زرداری پر دو جوتے پھینکے گئے ہیں
- صاحب لڑی فرحان دانش
- تاریخ ابتداء
شمشاد
لائبریرین
اور آج جیو کو یہ خبر نشر کرنے اور اخبار میں چھاپنے کی بڑی ٹھیک سزا ملی ہے۔ بہت سے علاقوں میں جیو کی نشریات بند کر دی گئیں اور ملک کے بیشتر علاقوں میں جنگ اور دی نیوز اخباروں کو ہاکروں سے چھین کر آگ لگا دی گئی، اخبار لے جانے والی گاڑیوں کو بھی آگ لگائی گئی، ہاکروں جو یہ اخبار اٹھانے پر مارنے کی دھمکیاں دی گئیں۔
اب تو یہی غنڈہ گردی رہ گئی ہے۔
اب تو یہی غنڈہ گردی رہ گئی ہے۔
محمود احمد غزنوی
محفلین
دراصل لوگ اس بات پر غصے کا اظہار کر رہے ہیں کہ جوتا اپنی منزل تک پہنچا کیوں نہیں۔ ۔۔اسی لئے اب کھسیانی بلی کھمبا نوچ رہی ہے۔
محمود احمد غزنوی
محفلین
اس کام کیلئے قوم کا اتنا خرچہ کروانے کی کیا ضرورت تھی۔ ۔۔
رانا
محفلین
میری نظر میں یہ ایک اخلاق سے گری ہوئی حرکت ہے۔ اسلامی تعلیم تو یہ ہے کہ کسی دوسرے ملک کا سربراہ آئے تو اسکی بھی عام معمول سے زیادہ عزت کی جائے اور یہاں یہ ہورہا ہے کہ اپنے ہی صدر کو جوتے مار کر اپنے آپ کو جابر سلطان کے سامنے کلمہ حق کہنے والا مجاہد سمجھ لیتے ہیں۔ اسطرح کی حرکتیں جس ملک کے افراد سے سرزد ہوں گی تو وہاں کوئی دوسرا سربراہ مملکت آنے کی ہمت کیوں کرے گا۔ا پنا احتجاج ریکارڈ کرانے کے مہذب طریق بھی ہیں۔ کوئی کہے گا کہ یہاں مہذب طریق سے کوئی سنتا نہیں ہے لیکن ہم یہ کیوں بھول جاتے ہیں کہ جسطرح کے قوم کے کرتوت ہوں ویسا ہی لیڈر قوم پر مسلط کیا جاتا ہے۔ اب چاہے کوئی زرداری کو خدا کا عذاب سمجھ لے جو ہم پر مسلط کیا گیا ہے یا ایسا آئینہ سمجھ لے جس میں قوم کا چہرہ نظر آرہا ہے۔ جس طرح دودھ کو بلو کر مکھن نکالا جاتا ہے اسی طرح قوم میں سے وہی شخص لیڈر کے طور پر ابھر کر سامنے آتا ہے جو قوم کی مجموعی اخلاقی حالت کی بکمال نمائندگی کرتا ہے۔ اگر ہم لوگ اپنے اعمال سدھار لیں اور سچے دل سے خدا سے توبہ کرلیں اور ملک کی حالت سدھارنے کے لئے دل کی گہرائیوں سے خدا سے دعا مانگیں تو کیا ممکن ہے کہ خدا ہماری دعاؤں کو ردی کی طرح پھینک دے؟
طالوت
محفلین
میرے خیال میں آپ احباب اس “غیر اخلاقی و غیر مہذب“ حرکت کی وجہ جانتے ہوں گے ۔ یہ تحریک ہمارے ہر دلعزیز منتظر الزیدی کی شروع کر دہ ہے اور عربوں کے ہاں کسی کی طرف جوتا پھینکنا مطلب انتہائی نفرت اور بے زاری کا اظہار ہے۔ اورگالم گلوچ کی بجائے یہ طریقہ زیادہ بہتر ہے ۔ کیونکہ اس نفرت اور بیزاری کے اظہار کے لئے ضروری نہیں کہ جوتا ٹھیک نشانے پر لگے دکھا دینا یا محض پھینک دینا بھی کافی ہو گا۔
رہی بات جیسے عوام ویسے حکمران تو میں اس فارمولے سے اتفاق نہیں کرتا ، جیسے حکمران ویسے عوام ہی درست فارمولا ہے ۔ یہ پتا نہیں کس نے اس قدر عام کر دیا ہے کہ ہر خاص و عام سے یہی سننے کو ملتا ہے ۔ غالبا سیدنا عمر بن خطاب نے فرمایا تھا کہ حاکم کو چاہیے کہ وہ اپنے معاملات درست رکھے کیونکہ وہ سلطنت میں قانون کے عمل درآمد کا ذمہ دار ہوتا ہے اگر وہ خود لا پرواہ یا پرواہ کرنے والاہو تو رعایا بھی اسی کی تقلید کرے گی ۔ اور عقلا اور حقیقتا بھی یہ بات درست ہی ہے ۔ آج اگر حکمران کرپشن چھوڑ دیں اپنی ذمہ داریاں احسن طریقے سے نبھانے لگیں تو عوام میں کس کی جرات ہے کہ وہ معمولی جرم بھی بے خوفی سے کرے ۔
بہرحال میں تو ان صاحب کا خیر مقدم کرتا ہوں اگر انھوں نے وہ جوتے بحیثیت پاکستانی کے پھینکے ۔
وسلام
دکھا دینا یا محض پھینک دینا بھی کافی ہو گا۔رہی بات جیسے عوام ویسے حکمران تو میں اس فارمولے سے اتفاق نہیں کرتا ، جیسے حکمران ویسے عوام ہی درست فارمولا ہے ۔ یہ پتا نہیں کس نے اس قدر عام کر دیا ہے کہ ہر خاص و عام سے یہی سننے کو ملتا ہے ۔ غالبا سیدنا عمر بن خطاب نے فرمایا تھا کہ حاکم کو چاہیے کہ وہ اپنے معاملات درست رکھے کیونکہ وہ سلطنت میں قانون کے عمل درآمد کا ذمہ دار ہوتا ہے اگر وہ خود لا پرواہ یا پرواہ کرنے والاہو تو رعایا بھی اسی کی تقلید کرے گی ۔ اور عقلا اور حقیقتا بھی یہ بات درست ہی ہے ۔ آج اگر حکمران کرپشن چھوڑ دیں اپنی ذمہ داریاں احسن طریقے سے نبھانے لگیں تو عوام میں کس کی جرات ہے کہ وہ معمولی جرم بھی بے خوفی سے کرے ۔
بہرحال میں تو ان صاحب کا خیر مقدم کرتا ہوں اگر انھوں نے وہ جوتے بحیثیت پاکستانی کے پھینکے ۔
وسلام
رانا
محفلین
طالوت بھائی آپ کی بات بالکل درست ہے کہ عوام انہی اعمال پر قدم مارتی ہے جن پرحکمراں ہوتے ہیں۔ لیکن یہ فارمولا میری نظر میں وہاں اپلائی ہوتا ہے جہاں حکمرانوں کو منتخب نہیں کیا جاتا بلکہ یا تو بادشاہت والا سسٹم ہوتا ہےیا پھرانہیں تعینات کیا جاتا ہے۔ جیسا کہ حضرت عمرکا عمومی طریق یہ تھا کہ مختلف علاقوں کے گورنرخود تعینات فرمایا کرتے تھے۔ لیکن میں بات کررہا ہوں جمہوری طرزحکومت کی کہ جس میں عوام آزاد ہوتے ہیں اپنی مرضی کے حکمراں لانے کے لئے۔ ایسی صورت میں کوئی غلط بندہ حکمراں بن ہی نہیں سکتا۔ کیونکہ جیسے ہی اس کی اصلیت کھلے گی پارلیمنٹ اس کو معزول کرسکتی ہے لیکن اگر پارلیمنٹ میں بھی جتنے بیٹھے ہوں وہ بھی عوام کے منتخب کردہ ہوں اور ویسے ہی کرپٹ ہوں جیسے کہ وہ حکمراں تو پھرآپ کیا کہیں گے۔ کیا ممکن ہے کہ عوام کی اکثریت تو دیانتدار ہو لیکن نمائیندے جو کسی ایک جگہ سے نہیں دو جگہ سے نہیں بلکہ پورے ملک کے مختلف علاقوں سے مختلف رہن سہن رکھنے والے مختلف سوچ رکھنے والے عوام کی مرضی سے چنے گئے ہوں لیکن سب کے سب کرپٹ نکلیں؟؟ عقل اس بات کو مان ہی نہیں سکتی کہ سولہ کروڑ لوگوں نے مختلف علاقوں سے مختلف لوگوں کو منتخب کیا لیکن پوری کی پوری دیانتدار عوام کی مت ماری گئی کہ سب ہی کرپٹ منتخب کرلیے؟؟ ایک جگہ کے عوام غلطی کرسکتے ہیں دو جگہ کے کریں تو بھی بات سمجھ میں آتی ہے لیکن سب کے سب؟؟؟
طالوت
محفلین
آپ کی اس دلیل سے میں کسی حد تک متفق ہوں ۔ لیکن پاکستان میں نظام جمہوریت ، انتخاب کا طریقہ ،انتخاب کا عمل ، انتخاب کرنے والے افراد کے مقابلے میں خاصا مضبوط ہے ۔
وسلام
عثمان
محفلین
رانا کی بات ٹھیک ہے۔
جیسی قوم ہو ویسے ہی حکمران ہوتے ہیں۔ اس میں حیرت کی کوئی بات نہیں۔ ہماری تان حکمرانوں سے شروع ہو کر حکمرانوں ہی پر ختم ہوجاتی ہے۔یہ کہنا غلط نہیں ہے کہ پاکستانی دنیا کی چند بدیانت قوموں میں سے ایک ہے۔ حکمرانی کے لئے لوگ اسی میں سے نکلیں گے۔ آسمان سے فرشتے تو نہیں ٹپکنے لگے۔
اگر کسی کو میری بات گراں گزرتی ہے تو اسے چاہیے کہ ایک جوتا ان چون ہزار ووٹروں کو بھی مار کے آئے جنہوں نے جانتے بوجھتے ہوئے بھی ایک فراڈیے جمشید دستی کو دوسری دفعہ اسمبلی میں پہنچایا۔
جیسی قوم ہو ویسے ہی حکمران ہوتے ہیں۔ اس میں حیرت کی کوئی بات نہیں۔ ہماری تان حکمرانوں سے شروع ہو کر حکمرانوں ہی پر ختم ہوجاتی ہے۔یہ کہنا غلط نہیں ہے کہ پاکستانی دنیا کی چند بدیانت قوموں میں سے ایک ہے۔ حکمرانی کے لئے لوگ اسی میں سے نکلیں گے۔ آسمان سے فرشتے تو نہیں ٹپکنے لگے۔
اگر کسی کو میری بات گراں گزرتی ہے تو اسے چاہیے کہ ایک جوتا ان چون ہزار ووٹروں کو بھی مار کے آئے جنہوں نے جانتے بوجھتے ہوئے بھی ایک فراڈیے جمشید دستی کو دوسری دفعہ اسمبلی میں پہنچایا۔