شفیق خلش -- مِسمار کرنے آئی مِری راحتوں کے خواب

[طارق شاہ]

​

غزل​

شفیق خلش​

​

مِسمار کرنے آئی مِری راحتوں کے خواب​

تعبیر وَسوَسے لئے سب چاہتوں کے خواب​

​

دل کے یقینِ وصل کو پُختہ کریں کچھ اور ​

ہرشب ہی ولوَلوں سے بھرے ہمّتوں کے خواب​

​

پَژمُردہ دل تُلا ہے مِٹانے کو ذہن سے​

اچّھی بُری سبھی وہ تِری عادتوں کے خواب​

​

​

کیسے کریں کنارا، کہ پیشِ نظر رہیں​

تکمیلِ آرزو سے جُڑے عظمتوں کے خواب​

​

ہجرت سِتم نہ لوگوں کے ہم سے چُھڑا سکی​

آئیں یہاں اب اُن کی اُنہی تہمتوں کے خواب​

​

یادش بخیر! اُس نے ہی دِکھلائے تھے ہمیں​

رنگوں بھرے گُلوں سے لدے پربتوں کے خواب​

​

دل کو لُبھائے رکھتے ہیں پردیس میں خلش​

نسبت سے اُن کی یاد ہمیں، مُدّتوں کے خواب​

​

شفیق خلش​

​

 

[طارق شاہ]

صاحب اختیاراگر غزل میں ٹائپو (معذرت) درست کردیں گے تو ممنون ہونگا
صحیح یوں ہیں :
١ ۔ اچّھی بُری سبھی وہ تِری عادتوں کے خواب

٢ ۔ تکمیلِ آرزو سے جُڑے عظمتوں کے خواب

تشکّر