سہہ ماہی اردو محفل جنوری تا مارچ ۲۰۲۰

ایک غزل پیشِ خدمت ہے، امید ہے شرفِ مقبولیت پائے گی

کرب چہرے سے یوں عیاں کیوں ہے
کیا ہوا، ضبط رائیگاں کیوں ہے
جب تبسم سجا لیا لب پر
درد آنکھوں سے پھر رواں کیوں ہے
پا چکے محنتوں کا پھل سب لوگ
میرے حصے میں امتحاں کیوں ہے
میرا دل تو نہیں ہے شہر ہے یہ
ایک سناٹا سا یہاں کیوں ہے
چھت تو میں نے بھی گھر پہ ڈالی تھی
میرے سر پر پھر آسماں کیوں ہے
دل تو بس میرا جل کے راکھ ہوا
شہر میں ہر طرف دھواں کیوں ہے
وہ بچھڑ کر بھی ساتھ ہے تو شکیل
گریہ زاری ہےکیوں، فغاں کیوں ہے
 

الف عین

لائبریرین
اردو محفل مجلے کے اگلے شمارے کے لیے محفلین سے گزارش ہے کہ وہ اپنی تخلیقات اس دھاگے میں پیش فرمائیں۔
یہ اگلا شمارہ اپریل تا جون ہو گا نا! جنوری تا مارچ تو ترتیب پا چکا ہے، اور ان شاء اللہ جلد ہی آن لائن ہو جائے گا ۔ ابن سعید اسے اردو ویب ڈجٹل لائبریری میں فراہم کرنے کا نظم کر دیں، ورنہ میری برقی کتابیں اور لائبریری تو ہے ہی۔ دو ایک دن میں اسے فائنل کر دیتا ہوں
 
یہ اگلا شمارہ اپریل تا جون ہو گا نا! جنوری تا مارچ تو ترتیب پا چکا ہے، اور ان شاء اللہ جلد ہی آن لائن ہو جائے گا ۔ ابن سعید اسے اردو ویب ڈجٹل لائبریری میں فراہم کرنے کا نظم کر دیں، ورنہ میری برقی کتابیں اور لائبریری تو ہے ہی۔ دو ایک دن میں اسے فائنل کر دیتا ہوں
جی ہاں جناب! یہاں مارچ کے اختتام تک نگارشات جمع کی جائیں گی جو اپریل تا جون کے آن لائن شمارے میں شائع کی جائیں گی۔
 
محترم محمد تابش صدیقی بھائی محمد خلیل الرحمٰن سر سہ ماہی رسالہ محفل پر شائع نہیں کیا گیا جب کہ استاد محترم نے تو فیس بک پر پوسٹ کیا ہے۔ اگر اجازت ہو تو ہم پوسٹ کر دیں تاکہ محفلین اس قیمتی رسالے سے فیض یاب ہو سکیں۔
لیجیے۔ نئی لڑی میں مجلے کا پہلا شمارہ حاضر ہے۔
 
ہم اردومحفل فورم کے منتظمین ، مدیران اور سہ ماہی جریدہ "اردو محفل" کی اشاعت میں شامل تمام محفلین کو اس بہترین اور شاندار کاوش پر خراج تحسین پیش کرتے ہیں۔ اردو ادب کی دنیا میں یہ ایک زبردست قدم ہے۔ محبان اردو ادب کی لیے یہ سہ ماہی جریدہ زبردست تحفہ ہے۔
 
Top