شفیق خلش = "خلش ۔۔ بارہا، دل میں خیال آیا، کہ اِس اسمِ تلازُم کو مٹادوں اپنے"

[طارق شاہ]

خلش ​

بارہا، دل میں خیال آیا، کہ اِس اسمِ تلازُم کو مٹادوں اپنے ​

سوچ کر پھر یہ بدل ڈالا خیال، کہ اِس سے اک رنج کا ​

احساس سا رہ جائے گا​

​

یہ جو اک تیز تلاطُم سا ہے ٹہرا دل میں، کیا خبرکیسی یہ یادیں دے کر ​

دل کی دیواروں میں کر، کرکے شگاف، بہ شکلِ آب​

یہ خوں رنگ سا بہہ جائے گا​

​

میں نے کچھ کر کے تیری سمت بڑھا ڈالا ہے ​

اب جو چاہوں بھی تو کیا اِس کو مٹا سکتا ہوں ؟​

اب یہ میرا نہیں، بلکہ ہُوا کام تِرا ​

مجھ سے تو ہو نہ سکا، تم ہی اسے کر ڈالو​

چاہے اوراق بنا لو، یا جلا ڈالو اسے ​

شفیق خلش ​

---------------​

( نقش پا - جاوداں پبلیکیشنز، کراچی) ​