رزاق پوستی سے روتھ فاؤ تک

جاسمن نے 'متفرقات' کی ذیل میں اس موضوع کا آغاز کیا، ‏جنوری 5, 2019

  1. جاسمن

    جاسمن مدیر

    مراسلے:
    14,763
    جھنڈا:
    Pakistan
    موڈ:
    Fine
    رزاق پوستی سے روتھ فاؤ تک
    وسعت اللہ خان
    20 اگست 2017

    کچھ لوگوں کو تصویر میں رہنے کا فن آتا ہے۔ جیسے رزاق پوستی۔ محلے کی کوئی شادی ، عقیقہ ، ختنہ ، موت ، کارنر میٹنگ ایسی نہ تھی جس کی کوئی تصویر ہو اور اس میں رزاق پوستی کی منڈی نہ ابھری ہو۔ اللہ جانے اس کا نام پوستی کیسے پڑا حالانکہ تصویر کھچھوانے کے اعتبار سے وہ چیتا تھا۔

    مشہور تھا کہ اگر آپ اپنے کمرے کے دروازے ، کھڑکیوں اور روشندان کو کالی ٹیپ سے سیل کر کے فیملی گروپ فوٹو بنوائیں تو جب فوٹو دھل کے آئے گا تو اس میں رزاق پوستی بھی دائیں بائیں یا درمیان میں ہوگا۔

    رزاق پوستی مجھے یوں یاد آیا کہ آپ ٹی وی پر کوئی بھی پریس کانفرنس یا کسی بھی لیڈر کا خطاب دیکھیں۔ کچھ لوگ ہمیشہ سپاٹ چہرے لئے پیچھے کھڑے ہوں گے۔ کوئی نہیں جانتا کہ وہ کون ہیں ، نام کیا ہے ، عہدہ کیا ہے ، روزگار کیا ہے یا پریس کانفرنس کرنے والے وزیر ، افسر یا تقریر کرنے والے عالم ، سیاستداں یا وزیرِ اعلی و وزیرِ اعظم سے کیا تعلق ہے۔

    رزاق پوستیوں کی ایک نسل سیلفی کی ایجاد نے پیدا کی اور اس کی تعداد لاکھوں میں ہے۔ کسی بھی تقریب میں یہ نسل بکثرت پائی جاتی ہے اور عقاب کی نگاہ رکھتی ہے کہ کن کن کے ساتھ زیادہ لوگ سیلفی بنا رہے ہیں۔اور پھر سب لپک پڑتے ہیں۔ کئی تو سیلفی بنانے کے بعد یہ بھی پوچھ لیتے ہیں سر آپ کا نام کیا ہے، آپ کیا کرتے ہیں؟

    کئی لاعلم بھولے سیلفی بنانے کے بعد خاموشی سے نکل جانے کے بجائے منہ کھولنے کے سبب پکڑے جاتے ہیں۔ مثلاً ایک پختہ عمر کے صاحب نے سیلفی بنانے کے بعد کہا ’سر میں آپ کو باقاعدگی سے پڑھتا ہوں آپ بہت اچھا لکھتے ہیں۔‘ میں نے جواباً شکریہ کہا۔ سر آپ کی دو کتابیں تو کمال ہیں شیر دریا اور جرنیلی سڑک۔ میں نے کہا بھائی یہ دونوں کتابیں رضا علی عابدی کی ہیں۔ اوہو ہو اچھا تو آپ رضا علی عابدی نہیں ہیں۔ سوری۔ ایک منٹ سر۔ مجھے بھی کچھ شک ہو رہا تھا۔۔ بالکل یاد آ گیا۔۔۔ آپ ڈیفینٹیلی محمد حنیف ہیں۔ ہیں ناں سر۔۔۔۔

    ایک نسل وہ بھی ہے جو تصویر بازی پر نہیں خبربازی پر زندہ ہے۔ مگر ڈیجیٹل میڈیا اور سیلفی کے سیلاب میں یہ نسل بقائی خطرے سے دوچار ہے۔ایک صاحب کو میں جانتا ہوں جو کسی چھوٹی موٹی فلاحی انجمن کے سرپرست ، صدر ، سیکرٹری اور خزانچی ہیں۔ ان کی فلاحیت سنگل کالم خبر میں ہی نمایاں ہوتی ہے۔ وہ تب سے خبریں لگوا رہے ہیں جس زمانے میں سفینہ حجاج سے سعودی عرب جانے والے حاجیوں کو کیماڑی پر الوداع کہنے والوں کی تصویری خبریں چھپتی تھیں۔
    مشہور شخصیات کے ساتھ سیلفی لینا ایک رواج بن گیا ہے۔
    ان صاحب کی آخری تصویری خبر میں نے پرسوں ہی ایک اخبار کے صفحہ دو پر دیکھی ’ممتاز سماجی کارکن مسٹر فلاں فلاں شاہراہِ فیصل پر ایک فلائی اوور میں پڑنے والے شگاف کا معائنہ کرتے ہوئے۔‘

    یہ نہ سمجھیے گا کہ ریاست اس خبرناک سیلفیانہ مرض میں مبتلا نہیں۔ ریاست بھی تصویر کھچوانے کا کوئی موقع ہاتھ سے نہیں جانے دیتی۔ بھاشا ڈیم کا پرویز مشرف سے نواز شریف تک ہر حکمران سنگِ بنیاد رکھ چکا ہے۔

    ایدھی زندگی بھر ون مین آرمی بنا رہا ، ڈاکٹر روتھ فاؤ ریاستی تعاون سے بے نیاز جذامیوں کی تعداد کم کرتی رہیں مگر دونوں کی آخری تصویر میں ریاست بھی دائیں سے بائیں تیسرے نمایاں ہے۔

    روتھ فاؤ والی تصویر میں حکومتِ سندھ کچھ دبی دبی سے نظر آ رہی تھی لہذا اس نے حساب برابر کرنے کے لیے سول اسپتال کراچی کا نام ڈاکٹر روتھ فاؤ سول ہسپتال رکھنے کا نوٹیفکیشن جاری کردیا اور خود ہی بھول گئی کہ دو برس پہلے سندھ اسمبلی نے اسی سول اسپتال کا نام ڈاکٹر ادیب الحسن رضوی کے نام پر رکھنے کی متفقہ قرار داد منظور کی تھی کیونکہ اسی ہسپتال کے ایک وارڈ سے ادیب صاحب نے اپنی فلاحی جدوجہد شروع کی تھی۔

    چلو خیر ہے ۔ادیب صاحب ماشااللہ حیات ہیں۔ وقت آنے پر لیاری جنرل ہسپتال کو ان کے نام کردیں گے۔ایک اور تصویر ہو جائے گی۔
    (کاپی)
    رزاق پوستی سے روتھ فاؤ تک
     
    • پسندیدہ پسندیدہ × 4
    • زبردست زبردست × 1
  2. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    ویسے یہ روتھ فاؤ کون ہے
     
    • غمناک غمناک × 3
  3. سید عمران

    سید عمران محفلین

    مراسلے:
    14,029
    جھنڈا:
    Pakistan
    ڈاکٹر رتھ کیتھرینا مارتھا فاؤ (جرمن: Ruth Katherina Martha Pfau) المعروف رتھ فاؤ (1929ء تا 10 اگست 2017ء) ایک جرمن ڈاکٹر، سرجن اور سوسائیٹی آؤ ڈاٹرز آف دی ہارٹ آؤ میری نامی تنظیم کی رکن تھیں۔ انہوں نے 1962ء سے اپنی زندگی پاکستان میں کوڑھیوں کے علاج کے لیے وقف کی ہوئی تھی۔ 1996ء میں عالمی ادارۂ صحت نے پاکستان میں کوڑھ کے مرض کو قابو میں قرار دے دیا۔ پاکستان اس ضمن میں ایشیا کے اولین ملکوں میں سے تھا۔ ڈاکٹر رتھ فاؤ کا انتقال 10 اگست 2017ء کو کراچی کے ایک نجی ہسپتال میں ہوا۔
    (وکی پیڈیا)
     
    • پسندیدہ پسندیدہ × 3
    • معلوماتی معلوماتی × 1
  4. فیصل عظیم فیصل

    فیصل عظیم فیصل محفلین

    مراسلے:
    3,646
    جھنڈا:
    Pakistan
    موڈ:
    Relaxed
    نو ستمبر انیس صد انتیس کو جرمنی کے شہر لیپزگ میں پیدا ہونے والی ڈاکٹر روتھ فاؤ پاکستان کے محسنوں میں سے ایک ہیں ۔ دس اگست دو ہزار سترہ کو کراچی میں وفات پانے والی اس خاتون کی جذام کے خلاف جدوجہد کی وجہ سے حکومت پاکستان اور پاکستان کے عوام ان کے احسان مند ہیں۔ بے شک ہم احسان فراموش نہیں ہیں مزید تفصیلات ان کے متعلق وکی پیڈیا کے اس صفحے سے حاصل کی جا سکتی ہیں
     
    • پسندیدہ پسندیدہ × 2
    • معلوماتی معلوماتی × 1
  5. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,904
    جھنڈا:
    Pakistan
    موڈ:
    Cheerful
  6. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    شکریہ معلومات میں اضافے کے لیے

    ایک کام ہے مجھ کو ذاتی طور پر کیا آپ کچھ مدد کر سکتے ہیں
     
  7. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    شکریہ جناب اتنی اہم معلومات کے لیے مشکور ہوں

    ایک کام ہے مجھ کو ذاتی طور پر کیا آپ کچھ مدد کر سکتے ہیں
     
  8. سید عمران

    سید عمران محفلین

    مراسلے:
    14,029
    جھنڈا:
    Pakistan
    کیا کام؟؟؟
     
  9. محمداحمد

    محمداحمد لائبریرین

    مراسلے:
    22,878
    جھنڈا:
    Pakistan
    موڈ:
    Amazed
    سخت کوفت ہوتی ہے مجھے جب کسی پرانی چیز کا نام بدل کر اُسے کسی کے نام سے موسوم کر دیا جاتا ہے۔

    ارے اگر کسی کی خدمات کا اعتراف کرنا ہی مقصود ہے تو پھر نیا پروجیکٹ بناؤ اُن کے نام پر تاکہ پتہ چلے کے آپ واقعی قدردان ہو اور صرف ہوا کے رُخ پر نہیں بہہ رہے۔
     
    • متفق متفق × 2
  10. سفیر آفریدی

    سفیر آفریدی محفلین

    مراسلے:
    402
    جھنڈا:
    Pakistan
    موڈ:
    Brooding
  11. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    ایک کتاب ہے جو کہ پی ڈی ایف فارمیٹ میں ہے اس کو ٹیکسٹ فارمیٹ میں تبدیل کروانا ہے کیا آپ ٹائپ کر دیں گے
     
  12. محمداحمد

    محمداحمد لائبریرین

    مراسلے:
    22,878
    جھنڈا:
    Pakistan
    موڈ:
    Amazed
    عمران بھائی کیوں؟ یہ کام تو آپ خود بھی کر سکتے ہیں۔
     
    • متفق متفق × 1
  13. فیصل عظیم فیصل

    فیصل عظیم فیصل محفلین

    مراسلے:
    3,646
    جھنڈا:
    Pakistan
    موڈ:
    Relaxed
    پبلک فورمز پر ذاتی کام دینا عام بات نہیں ہے اس لیئے معذرت اگر کسی اجتماعی کام کا ارادہ ہے تو اس کے لیئے ایک تھریڈ کھولیئے وہاں وہ فائل پیش کیجئے پھر اس فائل کے اردو ٹیکسٹ میں کنورژن کا اردو ادب یا لسانیات کو کیا فائدہ ہے یہ بیان کیجئے اور ساتھیوں سے مدد طلب کیجئے۔ اگر کوئی ایسا کرنا چاہتا ہوگا تو کام ہو جائے گا ورنہ دوسری صورت آپ کو خود ہی تکلیف کرنا پڑے گی
     
    • پسندیدہ پسندیدہ × 2
    • متفق متفق × 1
  14. محمداحمد

    محمداحمد لائبریرین

    مراسلے:
    22,878
    جھنڈا:
    Pakistan
    موڈ:
    Amazed
    ویسے رزاق پوستی کا کردار خوب تخلیق کیا ہے وسعت اللہ خان صاحب نے۔
     
    • متفق متفق × 1
  15. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    خود اس لیے نہیں کر سکتا کیونکہ میرے پاس اس وقت کمپیوٹر اور لیپ ٹاپ نہیں ہے بس ایک نارمل سا سمارٹ فون ہے اس لیے محفلین سے درخواست کی ہے
     
    • دوستانہ دوستانہ × 1
  16. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    اردو ادب یا لسانیات کو اس کیا فائدہ ہو گا اس بارے میں میں کچھ نہیں کہ سکتا البتہ کتاب دینی ہے تو اس لحاظ سے دین سے محبت رکھنے والوں کے لیے بہت مفید ثابت ہو سکتی ہے
     
  17. محمد حسن شہزادہ

    محمد حسن شہزادہ محفلین

    مراسلے:
    352
    جھنڈا:
    Pakistan
    موڈ:
    Breezy
    تھریڈ کس زمرہ میں کھولوں
     
  18. محمداحمد

    محمداحمد لائبریرین

    مراسلے:
    22,878
    جھنڈا:
    Pakistan
    موڈ:
    Amazed
    اچھا!

    ویسے بہتر ہوتا ہے کہ ایسی درخواست پیغام میں کی جائے۔

    ویسے تو عمران بھائی بھی مصروف ہی ہوتے ہیں ۔ لیکن آپ اُن سے ذاتی مکالمے میں گفتگو کر لیجے اور کتاب کی تفصیل شامل کیجے ممکن ہے کہ وہ کچھ دلچسپی لیں۔ چاہیں تو کتاب کا نام یہیں پبلک فورم پر شئر کر دیں۔
     
    • متفق متفق × 1

اس صفحے کی تشہیر