فرحان محمد خان
محفلین
ستم کہیئے ،کرم کہیئے ،وفا کہیئے ،جفا کہیئے
عجب اُن کی ادائیں ہیں جو کہیئے بھی تو کیا کہیئے
ہوائے کوئے جاناں کو نسیمِ جانفزا کہیئے
جمال روے جاناں کو بہار دل کشا کہیے
جو ہے خورشید سا مکھڑا تو واللیل سی زلفیں
اُسے شمس الضحی کہیئے ،اِسے لیلِ سجیٰ کہیئے
کلام اپنا موخر ہے بیاں اپنا موَقّر ہے
خدا کا دین ہے یہ بھی، اسے فضلِ خدا کہیئے
زہے قسمت کہ آ بیٹھے وہ ہم سے بات کرنے کو
نہ کہیئے حالِ دردِ دل جو ایسے میں تو کیاکہیئے
تمہارے منہ سے جو نکلے ،ہمیں تسلیم ہے سب کچھ
جزاک اللہ ،عفاک اللہ ،برا کہیے ،بھلا کہیے
حریمِ ناز تک اپنی رسائی ہو نہیں سکتی
اسے کوتاہیِ تقدیر کی اک انتہا کہیے
پڑے جو کوہ پر تو وہ بھی ہو اپنی جگہ رقصاں
تمہیاری چشمِ میگوں کو بلا کی فتنہ زا کہیئے
پئے مشق خرامِ ناز ادھر بھی وہ جو آ نکلیں
نظر سے چومیئے جلوے، زباں سے مرحبا کہیئے
علاجِ جانِ مضطر ہے دوائے دردِ الفت ہے
تیری خاکِ کفِ پا کو اب اس صورت میں کیا کہیئے
سنیں گے حضرتِ دل! آپ کی باتیں وہ محفل میں
ذرا چلیئے ذرا سنیئے ذرا گھلیئے ذرا کہیئے
کسی سے بات کوئی کہنے سننے کا مزہ جب ہے
جو سنیئے برملا سنیئے جو کہیئے برملا کہیئے
نہ اب وہ بات کرتے ہیں، نہ اب وہ بات سنتے ہیں
جو سُنیے بھی تو کیا سُنیے جو کہیئے بھی تو کیا کہیئے
نصؔیر !اللہ کے در سے جو مانگا میں نے پایا ہے
مجھےمسکیں گدا کہیئے، اسے حاجت رواکہیئے
مضامین زہن میں آتے چلے جاتے ہیں برجستہ
نصیؔر! اشعار لا تعداد کہیئے، برملا کہیئے
عجب اُن کی ادائیں ہیں جو کہیئے بھی تو کیا کہیئے
ہوائے کوئے جاناں کو نسیمِ جانفزا کہیئے
جمال روے جاناں کو بہار دل کشا کہیے
جو ہے خورشید سا مکھڑا تو واللیل سی زلفیں
اُسے شمس الضحی کہیئے ،اِسے لیلِ سجیٰ کہیئے
کلام اپنا موخر ہے بیاں اپنا موَقّر ہے
خدا کا دین ہے یہ بھی، اسے فضلِ خدا کہیئے
زہے قسمت کہ آ بیٹھے وہ ہم سے بات کرنے کو
نہ کہیئے حالِ دردِ دل جو ایسے میں تو کیاکہیئے
تمہارے منہ سے جو نکلے ،ہمیں تسلیم ہے سب کچھ
جزاک اللہ ،عفاک اللہ ،برا کہیے ،بھلا کہیے
حریمِ ناز تک اپنی رسائی ہو نہیں سکتی
اسے کوتاہیِ تقدیر کی اک انتہا کہیے
پڑے جو کوہ پر تو وہ بھی ہو اپنی جگہ رقصاں
تمہیاری چشمِ میگوں کو بلا کی فتنہ زا کہیئے
پئے مشق خرامِ ناز ادھر بھی وہ جو آ نکلیں
نظر سے چومیئے جلوے، زباں سے مرحبا کہیئے
علاجِ جانِ مضطر ہے دوائے دردِ الفت ہے
تیری خاکِ کفِ پا کو اب اس صورت میں کیا کہیئے
سنیں گے حضرتِ دل! آپ کی باتیں وہ محفل میں
ذرا چلیئے ذرا سنیئے ذرا گھلیئے ذرا کہیئے
کسی سے بات کوئی کہنے سننے کا مزہ جب ہے
جو سنیئے برملا سنیئے جو کہیئے برملا کہیئے
نہ اب وہ بات کرتے ہیں، نہ اب وہ بات سنتے ہیں
جو سُنیے بھی تو کیا سُنیے جو کہیئے بھی تو کیا کہیئے
نصؔیر !اللہ کے در سے جو مانگا میں نے پایا ہے
مجھےمسکیں گدا کہیئے، اسے حاجت رواکہیئے
مضامین زہن میں آتے چلے جاتے ہیں برجستہ
نصیؔر! اشعار لا تعداد کہیئے، برملا کہیئے
پیر سید نصیر الدین نصیر گیلانی
آخری تدوین:
