تبسم صبحِ وطن ہے شامِ غریباں ترے بغیر ۔ صوفی تبسّم

[فرخ منظور]

صبحِ وطن ہے شامِ غریباں ترے بغیر​

دنیا ہے کس قدر مری ویراں ترے بغیر​

​

وہ درد جس سے دہر میں آسودگی ملی​

وہ درد بن گیا غمِ دوراں ترے بغیر​

​

رونا پڑا ہے حوصلۂ دید پر مجھے​

دیکھی ہے میں نے صبحِ بہاراں ترے بغیر​

​

پہلے ہر ایک خوابِ پریشاں تھا زندگی​

اب زندگی ہے خوابِ پریشاں ترے بغیر​

​

۔۔۔۔۔۔۔۔۔۔۔۔۔۔۔۔۔۔۔۔۔۔۔​

​

نہ طبیعتوں میں شگفتگی نہ دلوں کو اب وہ قرار ہے​

مگر احترامِ چمن کرو کہ بہار پھر بھی بہار ہے​

​

یہ طوافِ دیر و حرم نہیں، کہ گزر ہو ایک ہی راہ سے​

یہاں ہر قدم پہ ہیں منزلیں یہ کسی کی راہگزار ہے​

​

(صوفی تبسّم)​