فلک شیر
محفلین
ورہیاں پہلے میں اک پنجابی ویب سائٹ تے شو کماربٹالوی دا ناں پڑھیا....اوس سائٹ تے شو دا ناں تے لکھتاں بھریاں پیاں سن...میں جانیا، جو ایہہ چڑھدے پنجاب آلیاں دے ہتھ تھلے چلدی سائٹ اے...ایسے لئی اوہناں اپنے بے نامے جیہے بیلیاں دے وی ردیاں دے ردے ایتھے چاہڑے نے.........خیرڈھیر چِر پچھوں میرے اک بیلی نے وچار منڈلی دی بیٹھک اِچ مینوں آکھیا،جو توں کل انٹرنیٹ تے شوکمار دا BBCنال انٹرویو ویکھ کے آویں،تے فیر ایس گوچرا گل کراں گے......اوہ انٹرویو میں ویکھیا، تے فیر ....اک مدت تک میں شو کمار ہوراں دی اک اک چیز لبھدا رہیا....سارے گیت،شعری ڈرامے،انگریزی التھے تے اوہناں دی اپنی آواز اچ پڑھیاں اوہناں دیاں نظماں تے گیت......اداسی، برہا(ہجر)،اج دے ویلے دیاں دورنگیاں،ازل توں محبت لبھدی انسانی روح تے موت نوں واجاں ماردا شو........ایس تانے اندر میں اک شِو وستی اُسارن دی امید رکھنا ہاں........
