شو کمار بٹالوی شِو کمار بٹالوی: برہا دا سلطان

[فلک شیر]

اوس کڑی نوں میری سونہہ ہے
اوس کڑی نوں آپنی سونہہ ہے
اوس کڑی نوں سبھ جگ دی سونہہ ہے
اوس کڑی نوں رب دی سونہہ ہے
جے کتے پڑھدی سندی ہووے
اک واری آکے مل جاوے
وفا میری نوں داغ نہ لاوے
نہیں تاں میتھوں جیا نہ جاندا
گیت کوئی لکھیا نہ جاندا !

اک کڑی جہدا نام محبت
گم ہے ۔ گم ہے ۔ گم ہے !
ساد مرادی سوہنی پھبت
گم ہے ۔ گم ہے ۔ گم ہے ! ​

 

[تلمیذ]

​

ڈنگ جاگے تن دے ناگ دا ​

پنڈے دی کیفیت دا سُچا اظہار!!

 

[فلک شیر]

اَینے سوہنے شعر دےدوجے مصرعے دےایس لفظ نے کوئی بہتاسواد نئیں دتا۔
(شِو دی آتما کولوں معذرت نال)

تُسی پرکھ پڑچول دا حق محفوظ رکھدے او.......

 

[فلک شیر]

پنڈے دی کیفیت دا سُچا اظہار!!

بلکل ٹھیک آکھیا جے.....

 

[تلمیذ]

​

اک کڑی جہدا نام محبت​

گم ہے ۔ گم ہے ۔ گم ہے !​

ساد مرادی سوہنی پھبت ​

گم ہے ۔ گم ہے ۔ گم ہے ! ​

ایہہ گیت جالندھر ریڈیو توں سُنیاہویا ہے، گؤون آلے دا نان یاد نئیں رہیا۔

 

[فلک شیر]

شو کمار ہوراں دا یہہ گیت اوہناں دی پہچان بنیا......اوہناں دی اپنی واج اچ ایہہ گیت انج ای جاپدا سی.....جیویں عنقا(phoenix) اپنا اخیرلا گیت گا ندا پیا ہووے......​

​

گیت

کیہ پچھدے او حال فقیراں دا
ساڈے ندیوں وچھڑے نیراں دا
ساڈے ہنجھ دی جُونے آیاں دا
ساڈا دل جلیا دل گیراں دا

ایہ جاندیاں کجھ شوخ جہے
رنگاں دا ہی ناں تصویراں ہے
جد ہٹ گئے اسیں عشقے دی
مُل کر بیٹھے تصویراں دا

سانوں لکھاں دا تن لبھ گیا
پر اک دامن وی نہ ملیا
کیا لکھیا کسے مقدر سی
ہتھاں دیاں چار لکیراں دا

تقدیر تاں آپنی سوکن سی
تدبیراں ساتھوں نہ ہوئیاں
نہ جھنگ چھٹیا نہ کن پاٹے
جُھنڈ لنگھ گیا انجے ہیراں دا

میرے گیت وی لوک سنیندے نیں
نالے کافر آکھ سدیندے نیں
میں درد نوں کعبہ کہہ بیٹھا
رب ناں رکھ بیٹھا پیڑاں دا

میں دانشوراں سنیندیاں سنگ
کئی واری اُچی بول پیا
کجھ مان سی سانوں عشقے دا
کجھ دعوا وی سی پیڑاں دا !

توں خود نوں عاقل کہنداہیں
میں خود نوں عاشق دسدا ہاں
ایہ لوکاں تے چھڈ دیئے
کہنوں مان نیں دیندے پیراں دا​

مشکل اکھراں دے معنی:
ہٹ: ہٹی(دکان).........نیر:اتھرو(آنسو).........ہنجھ:اتھرو.....جُو:علاقہ.....

 

[تلمیذ]

بوہت ودھیا، چیمہ صاحب۔

 

[فلک شیر]

باباجی.....تساں ایس گیت دی فرمائش پائی سی.....

 

[فلک شیر]

بوہت ودھیا، چیمہ صاحب۔

تلمیذ بھا جی.....تہاڈی محبت

 

[باباجی]

واہ بہت ہی ودیا جناب

میرے گیت وی لوک سنیندے نیں
نالے کافر آکھ سدیندے نیں
میں درد نوں کعبہ کہہ بیٹھا
رب ناں رکھ بیٹھا پیڑاں دا


توں خود نوں عاقل کہنداہیں
میں خود نوں عاشق دسدا ہاں
ایہ لوکاں تے چھڈ دیئے
کہنوں مان نیں دیندے پیراں دا

میں جدوں وی اےگیت سننا واں تے بہوں عجیب جئی حالت ہوجاندی اے
عجیب ای کیفیت ہوندی اے
جیویں اے میری آپنڑی ہڈ بیتی اے

بہت شکریہ جناب

 

[فلک شیر]

واہ بہت ہی ودیا جناب

میرے گیت وی لوک سنیندے نیں
نالے کافر آکھ سدیندے نیں
میں درد نوں کعبہ کہہ بیٹھا
رب ناں رکھ بیٹھا پیڑاں دا


توں خود نوں عاقل کہنداہیں
میں خود نوں عاشق دسدا ہاں
ایہ لوکاں تے چھڈ دیئے
کہنوں مان نیں دیندے پیراں دا

میں جدوں وی اےگیت سننا واں تے بہوں عجیب جئی حالت ہوجاندی اے
عجیب ای کیفیت ہوندی اے
جیویں اے میری آپنڑی ہڈ بیتی اے

بہت شکریہ جناب

وڈی مہربانی باباجی

 

[فلک شیر]

چپ ​

​

چپ دی واج سنو​

چپ دی واج صرف عاشق دی​

رَت سندی ہے​

یاں کھنڈراں دی چھت سندی ہے​

یاں سپنی دی اَکھ سندی ہے​

چپ دی واج سنو​

​

ہنے جو ساوے رُکھاں دے وچ​

واء بولی ہے​

ہنے جو پنچھی نے انبراں توں​

چھاں ڈولھی ہے​

ایہ میری چپ ہی بولی ہے​

چپ دی واج سنو​

​

چپ نوں سپنی دی اکھ واکن​

پیار کرو​

چپ نوں کھنڈراں واکن ہی​

رل کے یاد کرو​

چپ دا قبراں واکن ہی​

ستکار کرو​

تھل وچ آپنی چھاں سنگ​

رل کے سفر کرو​

انھے کھوہ چوں​

ادھی راتیں ڈول بھرو​

وگدی واء وچ​

بڈھے بوڑھاں ہیٹھ بہو​

پربت اپراگے​

ساوے حرف پڑھو​

میری چپ سنگ ​

سو جنماں توں یاری ہے ​

میں سپنی دی اکھ وچ ​

عمر گزاری ہے ​

چپ دی واج جسم بھوگن توں ​

پیاری ہے ​

چپ دی واج سنو​

چپ دی واج سنو​

چپ دی واج سنو​

 

[فلک شیر]

لفظ

میں کل لفظ چنداسی
اک لفظ بوڑھ تے بیٹھا سی
تے اک پپل تے
اک میری گلی وچ
تے اک گھڑے وچ پیاسی
اک ہرے رنگ دا لفظ کھتیاں وچ پیاسی
اک کالے رنگ دا لفظ ماس کھا رہیا سی
اک نیلے رنگ دا لفظ
سورج دا دانہ مونہہ و چ لئی اڈ رہیاسی
مینوں دنیا دی ہر اک چیز لفظ لگدی ہے
اکھاں دے لفظ
ہتھاں دے لفظ
پر بلھاں دے لفظ سمجھ نہیں آؤندے نیں
مینوں صرف لفظ پڑھنے آؤندے نیں ​

 

[فلک شیر]

ہن چپ اینی ہے ​

کہ چپ دی واج سن سکداہاں میں ​

تے درد اینا ہے ​

کہ خد توں آپ ہی ڈرداہاں میں ​

بدچلن راتاں دا ہن ​

سڑکاں تے بھاکردا ہاں میں ​

تے سفلسی شاماں دی ٹھنڈی ​

اگ وچ بلداہاں میں ​

ہن روز ہی جیونداہاں میں ​

تے روز ہی جیواندہاںمیں ​

تے روز ہی مرداہاں میں ​

ہن پٹھ تے جنگل اٹھاکے ​

شہر وچ چلداہاں میں ​

 

[فلک شیر]

چھتاں

چھتاں یارو چھتاں
میں کیکن سرتے چکاں
چھتاں اپر جالے لٹکن
کنج اکھاں تے رکھاں
چھتاں میرا رستا روکن
کنج انبر نوں تکاں
چھتاں گھر وچ نھیرا کیتا
کنج لوکاں نوں دساں
چھتاں جے میرے سرتے ڈگن
تاں میں رج کے ہساں
چھتاں جے نہ سرتے ہوون
میں انبر و نچاں
دل کردا اے کتاں
دل کردا اے چھتاں چھاناں
دل کردا اے چھٹاں
چھتاں چھتاں چھتاں
میں جالے کیکن چٹاں​

 

[نیرنگ خیال]

ایڈا ودیا تاگہ تے میرے اکھیاں اگوں ٹپیا ائ نئیں
میں وی شیو کمار بٹالوی دا وڈا پرستار واں۔ مائے نی مائے میرے گیتاں دے نیناں وچ برہوں دی رڑک پوے۔
میں فیس بک تے لکھ کے شائع کیتی سی تے جے ایتھے ہالے کسے نے شائع نئیوں کیتی تے میں کر دیاں؟

 

[نیرنگ خیال]

گیت

مائے نی مائے!
میرے گیتاں دے نیناں وچ
برہوں دی رڑک پوے
ادھی ادھی راتیں
اٹھ رون موئے متراں نوں
مائے سانوں نیند نہ پوے

بھیں بھیں ، سگندھیاں وچ
بنھاں پھہے چاننی دے
تاں وی ساڈی پیڑ نہ سہوے
کوسے کوسے ساہاں دی
میں کراں جے ٹکورمائے
سگوں سانوں کھان نوں پوے

آپے نی میں بالڑی
میں حالے آپ متاں جوگی
مت کہڑا ایس نوں دوے؟
آکھ سونی مائے ایہنوں
رووے بلھ چتھ کے نی
جگ کتے سن نہ لوے

آکھ سونی کھالئے ٹک
ہجراں دا پکیا
لیکھاں دے نی پٹھڑے توے
چٹ لئے تریل لونی
غماں دے گلاب توں نی
کالجے نوں حوصلا رہوے

کہڑیاں سپیریاں توں
منگاں کنج میل دی میں
میل دی کوئی کنج دوے
کہڑا ایہناں دماں دیاں
لوبھیاں دے دراں اتے
وانگ کھڑا جوگیاں رہوے

پیڑے نی پیڑے
ایہ پیار ایسی تتلی ہے
جہڑی سدا سول تے بہوے
پیار ایسا بھورہے نی
جہدے کولوں واشنا وی
لکھاں کوہاں دور ہی رہوے

پیار اوہ محل ہے نی
جہدے چ پکھیروواں دے
باجھ کجھ ہور نہ رہوے
پیار ایسا آلھنا ہے
جہدے چ نی وصلاں دا
رتڑا نہ پلنگ ڈہوے

آکھ مائے ، ادھی ادھی راتیں
موئے متراں دے
اُچی اُچی ناں نہ لوے
متے ساڈے مویاں پچھوں
جگ ایہ شریکڑانی
گیتاں نوں وی چندرا کہوے

مائے نی مائے
میرے گیتاں دے نیناں وچ
برہوں دی رڑک پوے
ادھی ادھی راتیں
اٹھ رون موئے متراں نوں
مائے سانوں نیند نہ پوے

ہائے اوئے مار سٹیا قسمیں

 

[فلک شیر]

ہائے اوئے مار سٹیا قسمیں

تہاڈی محبت اے نیرنگ خیال جی.....ایس تَند یا تاگے اِچ تسی اپنا حصہ وی پاؤ تے نالے تہاڈا شو نال پیار سُن کے بہت خوشی ہوئی......

 

[فلک شیر]

​

کتے

کتیورل کے بھونکو
تاکہ مینوں نیند نہ آوے
رات ہے کالی چور نیں پھردے
کوئی گھرنوں سنھ نہ لاوے

انج تاں میرے گھر وچ کجھ نہیں
کجھ ہوکے کجھ ہاوے
کتیاں دا مشکور بڑا ہاں
راتوں ڈرنہ آوے

کوئی کوئی پر سنگلی سنگ بجھا
ایویں بھونکی جاوے
چوراں نوں اوہ موڑے کاہدا
سگوں الٹے چور بلاوے ​

 

[فلک شیر]

سپ

کنڈلاں مارکے
بیٹھا ہویا سپ یاد کرداہے
تے سپ سپنی توں ڈردا ہے
اوہ اکثر سوچداہے
زہر پھلاں نوں چڑھدا ہے کہ
یاں کنڈیاں نوں چڑھدا ہے ​