شاعری کی اصطلاحات پہ اشعار

[جاسمن]

بنا ہے قافیہ پھر سے ، غزل کا زاویہ پھر سے
میرا اک شعر آدھا ہے ، کرو نا رابطہ پھر سے

 

[جاسمن]

غزل اس نے چھیڑی مجھے ساز دینا
ذرا عمر رفتہ کو آواز دینا
صفی لکھنوی

 

[جاسمن]

دُنیائے شاعری میں سخنور کہاں ہیں وہ؟
میری طرح جو بارشِ الہام کر سکیں
مقصود جعفری

 

[جاسمن]

تم جو ہر روز ہی اعصاب پہ چھا جاتے ہو
ابھی چند غزلیں ہیں دیوان بھی ہو سکتا ہے
علی تنہا

 

[سیما علی]

شعر دراصل ہیں وہی حسرتؔ
سنتے ہی دل میں جو اتر جائیں
حسرت موہانی

 

[سیما علی]

ہم سے پوچھو کہ غزل کیا ہے غزل کا فن کیا
چند لفظوں میں کوئی آگ چھپا دی جائے
جاں نثار اختر

 

[سیما علی]

کہیں کہیں سے کچھ مصرعے ایک آدھ غزل کچھ شعر
اس پونجی پر کتنا شور مچا سکتا تھا میں
افتخار عارف

 

[سیما علی]

سخن میں سہل نہیں جاں نکال کر رکھنا
یہ زندگی ہے ہماری سنبھال کر رکھنا
عبید اللہ علیم

 

[سیما علی]

زندگی بھر کی کمائی یہی مصرعے دو چار
اس کمائی پہ تو عزت نہیں ملنے والی
افتخار عارف

 

[علی وقار]

کوئی نام و نشاں پوچھے تو اے قاصد بتا دینا
تخلص داغؔ ہے وہ عاشقوں کے دل میں رہتے ہیں

 

[علی وقار]

وہ ماتھا کا مطلع ہو کہ ہونٹوں کے دو مصرع
بچپن سے غزل ہی میری محبوبہ رہی ہے

 

[سیما علی]

اتر جائے جو ہر دل میں کسی بحر کی مانند
میرے بہکے ہوئے لفظوں کو تسلسل کی لہر دے
محمد اطیب اسلم

 

[سیما علی]

سادہ سمجھو نہ انہیں رہنے دو دیواں میں امیرؔ
یہی اشعار زبانوں پہ ہیں رہنے والے
امیر مینائی

 

[سیما علی]

خشک سیروں تن شاعر کا لہو ہوتا ہے
تب نظر آتی ہے اک مصرعۂ تر کی صورت
امیر مینائی

 

[سیما علی]

شاعری میں انفس و آفاق مبہم ہیں ابھی
استعارہ ہی حقیقت میں خدا سا خواب ہے
کاوش بدری

 

[جاسمن]

نکلتی ہے یہ مصائب سے شاعری منصور
یہ مصرعے خونِ جگرسے کشید ہوتے ہیں
منصور آفاق

 

[جاسمن]

کاغذ پہ یہ اشعار ہیں یا خون کے چھینٹے
یا رنگ پہ آیا ہوا فن کار کا دکھ ہے
اختر شمار

 

[صبیح الدین شعیبی]

نگر چھوڑا ہے جب اس غزل نے
کوئی شاعر غزل کہتا نہیں ہے

۔۔۔۔۔
جس کو اتنا چاہا میں نے جس کو شعر میں لکھا چاند
چھوڑ گیا ہے مجھ کو کیسے آج وہ میرا اپنا چاند
۔۔۔۔۔

 

[جاسمن]

غزل کو کم نگاہوں کی پہنچ سے دور رکھتا ہوں
مجھے بنجر دماغوں میں شجرکاری نہیں کرنی
افضل خان

 

[صریر]

شاعر کو مست کرتی ہے تعریف شعر امیرؔ
سو بوتلوں کا نشہ ہے اس واہ واہ میں
امیر مینائی