محمد یعقوب آسی
محفلین
مستعمل تو بہت کچھ ہے؛ صاحبو! اور جو کچھ مستعمل ہے ضروری نہیں کہ وہ درست بھی ہو، درست و نا درست تو دیکھنا پڑے گا، ہر جگہ! کیا خیال ہے؟
راہنمائی درکار ہے
- صاحب لڑی محمد اسامہ سَرسَری
- تاریخ ابتداء
محمد اسامہ سَرسَری
لائبریرین
میرا خیال ہے کہ ”دن بہ دن“ غلط العام ہے ”سوفی صد“ کی طرح۔۔۔ اس کا استعمال دن بہ دن اتنا بڑھا کہ اب یہ سوفی صد درست معلوم ہوتا ہے۔
ابن رضا
لائبریرین
اس سے ملتا جلتا ڈائیلاگ کہیں سنا تھا کہ جھوٹ اتنی بار بولو کہ سچ کا گمان ہونے لگے اور آخر کاراسے سچ مان لیا جائےمیرا خیال ہے کہ ”دن بہ دن“ غلط العام ہے ”سوفی صد“ کی طرح۔۔۔ اس کا استعمال دن بہ دن اتنا بڑھا کہ اب یہ سوفی صد درست معلوم ہوتا ہے۔
محمد یعقوب آسی
محفلین
سو فی صد والی بات اور ہے اور یہ بالکل درست ہے۔ سو فی صد کا مطلب ہے سو میں سے سو یعنی سب کے سب، پورا، مکمل وغیرہ؛میرا خیال ہے کہ ”دن بہ دن“ غلط العام ہے ”سوفی صد“ کی طرح۔۔۔ اس کا استعمال دن بہ دن اتنا بڑھا کہ اب یہ سوفی صد درست معلوم ہوتا ہے۔
مثلاً: مجھے آپ سے سو فی صد اتفاق ہے۔ فلاں شہر کی ستر فی صد آبادی محنت کشوں پر مشتمل ہے۔ اسے امسال بیس فی صد منافع حاصل ہوا۔ فلاں کام یا بات کا ایک فی صد بھی امکان نہیں؛ وغیرہم۔
محمد یعقوب آسی
محفلین
کسی زمانے میں (1968 سے 1972 تک کا تو مجھے علم ہے) روزنامہ امروز لاہور میں ایک کالم ہوا کرتا تھا: ’’جھوٹی باتیں‘‘ (نصیر انور)۔اس سے ملتا جلتا ڈائیلاگ کہیں سنا تھا کہ جھوٹ اتنی بار بولو کہ سچ کا گمان ہونے لگے اور آخر کاراسے سچ مان لیا جائے
اس کالم کی پیشانی کا جملہ تھا: ’’جب دنیا میں جھوٹ اتنا عام ہو کہ سچ ہو جائے تو اتنا سچ بول کہ وہ جھوٹ ہو جائے‘‘۔
آداب۔
محمد اسامہ سَرسَری
لائبریرین
جس طرح دن بہ دن میں ”ب“ حرف جر جو کہ خالص فارسی ہے اسے خالص اردو کے لفظ (دن) پر داخل کیا گیا ہے اسی طرح ”فی“ جو کہ خالص عربی ہے اسے خالص فارسی لفظ(صد) پر داخل کیا گیا ہے۔
مزمل شیخ بسمل
محفلین
عربی اور فارسی کے خلط سے تراکیب باندھنا درست ہیں جیسے عام اضافتیں بھی عربی اور فارسی الفاظ میں جائز رہتی ہیں۔
البتہ ہندی کا خلط جائز نہیں۔
سید عاطف علی
لائبریرین
میرے خیال میں عربی فارسی سے تراکیب باندھنے کا قاعدہ مطلق طورہر جگہ پر درست نہیں ہو گا ۔محض وہ مرکب الفاظ و تراکیب جو زبان کے محاورے کے مطابق یا اور اہل زبان کے اسلوب سےمناسبت رکھتے ہیں اور ہموار محسوس ہوتے ہیں۔
مثلاً ۔ اسپ سوار یا گھڑ سوار صحیح ہوں گے لیکن۔ خیل سوار۔ یا فرس سوار۔ حصان سوار ۔۔۔وغیرہم محاورے سے ہم آہنگ ہونے کی وجہ سے عجیب محسوس ہوں گے اگرچہ کتنے ہی با معنی ہوں ۔جیسے ۔شبانہ۔ روزانہ۔ کی طرح ۔عامیانہ۔ اور۔ سوقیانہ۔ تو محاورے میں ڈھلے ہوئے ہیں لیکن ۔ خاصیانہ۔ با لکل اجنبی ہے۔۔۔۔اسی طرح عالم گیر درست ہے مگر دنیا گیر غلط ہے اگر چہ معنوی اعتبار سے کوئی تعارض نہیں لیکن وجہ صرف اہل زبان کے مقبول محاورے سے غیر موافق ہونا ہے۔
یہاں زبان کا محاورہ اور اہل زبان کے قبولیت زیادہ بنیادی اہمیت اس کی ہزاروں مثالیں پیش کی جاسکتی ہیں ۔۔ میرے خیال دن بہ دن کو غلط یا غلط العام کہنا بھی غلط ہے اگر چہ اصل کے اعتبار سے روز بہ روز زیادہ قرین قرینہ ہے۔۔ کیوں کہ اس میں کوئی بات خلاف واقعہ یا حقیقتاً غلط نہیں۔یہ صرف میرا ذاتی خیال ہے اس سے اختلاف کیا جاسکتا ہے۔
مثلاً ۔ اسپ سوار یا گھڑ سوار صحیح ہوں گے لیکن۔ خیل سوار۔ یا فرس سوار۔ حصان سوار ۔۔۔وغیرہم محاورے سے ہم آہنگ ہونے کی وجہ سے عجیب محسوس ہوں گے اگرچہ کتنے ہی با معنی ہوں ۔جیسے ۔شبانہ۔ روزانہ۔ کی طرح ۔عامیانہ۔ اور۔ سوقیانہ۔ تو محاورے میں ڈھلے ہوئے ہیں لیکن ۔ خاصیانہ۔ با لکل اجنبی ہے۔۔۔۔اسی طرح عالم گیر درست ہے مگر دنیا گیر غلط ہے اگر چہ معنوی اعتبار سے کوئی تعارض نہیں لیکن وجہ صرف اہل زبان کے مقبول محاورے سے غیر موافق ہونا ہے۔
یہاں زبان کا محاورہ اور اہل زبان کے قبولیت زیادہ بنیادی اہمیت اس کی ہزاروں مثالیں پیش کی جاسکتی ہیں ۔۔ میرے خیال دن بہ دن کو غلط یا غلط العام کہنا بھی غلط ہے اگر چہ اصل کے اعتبار سے روز بہ روز زیادہ قرین قرینہ ہے۔۔ کیوں کہ اس میں کوئی بات خلاف واقعہ یا حقیقتاً غلط نہیں۔یہ صرف میرا ذاتی خیال ہے اس سے اختلاف کیا جاسکتا ہے۔
آخری تدوین:
محمد یعقوب آسی
محفلین
بعد میں خاصر ہوتا ہوں۔ ان شاء اللہ۔
محمد اسامہ سَرسَری
لائبریرین
عربی اور فارسی کے اسماء کا خلط تو عمومی طور پر روا کہا جاسکتا ہے ، مگر حروف کا معاملہ قدرے مختلف ہے۔
بالخصوص یہاں بات حرف جر کی ہورہی ہے، مثلا ”فی“ عربی کا حرف جر ہے ، اسے ہم ہر فارسی اسم پر داخل کرنے کو جائز نہیں گردان سکتے ، ”فی الوقت“ تو درست ہے مگر ”فی گاہ“ درست نہیں۔
اس بات کے تناظر میں تو ”فی کس“ اور ”فی صد“ جیسی مثالیں غلط العام کی قبیل سے ہوں گی نا۔
محمد اسامہ سَرسَری
لائبریرین
اسے کہتے ہیں انگریزی کے مختلف حروف۔۔۔
ابن رضا
لائبریرین
اسے کہتے ہیں کہ میں آپ سے صد فی صد متفق ہوںاسے کہتے ہیں انگریزی کے مختلف حروف۔۔۔
محمد اسامہ سَرسَری
لائبریرین
محمد اسامہ سَرسَری
لائبریرین
”محاکات“ اور ”تخییل“ کی تعریف اور مثالوں کے ساتھ تفصیلی وضاحت مطلوب ہے۔ جزاکم اللہ خیرا۔
مزمل شیخ بسمل
محفلین
اس جواب کے لیے تو اچھا خاصا وقت درکار ہے۔ فی الوقت نہیں لکھ پاؤنگا۔ اور اگر لکھا بھی تو تسلی بخش وضاحت نہیں ہو پائے گی۔ اسے ادھار کرلیں؟
یا حضرت یعقوب آسی اگر کچھ نظر ڈالیں۔۔۔گو کہ وہ ادبی اصطلاحات کو پسند نہیں فرماتے ۔ بہر حال ان کا انتظار کرکے دیکھتے ہیں۔
محمد اسامہ سَرسَری
لائبریرین
کچھ مختصراً ہی بتادیں۔۔۔۔
ابن رضا
لائبریرین
محاکات کا ترجمہ تو درج ذیل ہے۔ باقی کے لیےآپ کے ساتھ چشمِ براہ ہیں
محاکات
1 - ( مصدر ) حکایت کردن با یکدیگر . 2 - عین قول کسی را نقل کردن باز گفتن . 3 - مشابه بودن . 4 - ( اسم ) گفتگو . 5 - شباهت .
با هم حکایت کردن
محاکات : بمعنی منظر کشی، تصویر کشی
کسی چیز کی نقل اتارنےکو کہتے ہیں کہ اس کی تصویر ہو بہو آنکھوں کے سامنے پھر جائے
آخری تدوین: