سرجری والے

Ammar baig

محفلین
سرجری والے

وطن عزیز پاک سر زمین شاد باد میں ہر پیشے کو اپنے اصل نام کے علاوہ ایک الٹرنیٹو ٹائٹل سے پکارا جاتا ہے!!
مثلا انجنیرز کو بیکار و بیروزگار!! سیاست دانوں کو کرپٹ!! لائرز (وکلاء) کو لائرز(جھوٹے)!!۔ایسے ہی ڈاکٹرز نے اس فیلڈ میں بھی اپنی ڈسٹنکشن برقرار رکھتے ہوئے قصاب المعروف قصائی کا خطاب پایا ہے!۔جس سٹیٹس کو انجوائے تو سبھی ڈاکٹر کرتے ہیں مگر اس تمغہ امتیاز کا اصل سہرا سرجری والوں کے سر ہے جن کی شبانہ روز کوششوں سے ڈاکٹرز کمیونٹی نے یہ مائل سٹون حاصل کیا!!

شعبہ سرجری کا انتخاب کرنے کے لئے کئی طلباء پہلے سال سے ہی جزباتی نظر آتے ہیں۔!!اس جنون کی کئی وجوہات ہو سکتی ہیں!!!

کچھ 'قدامت پسند' طلباء کا خون مسلم سائنسدانوں کے کارنامے پڑھ کر جوش مار جاتا ہے!! اور وہ اپنے آباواجداد کا چوری شدہ علم حاصل کرنے اور گوروں سے مال مسروقہ برامد کرنے کا عزم لئے میڈیکل کالج پہنچ جاتے ہیں !!۔بہر حال جلد ہی ان حضرات کی خواہشیں اور آرزویں دل میں ہی رہ جاتی ہیں!! اور تھوڑے عرصہ میں تبلیغ جماعت کے ساتھ سہ روزے لگاتے اور تسلسل کے ساتھ سپلیاں کھائے پائے جاتے ہیں!!
دوسری قسم کے طلباء نے ایم کیٹ پاس کرنے کے بعد وقت گزاری کے لئے فلمیں دیکھتے ہوئے ' آ مین ود گولڈن ہینڈز 'یا اس قسم کی دو چار فلمیں دیکھی ہوتی ہیں!! اور ڈائیسیکشن کرتے ہوئے خوب ایفی شنسیاں مار کر رعب جمانے کہ ناکام کوشش کر رہے ہوتے ہیں!!کچھ عرصہ بعد انکا یہ بخار اتر بھی جاتا ہے اور سال کے آخر پر اٹینڈنس پوری کرنے کے لئے کلرکوں کی منتیں کر رہے ہوتے ہیں!!


سرجری میڈیکل پروفیشن کا وہ حصہ ہے جو کہ باقاعدہ بہروپ ہے!اس شعبے میں مشاق ہونے کیے لئے آپ کو ہر فن مولا ہونا پڑتا ہے!!
دراصل سرجری بہت سارے پیشوں کا مرکب ہے۔۔انسین دینا،چیر پھاڑ کرنا، اور کسی حد تک پیشنٹ کا قیمہ بنانا انہوں نے قصابوں سے مستعار لیا ہے!! جبکہ نخرے کرنے اور اوور ایکٹننگ میں انہوں نے لالی وڈ کی دیسی حسینائوں کو فالو کیا ہے!!۔

ان لوگوں کا لباس بڑا دلچسپ ہوتا ہے!!عموما مچھر مار سپرے کرنے والہ عملہ بھی ایسے ہی لباس میں نظر آتا ہے۔۔
یہ لوگ چہرے پر ہمیشہ ماسک چڑھا رکھتے ہیں۔۔جسکی وجہ سے لوگ انکے نور بھرے چہروں کی تجلیات سے محروم رہتے ہیں!
کسی دل جلے سرجن نے اپنی ہی پیٹی بند بہنوں کے زیر ماسک گل و لالہ وں سے تنگ آکر لکھا تھا۔۔
!!چہرے کا نصف حصہ زیرِ نقاب کر کے
کرتے ہیں او ٹی والے، دیدار میں ملاوٹ!!

ڈیمینشیا یا بھلکٹر پن ایسی بیماری ہے جو سرجری والوں کی فیملی ہسٹری میں شامل ہے!!انکو اکثر یاد نہیں رہتا کہ یہ کس چیز کی سرجری کر رھے ہیں یا انکو کون سی سائڈ کاٹنی ہے!!کئی پی جی اپینڈکٹمی کرتے ہوئے لیفٹ سائڈ پر چیرہ لگا دیتے ہیں۔۔اور پھر روہانسی صورت بنائے سرجن صاحب کی طرف دیکھتے ہیں۔۔
سرجن صاحب کا اس واردات پر ری ایکشن ہوتا ہے کہ وہ اپنے اگلے دو دانت پی جی کی جگولر وین میں گاڑھ کر اسکا سارا خون پی لیں۔۔مگر ایسا کوئی واقعہ رپورٹ نہیں ہوا!!کیونکہ سرجری والے ایسے ہنر صرف مریضوں پر آزماتے ہیں۔۔

بہت سارے ایسے فری سٹائل سرجن بھی متعارف ہوئے ہیں کہ جو مریض کے پیٹ میں تولیہ،قینچی یا موٹر سائیکل کی چابیاں بھول آتے ہیں !! اور بعد میں کھسیانی صورت بنائے وضاحتیں دے رہے ہوتے ہیں!!یہ تو غنیمت ہے کہ گائنی میں اس قسم کی کوئی فنکاری نہیں کی جاتی، ورنہ کیا خبر کوئی سی سیکشن کر کے بچہ باہر نکالنا ہی بھول جائے۔۔اور بعد میں لوگ مار مار کر اسکا سی سیکشن کر دیں!!
 

محمد وارث

لائبریرین
آج کل ایک نئی وبا بھی چلی ہوئی ہے۔ "کُھلے" ہوئے مریض کے ساتھ سرجن صاحب یا صاحبہ کی سیلفی، اللہ اللہ :)
 

عاطف ملک

محفلین
ایسے ہی ڈاکٹرز نے اس فیلڈ میں بھی اپنی ڈسٹنکشن برقرار رکھتے ہوئے قصاب المعروف قصائی کا خطاب پایا ہے!۔
:eek:
ان لوگوں کا لباس بڑا دلچسپ ہوتا ہے!!عموما مچھر مار سپرے کرنے والہ عملہ بھی ایسے ہی لباس میں نظر آتا ہے۔۔
:cautious:
!انکو اکثر یاد نہیں رہتا کہ یہ کس چیز کی سرجری کر رھے ہیں یا انکو کون سی سائڈ کاٹنی ہے!!کئی پی جی اپینڈکٹمی کرتے ہوئے لیفٹ سائڈ پر چیرہ لگا دیتے ہیں
:excruciating::excruciating:
بہت سارے ایسے فری سٹائل سرجن بھی متعارف ہوئے ہیں کہ جو مریض کے پیٹ میں تولیہ،قینچی یا موٹر سائیکل کی چابیاں بھول آتے ہیں
بھائی،
طبیبوں پر اتنا ظلم تو ہماری صوبائی حکومتوں نے نہیں ڈھایا جتنا آپ کے اس مضمون نے ڈھایا ہے :unsure:
ان تمام باتوں کو پڑھ کے ذہن میں ایک ہی مصرع گونجتا ہے
ع.....اس گھر کو آگ لگ گئی گھر کے چراغ سے ;)

تفنن برطرف،مزا آیا پڑھ کر:)
اللہ کرے زورقلم اور زیادہ :)
سلامت رہیں
آج کل ایک نئی وبا بھی چلی ہوئی ہے۔ "کُھلے" ہوئے مریض کے ساتھ سرجن صاحب یا صاحبہ کی سیلفی، اللہ اللہ :)
وارث صاحب،
دنیا کے سارے الٹے کام آپ ہی نے دیکھ رکھے ہیں شاید:p
ایسی بھی کوئی وبا نہیں پھیلی ہوئی۔
ویسے اس میں بہت سا حصہ پیرا میڈیکل سٹاف اور نرسز کا ہے
میرے علم کے مطابق :)
مزیدار۔ ہم اپنے بیٹے کو یہ مضمون ضرور پڑھوایں گے جو ڈاکٹری پڑھ رہا ہے اور سرجری میں خاص شوق رکھتا ہے۔
ماشااللہ!
کس سال میں اور کس کالج میں ہیں ہمارے ڈاکٹر بھیا؟؟؟
 

محمد وارث

لائبریرین
وارث صاحب،
دنیا کے سارے الٹے کام آپ ہی نے دیکھ رکھے ہیں شاید:p
ایسی بھی کوئی وبا نہیں پھیلی ہوئی۔
ویسے اس میں بہت سا حصہ پیرا میڈیکل سٹاف اور نرسز کا ہے
میرے علم کے مطابق :)
آپ بھی میری عمر تک پہنچیں گے تو شاید سارے سیدھے کام "اُلٹے" ہی نظر آئیں گے۔ ویسے مریض کو کیا علم کہ ڈاکٹر، سرجن، پیرا سٹاف، نرس وغیرہ وغیرہ کون ہوتے ہیں جو بھی "وردی" پہن لے وہی "صاحب" ہے یا پھر جو بھی چہرے پر "سیاہی" مل لے وہی "سپاہی" ہے :whistle:
 

عاطف ملک

محفلین
آپ بھی میری عمر تک پہنچیں گے تو شاید سارے سیدھے کام "اُلٹے" ہی نظر آئیں گے۔ ویسے مریض کو کیا علم کہ ڈاکٹر، سرجن، پیرا سٹاف، نرس وغیرہ وغیرہ کون ہوتے ہیں جو بھی "وردی" پہن لے وہی "صاحب" ہے یا پھر جو بھی چہرے پر "سیاہی" مل لے وہی "سپاہی" ہے :whistle:
طبیبوں کا ضابطہِ اخلاق اور تربیت ایسی ہوتی ہے کہ ان سے ایسی حماقت کی توقع نہیں کرنی چاہیے۔
میرا خیال ہے کہ میں آپ کی بات سمجھ سکا ہوں وگرنہ آپریشن کے بعد نکالے گئے بیمار عضو کے ساتھ تصویر تو شاید کافی جراح بنواتے ہیں (n)
آپ کی یہ بات درست ہے کہ آپریشن تھیٹر کے لباس میں ڈاکٹروں اور مددگار عملے کے مابین تفریق عام آدمی کیلیے بہت مشکل ہے :)
 

ہادیہ

محفلین
ہاہاہا۔۔۔ مزیدار دلچسپ تحریر
ویسے میں نے "قصائی" لفظ اپنے گھر میں ہی سنا وہ بھی ابو جی سے:ROFLMAO::LOL:
ابو کے ایک کزن ڈاکٹر ہیں۔ اور ابو جی اسے کہتے ہیں قصائی نا بنیا کر ہتھ ہولا رکھیا کر۔۔ خاص کرجب وہ فیس بتاتے ہیں:p :p
 

Ammar baig

محفلین
ہاہاہا۔۔۔ مزیدار دلچسپ تحریر
ویسے میں نے "قصائی" لفظ اپنے گھر میں ہی سنا وہ بھی ابو جی سے:ROFLMAO::LOL:
ابو کے ایک کزن ڈاکٹر ہیں۔ اور ابو جی اسے کہتے ہیں قصائی نا بنیا کر ہتھ ہولا رکھیا کر۔۔ خاص کرجب وہ فیس بتاتے ہیں:p :p
ہمارے ہاں قصائی ڈاکٹر کا استعارہ ہے۔۔۔کیا معلوم قصائیوں کو اسکی خبر ہے یا نہیں ؟ کہ انکا 'برانڈ' چوری ہو رھا۔۔۔ڈاکٹر تو بڑا شور مچاتے ہیں اگر کوئی انکا نام لگائے تو۔۔۔
 
Top