روشنی پھیلتی گئی مجھ میں

[رہ وفا]

السلام علیکم دوستو
اپنی ایک غزل کے اشعار

بندگی پھیلتی گئی مجھ میں
زندگی پھیلتی گئی مجھ میں​

جس کے دامن میں چند لمحے تھے
وہ صدی پھیلتی گئی مجھ میں​

ہاتھ آنا تھا ہاتھ میں اس کا
روشنی پھیلتی گئی مجھ میں​

جب سے اس کا جمال دیکھا ہے
سادگی پھیلتی گئی مجھ میں

جس نے ہردکھ مرا سمیٹ لیا
وہ خوشی پھیلتی گئی مجھ میں

جب سے ڈوبا ہوں تیری یادوں میں
شاعری پھیلتی گئی مجھ میں​

تو نے آنکھوں سے ایسی بات کہی
خامشی پھیلتی گئی مجھ میں​

 

[نایاب]

بہت خوب
بہت دعائیں

 

[محمد تابش صدیقی]

بہت خوب، کیا خوب اشعار کہے ہیں۔
اگر مناسب سمجھیں تو مکمل غزل عنایت فرمائیے۔

 

[رہ وفا]

اس قدر پذیرائی کے لئے آپ احباب کا مشکور ہوں

 

[ظہیراحمدظہیر]

بہت خوب! جناب کیا بات ہے !! واہ!

 

[الف عین]

مطلع کے علاوہ سارے اشعار خوب ہیں۔ مطلع میں ایطا ہے۔

 

[ابن رضا]

خوب است

 

[لاریب مرزا]

جب سے اس کا جمال دیکھا ہے
سادگی پھیلتی گئی مجھ میں!!
واہ واہ!! بہت عمدہ..
رہ وفا سر!! مکمل غزل کا اشتراک کیجیے۔

 

[سلمان حمید]

مطلع کے علاوہ سارے اشعار خوب ہیں۔ مطلع میں ایطا ہے۔

یہ ایطا کیا ہوتا ہے؟

 

[ابن رضا]

یہ ایطا کیا ہوتا ہے؟

مختصراً۔۔۔ ایطا (خفی) قافیہ میں موجود اس سقم کو کہا جاتا ہے جس میں حرفِ روی سے ماقبل حرف یا حروف کی تکرار شعر کے دنوں قوافی میں پائی جائے مگر یہ بادی النظر میں معلوم نہیں ہوتی جیسے دانا اور بینا ، آب و گلاب ۔ جیسے بندگی اور زندگی ہم قافیہ باندھے تو گئے ہیں مگر ان میں ی حرف روی ہے اور ماقبل حروف گ اوردال ایک جیسے ہی ہیں اسی کو ایطا کہا جاتا ہے جو کہ عیوبِ قافیہ میں شمار ہوتا ہے

 

[سلمان حمید]

مختصراً۔۔۔ ایطا (خفی) قافیہ میں موجود اس سقم کو کہا جاتا ہے جس میں حرفِ روی سے ماقبل حرف یا حروف کی تکرار شعر کے دنوں مصرعوں میں پائی جائے مگر یہ بادی النظر میں معلوم نہیں ہوتی جیسے دانا اور بینا ، آب و گلاب ۔ جیسے بندگی اور زندگی ہم قافیہ تو ہیں مگر ان میں ی حرف روی ہے اور ماقبل حروف گ اوردال ایک جیسے ہی ہیں اسی کو ایطا کہا جاتا ہے جو کہ عیوبِ قافیہ میں شمار ہوتا ہے

کچھ کچھ سمجھ آ گئی ہے لیکن مکمل نہیں۔ اس کی وجہ آپ کا انتہائی مشکل الفاظ کا استعمال کرنا ہے

 

[الف عین]

آسان الفاظ میں یوں سمجھو کہ اس غزل میں قوافی نی، دی، اور گی وغیرہ ہیں۔ لیکن مطلع میں دونوں مصرعووں میں ’ندگی‘ مشترک ہے، اور ان سے پہلے والے حروف پر مختلف اعراب ہیں، بندگی کی ’ب‘ پر زبر، اور زندگی میں ’ز‘ پر زیر۔ یہ قوافی اس صورت میں بھی غلط تھے اگر مشترکہ حروف ’ندگی‘ ہوں، جب کہ دوسرے اشعار میں اس کا التزام نہیں۔

 

[سلمان حمید]

آسان الفاظ میں یوں سمجھو کہ اس غزل میں قوافی نی، دی، اور گی وغیرہ ہیں۔ لیکن مطلع میں دونوں مصرعووں میں ’ندگی‘ مشترک ہے، اور ان سے پہلے والے حروف پر مختلف اعراب ہیں، بندگی کی ’ب‘ پر زبر، اور زندگی میں ’ز‘ پر زیر۔ یہ قوافی اس صورت میں بھی غلط تھے اگر مشترکہ حروف ’ندگی‘ ہوں، جب کہ دوسرے اشعار میں اس کا التزام نہیں۔

جی انکل، اب سمجھ آ گئی ہے اچھی طرح۔ بہت بہت نوازش

 

[رہ وفا]

جب سے اس کا جمال دیکھا ہے
سادگی پھیلتی گئی مجھ میں!!
واہ واہ!! بہت عمدہ..
رہ وفا سر!! مکمل غزل کا اشتراک کیجیے۔

بہت شکریہ لاریب
ہمیشہ ہنستی مسکراتی رہیئے
غزل کے بقیہ اشعار درج ذیل ہیں

جب سے ڈوبا ہوں تیری یادوں میں
شاعری پھیلتی گئی مجھ میں

جس نے ہردکھ مرا سمیٹ لیا
وہ خوشی پھیلتی گئی مجھ میں

تو نے آنکھوں سے ایسی بات کہی
خامشی پھیلتی گئی مجھ میں

 

[رہ وفا]

یہ اشعار غزل میں کیسے شامل کروں

 

[محمد تابش صدیقی]

یہ اشعار غزل میں کیسے شامل کروں

پوری غزل اشعار کی درست ترتیب سے یہیں لکھ دیجئے۔
انتظامیہ سے درخواست کر دیں۔ وہ پوسٹ کو اپڈیٹ کر دیں گے۔

 

[رہ وفا]

انتظامیہ سے درخواست ہے کہ درج ذیل مکمل غزل کو شامل کر دیں۔ شکریہ
بندگی پھیلتی گئی مجھ میں​

زندگی پھیلتی گئی مجھ میں​

جس کے دامن میں چند لمحے تھے​

وہ صدی پھیلتی گئی مجھ میں​

ہاتھ آنا تھا ہاتھ میں اس کا​

روشنی پھیلتی گئی مجھ میں​

جب سے اس کا جمال دیکھا ہے​

سادگی پھیلتی گئی مجھ میں

جس نے ہردکھ مرا سمیٹ لیا​

وہ خوشی پھیلتی گئی مجھ میں

جب سے ڈوبا ہوں تیری یادوں میں​

شاعری پھیلتی گئی مجھ میں​

تو نے آنکھوں سے ایسی بات کہی​

خامشی پھیلتی گئی مجھ میں​

 

[محمد تابش صدیقی]

محمد وارث بھائی

 

[حمیرا عدنان]

واہہہہہ ماشاءاللہ بہت خوب

 

[لاریب مرزا]

بہت شکریہ لاریب

شکریہ کی ضرورت نہیں۔ بہنا کو دعائیں دے دیں بس۔

ہمیشہ ہنستی مسکراتی رہیئے

جزاک اللہ

جب سے ڈوبا ہوں تیری یادوں میں
شاعری پھیلتی گئی مجھ میں

جس نے ہردکھ مرا سمیٹ لیا
وہ خوشی پھیلتی گئی مجھ میں

تو نے آنکھوں سے ایسی بات کہی
خامشی پھیلتی گئی مجھ میں

واہ واہ!! کمااااال!!
اتنی زبردست کاوش پہ ڈھیروں داد وصولیے۔