طارق شاہ
محفلین
غزلِ
حسرت موہانی
سہل ہونے کو مِرا عُقدۂ دُشوار آیا
روزِغم ختم ہُوا، شام ہُوئی، یار آیا
لله الحمد، کہ تاریکیِ فُرقت ہُوئی دُور
مژدۂ وصل بَصَد جَلوۂ انوار آیا
چمنِ جاں میں نسیمِ ہوَس انگیز چَلی
کشتِ اُمّید پہ ابرِ طَرَب آثار آیا
بادۂ عیش سے، مِینائے تمنّا رنگِیں !
ساغرِ شوق مئے ذوق سے گلنار آیا
بند کردے گا لبِ یار کو بَوسوں کا ہجُوم
آج بھی ہم سے جو وہ برسَرِ اِنکار آیا
دلِ مجبُور بھی کیا شے ہے، کہ در سے اپنے
اُس نے سو بار اُٹھایا تو میں سو بار آیا
کیوں نہ برہم ہوں وہ حسرت! مِری رُسوائی سے
نام اُن کا بھی بہر کُوچہ و بازار آیا
مولانا حسرت موہانی
(سید فضل الحسن موہانی )
حسرت موہانی
سہل ہونے کو مِرا عُقدۂ دُشوار آیا
روزِغم ختم ہُوا، شام ہُوئی، یار آیا
لله الحمد، کہ تاریکیِ فُرقت ہُوئی دُور
مژدۂ وصل بَصَد جَلوۂ انوار آیا
چمنِ جاں میں نسیمِ ہوَس انگیز چَلی
کشتِ اُمّید پہ ابرِ طَرَب آثار آیا
بادۂ عیش سے، مِینائے تمنّا رنگِیں !
ساغرِ شوق مئے ذوق سے گلنار آیا
بند کردے گا لبِ یار کو بَوسوں کا ہجُوم
آج بھی ہم سے جو وہ برسَرِ اِنکار آیا
دلِ مجبُور بھی کیا شے ہے، کہ در سے اپنے
اُس نے سو بار اُٹھایا تو میں سو بار آیا
کیوں نہ برہم ہوں وہ حسرت! مِری رُسوائی سے
نام اُن کا بھی بہر کُوچہ و بازار آیا
مولانا حسرت موہانی
(سید فضل الحسن موہانی )