شکل رکھتے تھے دلبروں والی۔ خرم شہزاد

[فائزہ ندیم]

آن لائن اردو ڈاٹ کام پر خرم شہزاد کی یہ غزل مجھے پسند آئی

شکل رکھتے تھے دلبروں والی
بات لیکن ستمگروں والی

اس کی چُپ تو بہت ہی گہری تھی
اور آنکھیں سخنوروں والی

ہم مکاں بیچ کر چلے آئے
آپنی صورت نہ تھی گھروں والی

مجھ کو اُڑنے میں تھی بہت مشکل
کوئی صورت نہ تھی پروں والی

دور تک بس ہے پیاس کا صحرا
اور آنکھیں سمندروں والی

دل سے خرم بہت سخی ہو تم
اور حالت گدا گروں والی

 

[شاہ حسین]

بہت شکریہ محترمہ شامل محفل کرنے کا ۔

 

[خرم شہزاد خرم]

خاکسار کی غزل پسند کرنے کا شکریہ

 

[شاہ حسین]

خوش آمدید جناب خرم صاحب امید تھی آپ ضرور تشریف لائیں گے ۔

محفل پر ڈھونڈنے کی کوشش کی تھی پر مل نہیں پائی یا شریک محفل کی نہیں‌جناب نے

 

[خرم شہزاد خرم]

سر اصلاح سخن والے سیکشن میں ہیں
یہ کیسے ہو سکتا ہے غزل یہاں سے اصلاح کے بغیر کہیں شائع ہونے کے لیے دے دوں

 

[الف عین]

مبارک ہو خرم، کہ تمہاری غزلیں پسندیدہ کلام میں شامل ہونے لگیں۔ اس بات پر خوشی سے پھول نہ جانا!!

 

[محمداحمد]

اس کی چُپ تو بہت ہی گہری تھی
اور آنکھیں سخنوروں والی

بہت ہی خوب خرم بھائی!

 

[عمران شناور]

شکریہ فائزہ جی!