رکھاں وانگوں سایا کر

[آصف شفیع]

اک پنجابی غزل​

رکھاں وانگوں سایا کر
لوکاں دے کم آیا کر

شکلاں دھوکہ دیندیاں نیں
شکلاں تے ناں جایا کر

ویلا لنگھدا جاندا اے
ویلے نوں ناں ضائع کر

ساڈے ورگے لوکاں تے
ایناں ظلم نا ڈھایا کر

دل وچ آصف رب دی یاد
ہر ویلے توں لایا کر

 

[محمد وارث]

بہت خوبصورت غزل اے آصف صاحب، لا جواب۔ تے بہت شکریہ تہاڈا ساڈے نال محفل تے شیئر کرن لئی، نوازش!

 

[فرخ منظور]

واہ آصف صاحب - چنگی غزل اے - شکریہ تہاڈا!

 

[فاتح]

بہت شکریہ جناب۔ سوہنی غزل لکھی ہے تساں۔
میں پنجابی نئیں تے ایسے واسطے دو گلاں‌پچھنیاں چاہندا واں جے اجازت ہووے تے۔۔۔

رکھاں وانگوں سایا کر

پہلی گل تے ایہہ کہ "رکھاں" کی ہوندیاں نیں؟

دل وچ آصف رب دی یاد
ہر ویلے توں لایا کر

تے دوجی گل ایہہ کہ پنجابی زبان دے محاورے وچ یاد لائی (لگائی) جاندی اے یا لیائی (لے کر آنا) اے؟
معافی چاہنا واں کہ پنجابی میری مادری زبان نئیں تے ایس کر کے مینوں ایہدے صحیح محاورے دا علم وی نئیں۔ (ایس گل دا ہر گز ایہہ مطلب نہ کڈھیا جاوے کہ کتھے مینوں اردو یا اردو دے محاوریاں دا علم اے)

 

[شمشاد]

اک گل دا جواب تے میں دے دینا آں

رُکھ پنجابی زبان وچ درخت نوں کہندے نیں۔ جس طرحاں تُسی پنجابی دا اک گانا سُنیا ہووے گا :

کلا بندہ ہوے پانویں کلا رُکھ نیں
دوواں کلیاں نُوں ہوندا بڑا دُکھ نیں

 

[آصف شفیع]

بہت خوبصورت غزل اے آصف صاحب، لا جواب۔ تے بہت شکریہ تہاڈا ساڈے نال محفل تے شیئر کرن لئی، نوازش!

جی بڑی نوازش۔ تے شکریہ

 

[آصف شفیع]

واہ آصف صاحب - چنگی غزل اے - شکریہ تہاڈا!

جی ، تہاڈا وی بہت شکریہ

 

[آصف شفیع]

پہلی گل تے ایہہ کہ "رکھاں" کی ہوندیاں نیں؟
تے دوجی گل ایہہ کہ پنجابی زبان دے محاورے وچ یاد لائی (لگائی) جاندی اے یا لیائی (لے کر آنا) اے؟
معافی چاہنا واں کہ پنجابی میری مادری زبان نئیں تے ایس کر کے مینوں ایہدے صحیح محاورے دا علم وی نئیں۔ (ایس گل دا ہر گز ایہہ مطلب نہ کڈھیا جاوے کہ کتھے مینوں اردو یا اردو دے محاوریاں دا علم اے)[/quote]

شکریہ۔ رکھ تے پنجابی دے وچ درختاں نوں آہندے نیں۔ دوجی گل تہاڈی صحیح لگدی اے کہ لایا کر دی بجائے لیا کر ہونا چاھی دا اے۔ پر جدید پنجابی دے وچ لوگ اردو دے لفظ مکس کر لیندے نیں۔کیونکہ جس طرح اسی بولنے آں اوسے طرح اگر لکھ دتی جائے تے کوئی حرج نیئں۔ پر اسٌ پنجابی دان ایس گل نوں نیئں مندے۔