سیلاب کی دلہن........ترجمہ Wedding in the Flood

فلک شیر نے 'آپ کی نثری شاعری بحور سے آزاد' کی ذیل میں اس موضوع کا آغاز کیا، ‏مارچ 28, 2014

  1. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    سیلاب کی دلہن

    شہنائی دھنیں بکھیر رہی ہے
    اور باراتی واپسی کے لیے اٹھ رہے ہیں
    دلہن کی ماں سسکیاں بھرتی ہوئی کہتی ہے
    "میری رانی کو یہ لوگ ہمیشہ کے لیے لے چلے۔۔۔
    ان اجنبی چہروں کے ساتھ اُس بیگانےگھر تک
    میری شرمیلی بچی کیسے سفر کرے گی"

    آج کا دن کتنا کٹھن تھا
    تمام دن آسمان سے پانی برستا رہا
    ہاں، بارات کو کھانا کھلانے کے وقت ضرور رکا تھا
    دلہن کو پالکی میں بٹھایا جا رہا ہے
    اور بوندیں پھر سے گرنے لگی ہیں
    شاید لڑکی برتن بہت زیادہ چاٹتی تھی
    دو تکڑے جوان جہیز کا سامان، جس میں
    ایک چارپائی،شیشہ، نیلا اور زرد رنگ کیا ہوا ایک صندوق
    اٹھائے چل رہے ہیں
    اور ان سے پیچھے چار کہار ڈولی کو کندھوں پہ اٹھائے ہیں
    بارات کو رخصت کرنے والے اب تو بہت پیچھے رہ چکے ہیں

    دلہا چوری آنکھ سے
    پالکی پکڑے ہوئے حنائی ہاتھ دیکھتاہے
    "اگر اس کا چہرہ بھی ان ہاتھوں جیسا خوبصورت ہوا
    اور
    اس نے گھر میں کوئی فساد کھڑا نہ کیا
    تو!!! تھوڑے جہیز کی خیر ہے جی۔۔
    یہ بارش کب رکے گی بھئی؟
    میری قسمت میں یہ برتن چاٹنے والی ہی لکھی تھی!!!
    اب ساری بات ملاح پہ ہے"

    پالکی میں دلہن خود سے گویا ہوئی
    "اس کی تو چھت سے بھی پانی بہہ رہا ہے
    میرے پاؤں تک بھیگ چلے ہیں
    اندھیرا بھی کس قدر ہے
    اور اردگرد کوئی اپنا بھی تو نہیں ۔۔
    ٹھنڈ لگ رہی ہے اور ڈر بھی
    یہ بارش میرا جہیز برباد کر کے چھوڑے گی
    میرا گھر والا ۔۔۔پتا نہیں، وہ کس مزاج کاہے!!
    باراتی۔۔۔تیز تو چلیں بے چارے
    مگر پاؤں ہی پھسل پھسل پڑتے ہیں
    ہاں۔۔۔ ابھی چڑھا ہوا دریا بھی تو رستے میں ہے!!!!!

    دلہے کا باپ دلہن والوں کوکوس رہاہے
    "انہوں نے ہمیں دیا ہی کیا ہے؟؟
    ایک بیل تک نہیں دے سکے۔۔
    جوڑی بیلوں کی ہی دے دیتے
    تو اگلی فصل اچھی ہو جاتی!!
    کھاٹ، شیشہ اور صندوق ۔۔یہ سب کچھ
    یہ تو لڑکی خود ہی استعمال کرے گی نا!!
    ربا سوہنیا! بارش کیاچاہتی ہے!!!
    یقیناً یہ بےوقوف لڑکی برتن چاٹتی رہی ہو گی
    صبح جب ہم آئے تھے
    تو دریا کے تیور اچھے نہیں لگ رہے تھے
    ملاح نے بھی کہا تھا
    "تین بجے سے ضرور لوٹ آنا
    ورنہ۔۔۔
    مجھے یہاں نہیں پاؤ گے"

    مجھے امید ہے، وہ ہمارا انتظار ضرور کرے گا
    لگتا ہے ہمیں ایک سے دو گھنٹے دیر ہو چکی ہے
    پر بھائی جی! طے شدہ وقت پہ
    کبھی کوئی بارات پہنچی بھی ہے؟؟؟
    روشنی بھی کم ہے اور رستہ بھی دغا باز ہے
    لیکن مجھے سب سے زیادہ ڈر دریا سے لگ رہا ہے
    ملاح ادھر ہی ہو گا، مجھے پتا!
    دیکھو ذرا، کشتی والا ہمارا انتظار کر رہا ہے
    اسے پتہ تھا، دلہا دلہن اور ہم سارے
    اس کے بغیر پار کیسے جا سکیں گے!!
    بارات سے تو پیسے بھی کچھ زیادہ ہی ملتے ہیں نا !!!
    چلو جلدی سے اپنا یہ ڈھیروں جہیز اٹھاؤ
    اور کشتی میں سوا رہو جاؤ
    گھر ابھی بہت دور ہے

    اللہ !!!!!!
    دریا کو اتنے غصے میں کس نےدیکھا ہوگا
    کس کے پاس وہ لفظ ہیں ، جن سے
    اس راستے کی کٹھنائی کو بیان کر سکے
    جس پہ وہ بدقسمت کشتی روانہ ہوئی تھی
    اور پھر
    کشتی نے مسافروںکو باہر اٹھا مارا
    شہنائی سے پانی کا ساز نکلتا تھا
    ملاپ ہو ہی گیا آخر، اور کیسا ملاپ ہے یہ:
    دلہے کے با پ کو لہروں نے سینگوں پہ اٹھا لیا
    اور
    دلہے کے پہنے ہوئے تیس کے تیس ہار
    جھومتے چڑھتے پانی کے گلے میں پڑے تھے
    اُتھلی جانب بید کی طرح رقصاں بھنور میں
    بالآخر
    وہ شرمیلی دلہن سیلاب سے بیاہ دی گئی

    نظم:توفیق رفعت
    ترجمہ: فلک شیر
     
    • پسندیدہ پسندیدہ × 4
    • زبردست زبردست × 3
  2. محمد علم اللہ

    محمد علم اللہ محفلین

    مراسلے:
    5,832
    جھنڈا:
    India
    موڈ:
    Daring
    ارے آج فلک بھیا کیسے بھٹکتے بھٹکتے پہنچ گئے :)
     
    • دوستانہ دوستانہ × 1
  3. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    علم اللہ بھائی، ہم توآپ کے پاس ہی تھے :)
    کیا غلط کہہ رہے ہیں؟
     
  4. محمد علم اللہ

    محمد علم اللہ محفلین

    مراسلے:
    5,832
    جھنڈا:
    India
    موڈ:
    Daring
    بات تو بالکل سہی ہے ۔
    لیکن محفل سے کہاں چلے گئے تھے؟
    آپ کو سب بہت مس کر رہے تھے ۔
     
    • دوستانہ دوستانہ × 1
  5. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    کچھ ضروری معاملات میں مصروف تھے۔
    آپ کہیے، کیسی جا رہی ہے آپ کی پڑھائی؟
    اور میڈیائی مصروفیات؟ :)
     
  6. محمد علم اللہ

    محمد علم اللہ محفلین

    مراسلے:
    5,832
    جھنڈا:
    India
    موڈ:
    Daring
    بس سب ایسے ہی چل رہا بھیا ۔:)
     
    • پسندیدہ پسندیدہ × 1
  7. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    پسندیدہ ریٹنگ مناسب ہے نا?
     
    • دوستانہ دوستانہ × 1
  8. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    ہاہاہا۔
    خورہ کئی ، مزاج کیسے ہیں ؟ :)
     
    • دوستانہ دوستانہ × 1
  9. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    الحمد للہ. اللہ کا کرم ہے
     
    • دوستانہ دوستانہ × 1
  10. نایاب

    نایاب لائبریرین

    مراسلے:
    13,422
    جھنڈا:
    Pakistan
    موڈ:
    Goofy
    غیر متوقع انجام کی حامل بہت گہری استعاراتی نظم ۔۔
    قاری تو جیسے " سوچ و خیال " کے گھوڑے پہ سوار بیک وقت " منظر و پس منظر " میں محو سفر رہنے پر مجبور ہوتا ہے ۔
    نظم کی اٹھان بلاشبہ بہت مسحور کن لیکن اختتام پر جانے کیوں کچھ پھیکی سی ہو گئی ۔۔ یا شاید میری سوچ نظم کے انجام کو نہ پا سکی ۔۔۔
    بہت شکریہ بہت دعائیں محترم فلک شیر بھائی
     
    • پسندیدہ پسندیدہ × 1
    • دوستانہ دوستانہ × 1
  11. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    نایاب بھائی نے کہہ دیا میں نہ کہہ سکی:)
     
    • دوستانہ دوستانہ × 2
  12. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    ماشاءاللہ :)
     
  13. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    شکریہ نایاب بھائی ۔
    اس پہ مختلف رائے ہو سکتی ہے، کہ انجام منطقی ہے یا غیر منطقی ۔ ٹھیک کہا آپ نے :)
     
    • دوستانہ دوستانہ × 1
  14. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    آپ کہہ دیتیں، تو پھر کیا ہوتا بھلا؟ :)
     
    • دوستانہ دوستانہ × 1
  15. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    بے مروتی ہوتی
     
  16. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    اس کے ہم عادی ہیں :)
    ویسے نثری نظم لکھنے والے اور تراجم کرنے والے لوگ خاص طور پہ ناقدین کی باتوں کا ذرا بھی برا نئیں مانتے، کیونکہ انہیں ثقہ اہل ادب اپنے قبیلے کے لوگ ماننے سے عموماً منکر ہی ہوتے ہیں۔
    اور اگر آپ اصلاح فرما دیں ، تو خورہ کئی ہونے کا فریضہ سرانجام دیں گی، اجی سنتی ہیں :)
     
    آخری تدوین: ‏مارچ 29, 2014
    • پسندیدہ پسندیدہ × 1
  17. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    پیٹ بھر گیا تو سننے لگی ہوں. :)
    میری ذاتی رائے نثری نظم کی خلاف ہے. بہتر ہے کہ سلیس نثر میں لکھا جائے.
    ویسے سنا ہے کہ نثری نظم کو اگر ایک پیرا گراف لکھا جائے اور وہ مربوط عبارت بن جائے تو وہ نثری نظم نہیں ہوتی
     
  18. فلک شیر

    فلک شیر محفلین

    مراسلے:
    7,380
    جھنڈا:
    Pakistan
    موڈ:
    Shh
    پیٹ بھر کر ہی سنا جاتا ہے :)
    آپ کی رائے کا احترام لازم، مگر اختلاف رائے کی اجازت امید ہے ، ضرور دیں گی :)
     
  19. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    اجازت ہے بصد تشکر و احترام :)
     
    • دوستانہ دوستانہ × 1
  20. جیہ

    جیہ لائبریرین

    مراسلے:
    15,068
    جھنڈا:
    Pakistan
    موڈ:
    Blah
    مگر پشتو میں ایک کہاوت ہے کہ۔۔۔۔ بھرا پیٹ (والا) فارسی بولتا ہے :)
     
    • پسندیدہ پسندیدہ × 1

اس صفحے کی تشہیر