زیرک کے پسندیدہ اشعار

[زیرک]

ہوتا تو نہیں ایسے مگر ہم نے کِیا ہے
اک یادِمسلسل پہ لگاتار گزارا
حسن ظہیر راجا​

 

[زیرک]

ہر منظر صدا نہیں رہتا
ہر تعلق، مسافرانہ ہے​

 

[زیرک]

ٹکراؤ کوئی ذات کے اندر ہی ہوا ہے
بکھرا جو پڑا ہے مِرا ملبہ میرے آگے​

 

[زیرک]

تم میرے محبوب کی آنکھیں دیکھ چکے ہو
تم کو دل کی بات بتائی جا سکتی ہے​

 

[زیرک]

ہمارے گاؤں کی مٹی میں خواب اُگتے ہیں
ہمارے گاؤں میں غربت بھی ایک مسئلہ ہے​

 

[زیرک]

شہر میں گھر تو بن نہیں سکتا
اک تعلق بنا کے چلتے ہیں
قمر عباس​

 

[زیرک]

مہتاب کئی ہوں گے مہتاب سے آگے بھی
آنکھوں سے کہو دیکھیں اس خواب سے آگے بھی
جاوید احمد​

 

[زیرک]

مِری شکست کا سبب بنا ہوا ہے میرا دل
مِری بغل میں ہے مگر یہ غیر سے ملا ہوا
جاوید احمد​

 

[زیرک]

یہ میرے پاؤں مرا ساتھ کیوں نہیں دیتے
تری گلی کا سفر ہے کہ پل صراط کا ہے
شیراز غفور​

 

[زیرک]

لازم تو نہیں ایسا کہو ''پیار ہے مجھ سے''
تم پھول مِرے ہاتھ پہ دھر کیوں نہیں جاتے​

 

[زیرک]

ہر اک اپنی ضرورت کے تحت ہم سے ہے ملتا
ہمیں بھی اب کوئی حسبِ ضرورت چاہئے ہے​

 

[زیرک]

طے ہوئی ہجر کی راہ، ختم ہوا شوقِ وصال
دل تیری حد سے بہت دور نکل آیا ہے​

 

[زیرک]

تمہیں خبر ہی نہیں کیسے سر بچایا ہے
عذاب جاں پہ سہا ہے تو گھر بچایا ہے
نوشی گیلانی​

 

[زیرک]

یہاں پہ کون اندھیروں میں ساتھ چلتا ہے
تُو اب بھی ساتھ مِرے ہے یہ مہربانی تری
نوشی گیلانی​

 

[زیرک]

اک جہاں تھا جو تِرے شہر میں آباد ہوا
دل مگر مستِ مئے عشق تھا، برباد ہوا
نوشی گیلانی​

 

[زیرک]

یہ بھی ممکن تھا کہیں اور ٹھکانہ کرتے
پر تِرے عشق کو زنجیر بنائے ہوئے ہیں
نوشی گیلانی​

 

[شاہد عزیز انجم]

سخت جاں ہم سا کوئی تم نے نہ دیکھا ہوگا
ہم نے قاتل کئی دیکھے ہیں تمہارے جیسے ♥
.

 

[زیرک]

پتھر ہو تو کیوں خوفِ شبِ غم سے ہو لرزاں
انساں ہو، تو جینے کی ادا کیوں نہیں آتی
محسن نقوی​

 

[زیرک]

کوئی تو خبر لے میرے دشمنِ جان کی
کچھ دن سے مِرے صحن میں پتھر نہیں آتے
محسن نقوی​

 

[زیرک]

عدو کی تنگ دلی کو جو مات دینا ہے
بدن کے زخم نہ دیکھو جبیں کشادہ کرو
محسن نقوی​