سبق آموز شاعری

[سارہ خان]

سدا بہارِ گلستاں کی آرزو نہ کرو
خزاں بھی ایک حقیقت ہے جستجو نہ کرو

کسی کے دل کو نہ چھیڑو زباں کے نشتر سے
جُدا کرے جو دلوں کو وہ گفتگو نہ کرو

دیارِ عشق میں دامن جو چاک ہو جائے
یہ ابتدائےِ جنوں ہے ابھی رفوو نہ کرو

کبھی جھکاؤ نہ سَر ظالموں کی چوکھٹ پر
جو سَر کٹے تو کٹے پر کبھی رکوع نہ کرو

چلو نہ ساتھ کبھی راہزنوں کے رستے پر
جو گمرہی پہ چلائے اُسے گُرو نہ کرو

کسی کے دین سے نفرت کرو نہ دنیا میں
بناؤ دوست سبھی کو کبھی عدو نہ کرو

کرو نہ غیبتِ انساں ، بچو بُرائی سے
کرو جو بات کرو منہ پہ پُشتِ رو نہ کرو

کہو وہ بات جو سچی ہو جھوٹ مت بولو
غلط طریق پہ چلنے کی آرزو نہ کرو

غلط معاش غلط ساکھ چھوڑ دو بزمی
برے معاش کے لوگوں کی آبرو نہ کرو


(شبیر بزمی)

 

[عمر سیف]

اچھا سلسلہ ہے۔ کوشش کرونگا شئیر کرنے کی۔ انشاءاللہ

 

[سارہ خان]

شکریہ پسند کر ے کا ۔۔۔

 

[فرخ منظور]

واہ سارہ بہت اچھا سلسلہ ہے- میں بھی اس میں اپنا حصّہ ڈالے دے رہا ہوں-

ہو صداقت کے لیے جس دل میں مرنے کی تڑپ
پہلے اپنے پیکر ِ خاکی میں جاں پیدا کرئے
پھونک ڈالے یہ زمین و آسماں مستعار
اور خاکستر سے آپ اپنا جہاں پیدا کرئے
(علّامہ اقبال)

 

[سارہ خان]

بہت خوب ۔۔

اور پسندیدگی کا شکریہ ۔۔۔

 

[ہما]

وہ ایک سجدہ جسے تو گراں سمجھتا ہے
ہزار سجدوں سے دیتا ہے آدمی کو نجات

 

[فرخ منظور]

اچھا ہے دل کے ساتھ رہے پاسبانِ عقل
لیکن کبھی کبھی اسے تنہا بھی چھوڑ دے
(علّامہ اقبال)

 

[متلاشی]

مسجد تو بنا دی شب بھر میں ایماں کی حرارت والوں نے
من اپنا پرانا پاپی ہے ، برسوں میں نمازی بن نہ سکا
(علامہ اقبال)

 

[شمشاد]

دوسرے مصرعہ غلط ہے، اسے درست کر لیں۔

من اپنا پرانا پاپی ہے، برسوں میں نمازی بن نہ سکا

 

[متلاشی]

شکریہ شمشاد بھائی۔۔۔۔ تصحیح کر لی ہے۔۔۔

 

[ایم اے راجا]

خوب سلسلہ ہے، سارہ صاحبہ

 

[عرفان سرور]

ہستی کے مت فریب میں نہ آجائیو اسد
عالم تمام حلقہ دام خیال ہے۔۔۔
غالب ۔

 

[عرفان سرور]

فرشتے سے بہتر ہے انسان بننا
مگر اس میں پڑتی ہے محنت زیادہ۔۔
حالی۔

 

[عرفان سرور]

دُنیا میں حال آمد رفت بشر نہ پوچھ
بے اختیار آکے رہا بے خبر گیا۔۔
فانی۔

 

[عرفان سرور]

زیارت ہوگی کعبہ کی یہی تعبیر ہے اسکی
کئی شب سے ہمارے خواب میں بت خانہ آتا ہے۔۔۔
حیدر علی آتش۔

 

[عرفان سرور]

رنج کیا کیا ہیں ایک جان کے ساتھ
زندگی موت ہے حیات نہیں۔۔۔
حالی۔

 

[عرفان سرور]

نہ گور سکندر نہ ہے قبر دارا
مٹے نامیوں کے نشاں کیسے کیسے۔۔۔
حیدر علی آتش۔

 

[عرفان سرور]

یہی جانا کہ کچھ نہ جانا ہے ہائے
سو بھی اک عمر میں ہوا معلوم۔۔۔
میر تقی میر۔

 

[عرفان سرور]

بہتر تو ہے یہی کہ نہ دُنیا سے دل لگے
پر کیا کریں جو کام نہ بے دلگی چلے۔۔۔
ذوق۔

 

[عرفان سرور]

انسان کی مرگ و زیست نہیں ہے کسی کے ساتھ
آئے تو کیا، جو آپ نہ آئے تو کیا ہوا؟۔۔۔
امیر مینائی۔