا کرتے تھے۔ پھر کیا وجہ ہے کہ آپکی دعا قبول نہ ہوئی اورقدرت نے مجھے بادشاہ بنا دیا؟ اگر ان لوگوں کے اعمال ٹھیک ہوتے اور قدرت کو ان کی بھلائی مقصود ہوتی تو آپ ان کے بادشاہ بنتے۔ لیکن یہ بد بخت تھے۔ انہیں اچھے برے کی تمیز نہ تھی اور قدرت انکی بد اعمالیوں کی سزا دینے کے لیے مجھے بادشاہ بنا دیا۔ اب میں مرتے دم تک اپنا پروگرام پورا کرتا رہوں گا۔ اگر قدرت کو انکی گریہ وزاری پر رحم آجائے اور میری زندگی کے دن پورے ہوجائیں تو اور بات ہے، ورنہ میری طرف سے کوئی کوتاہی نہیں ہوگی”۔

نیک دل درویش نے جواب دیا۔”برخوردارتم بلکل ٹھیک کہتے ہو۔ اگر یہ لوگ قدرت کی طرف سے کسی انعام یا بہتر سلوک کے مستحق ہوتے میری عمر بھر کی دعائیں رائیگاں نہ جاتیں۔ یہ لوگ جنہوں نے میرے بجائے تمہارے سرپر تاج رکھ دیا ہے، اس قابل نہیں ہیں کہ ان پر رحم کیا جائے۔ تم شوق سے اپنا کام جاری رکھو”۔۔!!

بھائیو!! یہ توصرف ایک کہانی تھی لیکن مجھے اس میں آج کا پاکستان نظر آرہا ہے۔۔۔

 

[خرم]

خورشید آپ نے بلاشبہ بہت درست کہا۔