سنگ جب آئینہ دکھاتا ہے - امید فاضلی

[ثمینہ معیز]

سنگ جب آئینہ دکھاتا ہے
تیشہ کیا کیا نظر چراتا ہے

سلسلہ پیاس کا بتاتا ہے
پیاس دریا کہاں بجھاتا ہے

ریگزاروں میں جیسے تپتی دھوپ
یوں بھی اس کا خیال آتا ہے

سن رہا ہوں خرام عمر کی چاپ
عکس آواز بتا جاتا ہے

وہ بھی کیا شخص ہے کہ پاس آکر
فاصلہ دور تک بچھاتا ہے


گھر تو ایسا کہاں تھا لیکن
در بدر ہیں تو یاد آتا ہے

(امید فاضلی)

 

[کاشفی]

بہت عمدہ جناب۔۔اعلی ذوق ہے آپ کا ماشاء اللہ۔

 

[محمد وارث]

شکریہ آپ کا خوبصورت غزل پوسٹ کرنے کیلیے!

 

[محمداحمد]

گھر تو ایسا کہاں کا تھا لیکن
در بدر ہیں تو یاد آتا ہے

بہت ہی خوب ۔۔۔۔۔!