شعروں کے انتخاب نے رسوا کیا مجھے

[یوسف-2]

موتی سمجھ کے شان کریمی نے چن لئے
قطرے جو تھے مرے، عرق انفعال کے

 

[یوسف-2]

کیسا پردہ ہے کہ چلمن سے لگے بیٹھے ہین
صاف چھپتے بھی نہیں، سامنے آتے بھی نہیں

 

[یوسف-2]

بڑھائ شیخ نے داڑھی، اگرچہ سن کی سی
مگر وہ بات کہاں، مولوی مدن کی سی

 

[یوسف-2]

شیخ اور شیطان دونوں ایک ہیں
شیخ سے شیطان قدرے نیک ہیں

 

[یوسف-2]

خلاف شرع شیخ کبھی تھوکتا بھی نہیں
مگر اندھیرے اجالے وہ چوکتا بھی نہیں

 

[یوسف-2]

رفہ رفتہ وہ مری ہستی کا ساماں ہوگئے
آپ سے پھر تم ہوئے، پھر تو کا عنواں ہو گئے

 

[یوسف-2]

رنج کی جب گفگو ہونے لگی
آپ سے تم، تم سے تو ہونے لگی

 

[یوسف-2]

وہ زمانے میں معزز تھے مسلماں ہوکر
اور تم خوار ہوئے تارک قرآں ہوکر

 

[یوسف-2]

کی محمد سے وفا تو نے تو ہم تیرے ہیں
یہ جہاں چیز ہے کیا، لوح و قلم تیرے ہیں

 

[محمد خلیل الرحمٰن]

کیسا پردہ ہے کہ چلمن سے لگے بیٹھے ہین
صاف چھپتے بھی نہیں، سامنے آتے بھی نہیں

جنابِ عالی!
شعر میں ٹائپو ہے ۔ درست کرلیجیے۔

خوب پردا ہے کہ چلمن سے لگے بیٹھے ہیں
صاف چھپتے بھی نہیں، سامنے آتے بھی نہیں​

 

[یوسف-2]

جنابِ عالی!
شعر میں ٹائپو ہے ۔ درست کرلیجیے۔

خوب پردا ہے کہ چلمن سے لگے بیٹھے ہیں
صاف چھپتے بھی نہیں، سامنے آتے بھی نہیں​

جزاک اللہ برادر (شعرون کے انتخاب نے ۔۔۔۔۔ آخر کو رسوا کر ہی دیا نا! )

 

[یوسف-2]

شعروں کے معاملہ میں رشید احمد صدیقی اور میرا مسئلہ عملا“ ایک جیسا ہے۔ مجھے بھی بالعموم وہی “پریشانی“ ہوتی ہے، جو انہیں لاحق تھی۔ رشی احمد صدیقی فرماتے ہیں:

اول تو مجھے کوئی شعر یاد نہیں رہتا۔ اور جو یاد رہ جاتا ہے، پھر وہ شعر نہیں رہتا

 

[یوسف-2]

ابن مریم ہوا کرے کوئی
مرے دکھ کی دوا کرے کوئی

(اس محفل میں کوئی اب مریم نہیں؟)

 

[یوسف-2]

وہ ہوئے ہم سے ہم کلام اللہ اللہ
کہاں میں کہاں یہ مقام اللہ اللہ

 

[یوسف-2]

بے رخی بے سبب نہیں غالب
کچھ تو ہے جس کی پردہ داری ہے

 

[ساجد]

کیسا پردہ ہے کہ چلمن سے لگے بیٹھے ہین
صاف چھپتے بھی نہیں، سامنے آتے بھی نہیں

خوب
۔۔۔۔۔۔۔
تصحیح کے بعدمنکشف ہوا کہ محترم khazeena یہ کام ہم سے پہلے سر انجام دے چکے تھے۔

 

[ساجد]

شیخ اور شیطان دونوں ایک ہیں
شیخ سے شیطان قدرے نیک ہیں

واقعی؟۔

 

[ساجد]

ابن مریم ہوا کرے کوئی
مرے دکھ کی دوا کرے کوئی

(اس محفل میں کوئی اب مریم نہیں؟)

کیوں نہیں جناب، پانچ بندگان خرد مند اس محفل کے مسیحا ہیں۔ محفل کی جان نبیل صاحب،معلومات کی بے زبان مشین زکریا المعروف زیک ، محفل کے شاہد آفریدی یعنی شمشاد بھائی، اردو و فارسی ادب و کلام کے شیریں سخن وارث بھائی ، کمپیوٹراصلاحات اوراردو زبان کی مٹھاس کو منظر عام پہ لانے والے بے مثل ماہرجناب ابن سعید۔
آپ ان میں سے کسی سے بھی ذاتی پیغام میں رابطہ کر لیں۔ آپ کے دکھ کی دوا یہ کریں گے اور ہم آپ کے لئیے دعا تو کر ہی رہے ہیں۔

 

[شمشاد]

بڑھائ شیخ نے داڑھی، اگرچہ سن کی سی
مگر وہ بات کہاں، مولوی مدن کی سی

یہ مولوی مدن نہیں بلکہ مالوی مدن ہیں۔

 

[شمشاد]

کئی ایک شعروں کا تو اچھا خاصا حلیہ بگاڑا ہے۔ معلوم نہیں جان بوجھ کر بگاڑا ہے یا بھول چُوک سے بگڑ گیا ہے۔