شاعری کی اصطلاحات پہ اشعار

[جاسمن]

میں بے سلیقہ خیالوں کا معتدل مصرع
سخنوری کے جو ہیں ڈھب مذاق کرتے ہیں
کاظم حسین کاظم

 

[ظفری]

وہ بدگماں ہو تو شعر سوجھے نہ شاعری
وہ مہرباں ہو ظفر تو سمجھو غزل ہوئی

 

[جاسمن]

وہ بدگماں ہو تو شعر سوجھے نہ شاعری
وہ مہرباں ہو ظفر تو سمجھو غزل ہوئی

آپ کا ہے؟

 

[ظفری]

آپ کا ہے؟

اجی ہمارا کہاں ہے ۔ ہمارے ہم نام کا ہے ۔

 

[جاسمن]

نہ جانے شعر میں کس درد کا حوالہ تھا
کہ جو بھی لفظ تھا وہ دل دکھانے والا تھا
سلیم احمد

 

[جاسمن]

قافیوں اور ردیفوں میں تو پھنسنے سے رہی
ایسے تھوڑے نہ غزل ہوگی گرفتار عشق
ڈاکٹر مبشرہ صدف غزل

 

[جاسمن]

منظروں سے بہلنا ضروری نہیں گھر سے باہر نکلنا ضروری نہیں
دل کو روشن کرو روشنی نے کہا روشنی کے لئے ایک تازہ غزل
عرفان ستار

 

[جاسمن]

بہت طویل مری داستان غم تھی مگر
غزل سے کام لیا مختصر بنانے کا
سلیم احمد

 

[جاسمن]

کتاب زیست خدا را کوئی غزل بھی سنا
شکست جاں کی فقط روئداد بن کے نہ آ

بھلی لگے تو اسے گنگنا بھی اے لب یار
مری غزل پہ فقط حرف داد بن کے نہ آ
فرحان سالم

 

[جاسمن]

جو دکھ رہا اسی کے اندر جو ان دکھا ہے وہ شاعری ہے
جو کہہ سکا تھا وہ کہہ چکا ہوں جو رہ گیا ہے وہ شاعری ہے
جو دکھ رہا اسی کے اندر جو ان دکھا ہے وہ شاعری ہے
جو کہہ سکا تھا وہ کہہ چکا ہوں جو رہ گیا ہے وہ شاعری ہے
یہ شہر سارا تو روشنی میں کھلا پڑا ہے سو کیا لکھوں میں
وہ دور جنگل کی جھونپڑی میں جو اک دیا ہے وہ شاعری ہے
دلوں کے مابین گفتگو میں تمام باتیں اضافتیں ہیں
تمہاری باتوں کا ہر توقف جو بولتا ہے وہ شاعری ہے
تمام دریا جو ایک سمندر میں گر رہے ہیں تو کیا عجب ہے
وہ ایک دریا جو راستے میں ہی رہ گیا ہے وہ شاعری ہے
احمد سلمان

 

[جاسمن]

اک لفظ میں بھٹکا ہوا شاعر ہے کہ میں ہوں
اک غیب سے آیا ہوا مصرع ہے کہ تم ہو
احمد سلمان

 

[جاسمن]

اٹھا کر لے گیا ہے داد ساری
مرا وہ شعر جو سچا نہیں ہے
احمد سلمان

 

[جاسمن]

شاخ امکان پر، کوئی کانٹا اُگا، کوئی غنچہ کھلا، میں نے غزلیں کہیں
ایام ایذا گریزی میں جو بھی ہوا، میں نے ہونے دیا، میں نے غزلیں کہیں

لوگ چیخا کئے، وہ جو معبود ہے، بس اسی کی ثناء، بس اسی کی ثناء
میری شہ رگ سے میرے خدا نے کہا، مجھ کو اپنی سنا، میں نے غزلیں کہیں

حبسِ بیجا میں تھی شہر کی جب ہوا، آپ جیتے رہے، آپ کا حوصلہ
میں اصولوں وغیرہ کا مارا ہوا، مجھ کو مرنا پڑا، میں نے غزلیں کہیں

کوئی دُکھ بھی نہ ہو، کوئی سُکھ بھی نہ ہو، اور تم بھی نہ ہو، اور مصرعہ کہیں
ایسا ممکن نہیں، ایسا ہوتا نہیں، لیکن ایسا ہوا، میں نے غزلیں کہیں

عشق دوہی ملے، میں نے دونوں کیے، اک حقیقی کیا، اک مجازی کیا
میں مسلمان بھی، اور سلمان بھی، میں نے کلمہ پڑھا، میں نے غزلیں کہیں
احمد سلمان