طارق شاہ
محفلین
غزل
شیخ غلام ہمدانی مصحفؔی
شب گھر سے جو سیٹی کی وہ آواز پہ نِکلا
نِکلا تو وہ، لیکن عجب انداز پہ نِکلا
مانی نے قلمداں میں رکھا خامۂ مُو کو
خط جب سے تِرے لعلِ فسُوں ساز پہ نِکلا
دِل مجلسِ خُوباں میں جو گُم رات ہُوا تھا
صد شُکر اُسی محرمِ ہمراز پہ نِکلا
سو حُسن کی تصوِیریں لِکھیں کلکِ قضا نے
چہرہ نہ کوئی پر تِری پرداز پہ نِکلا
طاؤسی قبا پہنے جو آیا وہ چمن میں !
عالَم عجب اِک اُس بُتِ طنّاز پہ نِکلا
کل جس کا مَیں پامالِ سُمِ رخش تھا ، وہ شوخ !
پھر آج دَہِ دِل کے تگ و تاز پہ نِکلا
اے مصحفؔی حُسن اُس کا جو دیکھے ہے ،کہے ہے
یہ طُرفہ سِتا رہ فَلَکِ ناز پہ نِکلا
شیخ غلام ہمدانی مصحفؔی امروہوی
شیخ غلام ہمدانی مصحفؔی
شب گھر سے جو سیٹی کی وہ آواز پہ نِکلا
نِکلا تو وہ، لیکن عجب انداز پہ نِکلا
مانی نے قلمداں میں رکھا خامۂ مُو کو
خط جب سے تِرے لعلِ فسُوں ساز پہ نِکلا
دِل مجلسِ خُوباں میں جو گُم رات ہُوا تھا
صد شُکر اُسی محرمِ ہمراز پہ نِکلا
سو حُسن کی تصوِیریں لِکھیں کلکِ قضا نے
چہرہ نہ کوئی پر تِری پرداز پہ نِکلا
طاؤسی قبا پہنے جو آیا وہ چمن میں !
عالَم عجب اِک اُس بُتِ طنّاز پہ نِکلا
کل جس کا مَیں پامالِ سُمِ رخش تھا ، وہ شوخ !
پھر آج دَہِ دِل کے تگ و تاز پہ نِکلا
اے مصحفؔی حُسن اُس کا جو دیکھے ہے ،کہے ہے
یہ طُرفہ سِتا رہ فَلَکِ ناز پہ نِکلا
شیخ غلام ہمدانی مصحفؔی امروہوی
آخری تدوین:
