زندگی

[زیرک]

آراستہ تو خیر نہ تھی زندگی کبھی
پر تجھ سے قبل اتنی پریشان بھی نہ تھی​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

یہ زندگی ہے بہت کچھ یہاں پہ ممکن ہے
کہ کچھ نہ ہونے کا امکان تھوڑی ہوتا ہے
ناہید ورک

 

[جان]

اخترؔ کو زندگی کا بھروسہ نہیں رہا
جب سے لٹا چکے سر و سامان آرزو!
اختر شیرانی

 

[زیرک]

زندگی کو یوں ہوائیں تھام کر چلنا پڑا
باندھ کر آنکھیں چلے رسی پہ جیسے بازیگر
شہناز پروین سحر

 

[جان]

مجھے زندگی دور رکھتی ہے تجھ سے
جو تو پاس ہو تو اسے دور کر دوں
اختر شیرانی

 

[جان]

نہیں زندگی کو وفا ورنہ اخترؔ
محبت سے دنیا کو معمور کر دوں
اختر شیرانی

 

[زیرک]

زندگی کی چاہت میں زندگی گنوائی ہے
عارضی محبت تھی، مستقل نبھائی ہے

 

[زیرک]

کیا چاہتی ہے ہم سے ہماری یہ زندگی
کیا قرض ہے جو ہم سے ادا نہیں ہو رہا​

 

[جان]

گنوائی کس کی تمنا میں زندگی میں نے
وہ کون ہے جسے دیکھا نہیں کبھی میں نے
جون ایلیا​

 

[جان]

گر زندگی میں مل گئے پھر اتفاق سے
پوچھیں گے اپنا حال تری بے بسی سے ہم
ساحر لدھیانوی

​

 

[جان]

گزر رہی تھی زندگی گزر رہی ہے زندگی
نشیب کے بغیر بھی فراز کے بغیر بھی
جاوید صبا​

 

[جان]

ہم غم زدہ ہیں لائیں کہاں سے خوشی کے گیت
دیں گے وہی جو پائیں گے اس زندگی سے ہم
ساحر لدھیانوی​

 

[جان]

اجازت ہو تو میں تصدیق کر لوں تیری زلفوں سے
سنا ہے زندگی اک خوبصورت دام ہے ساقی
عبدالحمید عدم​

 

[زیرک]

محبت زندگی کے فیصلوں سے لڑ نہیں سکتی
کسی کو کھونا پڑتا ہے، کسی کا ہونا پڑتا ہے​

 

[زیرک]

بھڑکتی بجھتی ہے پل پل چراغِ زندگی کی لَو
کبھی رَسیا ترا لہجہ، کبھی رنجش تری باتیں​

 

[زیرک]

عرصہ بیتا، زندگی بیتی، سب کچھ بیتا لیکن پھر بھی
جو عشق میں بیتی، عشق ہی جانے یا وہ جانے جس پر بیتی​

 

[جان]

کٹتی ہے آرزو کے سہارے پہ زندگی
کیسے کہوں کسی کی تمنا نہ چاہئے
شاد عارفی​

 

[جان]

کچھ تو ہے بات جو آتی ہے قضا رک رک کے
زندگی قرض ہے قسطوں میں ادا ہوتی ہے
قمر جلال آبادی​

 

[جان]

موت ہی انسان کی دشمن نہیں
زندگی بھی جان لے کر جائے گی
عرش ملیسانی​

 

[زیرک]

یہ مان ہی کافی ہے، تِرے خاص رہے ہم
کچھ دن تو زندگی کے بہت پاس رہے ہم​