زیرک کے پسندیدہ اشعار

[زیرک]

دشمنی پامال کر دیتی ہے انساں کا سکون
نفرتوں کے دور میں بھی تم محبت سوچنا
ناز مظفرآبادی​

 

[زیرک]

یاد آتا ہے، اسے جب بھی بھلانا چاہوں
دل کا دروازہ ''مقفل'' نہیں ہونے دیتا
ناز مظفرآبادی​

 

[زیرک]

تلاشِ رزق ہے، پردیس کے جھمیلے ہیں
کئی دنوں سے تمہارا خیال ہے ہی نہیں
ناز مظفرآبادی​

 

[زیرک]

باہر سے جو لگتا ہے کسی تاج کا ہیرا
اندر سے وہ بیوہ کی جوانی کی طرح ہے
مظفرآبادی​

 

[زیرک]

مِرے علاوہ ہیں چھ لوگ منحصر مجھ پر
مِری ہر اک مصیبت کو ضرب سات سمجھ​

 

[زیرک]

ضرب‌ المثل ہیں اب مِری مشکل پسندیاں
سُلجھا کے ہر گِرہ کو پھر اُلجھا رہا ہوں میں​

 

[زیرک]

شاید یہ ظرف ہے، جو خاموش ہوں اب تک
ورنہ تو تِرے عیب بھی معلوم ہیں سارے​

 

[زیرک]

تم نے کچھ بھی نہ کیا، وقت گزاری کے سوا
ہم سے جو کچھ بھی ہوا، وقت گزاری نہ ہوئی​

 

[زیرک]

کیا رمز جاننی ہے تجھے اصل عشق کی؟
جو تجھ میں اس بدن کے سوا ہے، یہ عشق ہے​

 

[زیرک]

چاکِ دامن تو خیر سِل جاتا
چاکِ ہستی کہاں رفو کرتے​

 

[زیرک]

عطائے یار بھی کوئی ٹھکراتا ہے بھلا؟
تِرے دیئے ہوئے غم بھی سر آنکھوں پر​

 

[زیرک]

خواہش و خواب و اہتمام، یار پہ چھوڑ دے تمام
یار کا دھیان کر فقط، یار سے التجا نہ کر​

 

[زیرک]

اے واعظِ ناداں کیوں کرتا ہے روز قیامت کا چرچہ
یاں روز نگاہیں ملتی ہیں، یاں روز قیامت ہوتی ہے​

 

[زیرک]

ہمارا علم تو مرہُونِ لوحِ دل ہے میاں
کتابِ عقل تو بس طاق پر دھری ہوئ ہے​

 

[زیرک]

جن کی آنکھیں پیاری، باتیں جھوٹی ہوں
ان کی خاطر سپنے ضائع مت کرنا
علی زریون​

 

[زیرک]

عشق کے ہاتھوں مر کر دیکھو ایسا انوکھا قاتل ہے
زندہ کر کے رکھ دیتا ہے، اتنا سوہنا مارتا ہے
علی زریون​

 

[زیرک]

اے کسی بزدل کے ٹھکرائے ہوئے
اپنی خاطر ہی سنورتا کیوں نہیں؟
علی زریون​

 

[زیرک]

اتنے شکوے ہیں گر خدا سے تو پھر
ٹھیک ہے، سانس مت لیا کیجئے​

 

[زیرک]

جا کے دشمن کی صف میں تم بھی رہو
ایک جانب سے وار ہو بھائی
حسن ظہیر راجا​

 

[زیرک]

یہ طے ہوا تھا کہ مل کے جہاں سے لڑنا ہے
ہم ایک دوجے کو لیکن شکست دینے لگے
حسن ظہیر راجا​