دیئے گئے لفظ پر شاعری - دوسرا دور

[شمشاد خان]

موت برحق ہے تو پھر موت سے ڈرنا کیسا
ایک ہجرت ہی تو ہے نقل مکانی ہی تو ہے
(طارق متین)

موت

 

[مریم افتخار]

مرتے ہیں آرزو میں مرنے کی
موت آتی ہے پر نہیں آتی
(غالب)​

آرزو

 

[شمشاد خان]

میں آرزوئے جاں لکھوں یا جان آرزو
تو ہی بتا دے ناز سے ایمان آرزو
(اختر شیرانی)

ایمان

 

[مریم افتخار]

جب سے گیا ہے وہ مرا ایمان زندگی
کافر ہو جس کے دل میں ہو ارمان زندگی
(یحییٰ حضور عظیم آبادی)​

کافر

 

[شمشاد خان]

تو مري نظر ميں کافر ، ميں تري نظر ميں کافر
ترا ديں نفس شماري ، مرا ديں نفس گدازي
(علامہ محمد اقبال)

نظر

 

[مریم افتخار]

نظر کہیں ہے، مخاطب کسی سے ہیں دل میں
جواب کس کو ملا ہے، سوال کس کا تھا

(بیخود دہلوی)​

مخاطب

 

[شمشاد خان]

وقت کے ساتھ بدلنا تو بہت آساں تھا
مجھ سے ہر وقت مخاطب رہی غیرت میری
(امیر قزلباش)

وقت

 

[لاريب اخلاص]

وقت کرتا ہے پرورش برسوں

حادثہ ایک دم نہیں ہوتا
قابل اجمیری

حادثہ

 

[شمشاد خان]

تم ابھی شہر میں کیا نئے آئے ہو
رک گئے راہ میں حادثہ دیکھ کر
(بشیر بدر)

شہر

 

[لاريب اخلاص]

دل تو میرا اداس ہے ناصرؔ

شہر کیوں سائیں سائیں کرتا ہے

ناصر کاظمی
اداس

 

[شمشاد خان]

بولے کچھ زیر لب اداس اداس
رہ گیا چپ میں دیکھ کر یہ حال
(میر تقی میر)

لب

 

[جا ن]

آتا ہے جی میں ساقئ مہ وش پہ بار بار
لب چوم لوں ترا لب پیمانہ چھوڑ کر
(جلیل مانک پوری)

پیمانہ

 

[شمشاد خان]

جام و پیمانہ سے مے خانہ سے کیا کام اسے
[URL='https://www.rekhta.org/ghazals/sar-jhukaae-sar-e-mahshar-jo-gunahgaar-aae-aasi-ramnagri-ghazals?lang=ur']ہو کے ساقی کی نگاہوں سے جو سرشار آئے[/URL]
(آسی رام نگری)​

ساقی

 

[مریم افتخار]

شاید ابھی پہنچی نہ ہو بابِ قبول تک
ساقی ذرا سی اور کہ توبہ سفر میں ہے​

توبہ

 

[شمشاد خان]

جام ہے توبہ شکن توبہ مری جام شکن
سامنے ڈھیر ہیں ٹوٹے ہوئے پیمانوں کے
(ریاض خیر آبادی)

جام

 

[مریم افتخار]

غیر لیں محفل میں بوسے جام کے
ہم رہیں یوں تشنہ لب پیغام کے
(غالب)​

تشنہ

 

[شمشاد خان]

اخلاص و ربط اس سے ہوتا تو شور اٹھاتے
لب تشنہ اپنے تب ہیں دلبر سے جب نہیں کچھ
(میر تقی میر)

شور

 

[مریم افتخار]

اک شور تھا جو اندر وہ آج مچ گیا ہے
اتنا ہی اب عیاں ہوں جتنا کبھی نہاں تھا
(مریم)​

نہاں

 

[شمشاد خان]

ہے تصور میں نہاں سرمایۂ صد گلستاں
کاسۂ زانو ہے مجھ کو بیضۂ طاؤس و بس
(چچا)

 

[مریم افتخار]

ہے تصور میں نہاں سرمایۂ صد گلستاں
کاسۂ زانو ہے مجھ کو بیضۂ طاؤس و بس
(چچا)

چچا پہ شعر نہیں ہوں گے، کوئی اور لفظ دیجیے.