مصطفیٰ زیدی "دیکھنا اہل ِ جنوں، ساعتِ جہد آ پُہنچی"

[غزل قاضی]

"دیکھنا اہل ِ جنوں، ساعتِ جہد آ پُہنچی"

دیکھنا اہل ِ جنوں، ساعتِ جہد آ پُہنچی
اب کے توہین ِ لب ِ دار نہ ہونے پائے

اب کے کُھل جائیں خزانے نفَس ِ سوزاں کے
اب کے محرومیء اظہار نہ ہونے پائے

یہ جو غدّار ھے اپنی ہی صَف ِ اوّل میں
غیر کے ہات کی تلوار نہ ہونے پائے

یُوں تو ہر جوھر ِ گُفتار بڑا وصف ، مگر
وجہ بیماریء کِردار نہ ہونے پائے

ایسے زخموں کی جراحت سے محبّت سیکھو
جِن کو مرھم سے سروکار نہ ہونے پائے

دشت میں خُونِ حُسین ابن ِ علی بہہ جائے
بیعتِ حاکم ِ کُفّار نہ ہونے پائے

یہ نئی نسل اس اندزا سے نکلے سر ِ رزم
کہ مؤرّخ سے گنہگار نہ ہونے پائے

مصطفیٰ زیدی

گریباں

 

[سید زبیر]

لاجواب

دشت میں خُونِ حُسین ابن ِ علی بہہ جائے​

بیعتِ حاکم ِ کُفّار نہ ہونے پائے​

یہ نئی نسل اس اندزا سے نکلے سر ِ رزم​

کہ مؤرّخ سے گنہگار نہ ہونے پائے​

 

[عمراعظم]

ایسے زخموں کی جراحت سے محبّت سیکھو
جِن کو مرھم سے سروکار نہ ہونے پائے
بہت خوب۔

 

[عینی شاہ]

واہ واہ ۔۔واہ ہی واہ