دیئے ہوئے لفظ پر شاعری۔۔

[شمشاد]

باغِ بہشت سے مجھے حکمِ سفر دیا تھا کیوں
کارِ جہاں دراز ہے اب میرا انتظار کر
(علامہ)

اگلا لفظ “ باغ “

 

[شمشاد]

ادھر کسی اور کو آئے آج ایک ہفتہ ہو گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہزار پھولوں سے آباد باغِ ہستی ہے
اجل کی آنکھ فقط ایک کو ترستی ہے
(فیض احمد فیض)

اگلا لفظ " پھول "

 

[فرحت کیانی]

تیری قربت کے لمحے "پھول" جیسے
مگر پھولوں کی عمریں مختصر ہیں۔

"مختصر"

 

[شمشاد]

وہ عہدِ غم کی کاہش ہائے بے حاصل کو کیا سمجھے
جو ان کی مختصر روداد بھی صبر آزما سمجھے

فیض احمد فیض

اگلا لفظ " صبر "

 

[فرحت کیانی]

"صبر" کیوں دلاتے ہو، ضبط کیوں سکھاتے ہو
مجھ کو کتنی صدیوں سے یہ سبق تو اَزبر ہیں۔

"صدی"

 

[شمشاد]

آج تک سرخ و سیہ صدیوں کے سائے کے تلے
آدم و حوّا کی اولاد پہ کیا گزری ہے؟

موت اور زیست کی روزانہ صف آرائی میں
ہم پہ کیا گزرے گی، اجداد پہ کیا گزری ہے

فیض احمد فیض

اگلا لفظ " زیست "

 

[فرحت کیانی]

واہ۔۔۔زبردست

بہتر ہے کہ "زیست" کو ہنس کر گزار دو
محسوس کر گئے تو مسلسل عذاب ہے

"محسوس"

 

[شمشاد]

ابھی ذوقِ گنہ میں تشنگی محسوس کرتا ہوں
اسی انداز سے للہ چشمِ میگسار اٹھے

سرور عالم راز سرور

اگلا لفظ " چشم "

 

[فرحت کیانی]

چشمِ نم جانِ شوریدہ کافی نہیں
تہمتِ عشق پوشیدہ کافی نہیں
آج بازار میں پابجولاں چلو
دست افشاں چلو،مست رقصاں چلو
راہ تکتا ہے سب شہرِ جاناں چلو
آج بازار میں پابجولاں چلو
۔۔۔فیض

"شہر"

 

[شمشاد]

بہت خوب فرحت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فقیہِ شہر بھی بکنے لگے سرِبازار
غریبِ شہر کہاں جائے اور کیا جائے

سرور عالم راز سرور

 

[محمد وارث]

شمشاد صاحب، لفظ رہ گیا.

چلیں سرور پر سہی

علم میں بھی سرور ہے لیکن
یہ وہ جنت ہے جس میں حور نہیں

(اقبال)

لفظ: حور

 

[شمشاد]

جی واقعی غلطی ہو گئی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مٹ گئے کیسے سبھی ان کی غزل خوانی سے
رنجِ دنیائے دنی، فکروغمِ حور و قصور
(سرور عالم راز سرور)

اگلا لفظ " فکر "

 

[شمشاد]

کیا وہم و گماں کیا علم و یقیں، کیا فکر و غمِ دنیا و دیں
ہستی کے وہ سارے پیچ و خم، کچھ کہہ نہ سکے، کچھ بھول گئے

سرور عالم راز سرور

 

[الف عین]

اگلا لفظ شمشاد؟؟؟؟
سرور بھائی کی کتابوں کی فائلیں کھول رکھی ہیں آج کل شاید۔

 

[شمشاد]

اگلا لفظ " غم "

جی اعجاز بھائی کسی کی عنایت سے سرور صاحب کا کلام مل گیا ہے۔

 

[نوید ملک]

غم سے لپٹ ہی جائیں گے ایسے بھی ہم نہیں
دنیا سے کٹ ہی جائیں گے ایسے بھی ہم نہیں

لپٹ

 

[شمشاد]

لپٹا ہوا کہر میں جیسے خزاں کا چاند
میلے لباس میں بھی وہ پیارا بہت لگا

ریشم پہن کے بھی میری قیمت نہ بڑھ سکی
کھدر بھی اُس کے جسم پر مہنگا بہت لگا
(محسن نقوی)

اگلا لفظ " چاند "

 

[عمر سیف]

شب بيتي، چاند بھي ڈوب چلا، زنجير پڑي دروازے پہ
کيوں دير گئے گھر آئے ہو، سجني سے کرو گے بہانا کيا

اگلا لفظ ' بہانہ'

 

[شمشاد]

کیا کریں اب تو اُس سے ملنے کا
کوئی ملتا نہیں بہانہ بھی

جب صبا ساتھ ساتھ چلتی تھی
آہ کیسا تھا وہ زمانہ بھی

احمد فواد

اگلا لفظ " صبا "

 

[محمد وارث]

چار موج اٹھتی ہے طوفانِ طرب سے ہر سو
موجِ گل، موجِ شفق، موجِ صبا، موجِ شراب

(غالب)

اگلا لفظ: شراب