دیئے ہوئے لفظ پر شاعری۔۔

[زینب]

ملا قاتیں ھوں مسلسل تو دلچسپی نہیں رہتی

یہ بے ترتیب سے یارانے بڑے حسین ھوتے ہیں


۔۔۔۔۔۔۔۔۔۔۔۔۔۔۔۔۔۔۔ملاقات۔۔۔۔۔۔۔۔۔۔

 

[شمشاد]

روز آنے پہ نہیں نسبتِ عشقی موقوف
عمر بھر ایک ملاقات چلی جاتی ہے
(میر)

عمر

 

[سارہ خان]

عمر اِک خواب سجانے میں گئی
تیری تصویر بنانے میں گئی

کٹ گئی کچھ تو غمِ ہجراں میں
اورکُچھ مِلانے میں گئی؎


تصویر

 

[شمشاد]

جھیل میں لمس کی تحریر بنانی ہے مجھے
آنکھ میں چاند کی تصویر بنانی ہے مجھے
(نیناں)

آنکھ

 

[الف عین]

مائل بکرم ہیں راتیں
آنکھوں سے کہو کچھ مانگیں
خوابوں کے سوا جو چاہیں
شہر ہار کی مختصر نظم

خواب

 

[شمشاد]

کب ملی تھی کہاں بچھڑی تھی ہمیں یاد نہیں
زندگی تجھکو تو بس خواب میں دیکھا ہم نے
(شہریار)

بچھڑنا

 

[عمر سیف]

یہ حادثہ بھی میری جان پہ گزرنا تھا
اُسے بھی کھو دیا، خود سے بھی بچھڑنا تھا

اب حادثہ ۔۔۔

 

[شمشاد]

آزمائشوں کی گھڑی میں مُسکرانا سیکھ لے
حادثوں کو روندنا ٹھوکر لگانا سیکھ لے


مسکرانا

 

[عمر سیف]

ہم جیسے تنہا لوگوں کو اب رہنا کیا مسکرانا کیا
جب چاہنے والا کوئی نہیں تو جینا کیا مر جانا کیا

 

[عمر سیف]

اب لوگ ۔۔۔۔

 

[شمشاد]

عالم مری تقلید سے خواش تری کرنے لگا
میں تو پشیماں ہوچکا لوگوں کو اب ارمان ہے
(میر)

ارمان

 

[فاتح]

امیرِ شہر کے ارماں ابھی کہاں نکلے
فقیرِ شہر کے تن پر لباس باقی ہے​

فقیر

 

[شمشاد]

فقیرانہ آئے صدا کر چلے
میاں خوش رہو ہم دعا کر چلے
(میر)

اب دعا

 

[الف عین]

خدا کرے کہ سلامت ہوں ریت پر وہ نقوش
ہوا تھی تیز، مگر دیکھ لوں دعا کر کے
ا ع

نقوش

 

[شمشاد]

زمام اپنی ناقے تُڑا کہ مجنوں
مدّت سے نقشِ پا کے مانند راہ پر ہے
(میر)

راہ

 

[الف عین]

نہ چھیڑ اے نکہتِ بادِ بہاری راہ لگ اپنی
تجھے اٹھکیلیاں سوجھی ہیں ہم بے زار بیٹھے ہیں


اٹھکیلیاں

ارے ساری، اٹھکیلیاں نہیں کرتا، سیدھا سادا
بیزار

 

[شمشاد]

کیسے ہیں وے کہ جیتے ہیں صد سال، ہم تو میر
اس چار دن کی زیست میں بیزار ہو گئے
(میر)

اب زیست

 

[عمر سیف]

کچھ حادثاتِ زیست ہے، کچھ وارداتِ غم
بس اتنا ہی فلسفہ ہے میرے شعر و غزل کا

 

[عمر سیف]

اگلا حرف فلسفہ

 

[شمشاد]

ناداں ! ادب و فلسفہ کچھ چیز نہیں ہے
اسباب ہنر کے لیے لازم ہے تگ و دو
(علامہ)

ناداں