دیئے گئے لفظ پر شاعری - دوسرا دور

[شمشاد خان]

معذرت۔ اصل میں یہ چچا غالب کا شعر ہے، تو میں نے شاعر کا نام اختصار کے ساتھ چچا لکھا تھا۔

اگلا لفظ “تصور”

 

[مریم افتخار]

معذرت۔ اصل میں یہ چچا غالب کا شعر ہے، تو میں نے شاعر کا نام اختصار کے ساتھ چچا لکھا تھا۔

اگلا لفظ “تصور”

جی ڈھونڈتا ہے پھر وہی فرصت، کہ رات دن
بیٹھے رہیں تصورِ جاناں کیے ہوئے

فرصت

 

[شمشاد خان]

جی ڈھونڈتا ہے پھر وہی فرصت، کہ رات دن

پہلا مصرعہ ایسے ہے۔

 

[شمشاد خان]

فرصت زندگی سے مت پوچھو
سانس بھی ہم نہ لینے پائے تھے
(میر)

سانس

 

[شمشاد خان]

کوئی ہے جو لڑی پر آئے۔ بہت دن ہو گئے ہیں کسی نے مراسلہ ہی نہیں لکھا۔

 

[مریم افتخار]

سانس لیتا ہوں کہ پت جھڑ سی لگی ہے مجھ میں
وقت سے ٹوٹ رہے ہیں مرے بندھن جیسے
(مظفر وارثی)

ٹوٹنا

 

[لاريب اخلاص]

وہ دل کا ٹوٹنا تو کوئی واقعہ نہ تھا
اب ٹوٹے دل کی کرچیوں کی دھار سے بچو

(جلیل حیدر لاشاری)
دل

 

[جا ن]

دل میں نِشاطِ رفتہ کی دُھنْدلی سی یاد ہے!
یا شمْعِ وصْل ہے، تہِ دامانِ آرزُو
(اختر شیرانی)

آرزو

 

[شمشاد خان]

دل دھڑکنے کا سبب یاد آیا
وہ تری یاد تھی اب یاد آیا
(ناصر کاظمی)

یاد

 

[شمشاد خان]

دل میں نِشاطِ رفتہ کی دُھنْدلی سی یاد ہے!
یا شمْعِ وصْل ہے، تہِ دامانِ آرزُو
(اختر شیرانی)

آرزو

لوٹ آ درون دل سے پکارے کوئی مجھے
دنیا کی آرزو میں نہ جا اپنے آپ سے
(حمایت علی شاعر)

دنیا

 

[مریم افتخار]

دنیا کے اے مسافر منزل تیری قبر ہے
طے کر رہا ہے جو تو دو دن کا یہ سفر ہے

قبر

 

[شمشاد خان]

ہماری مسکراہٹ پر نہ جانا
دیا تو قبر پر بھی جل رہا ہے
(آنس معین)

دیا

 

[شمشاد خان]

دو دن گزر گئے ہیں اور یہاں کوئی دیا جلانے ہی نہیں آیا۔

 

[مریم افتخار]

دیا سا دل کے خرابے میں جل رہا ہے میاں
دیے کے گرد کوئی عکس چل رہا ہے میاں
نصیر ترابی

عکس

 

[شمشاد خان]

عکس رخسار نے کس کے ہے تجھے چمکایا
تاب تجھ میں مہ کامل کبھی ایسی تو نہ تھی
(بہادر شاہ ظفر)

رخسار

 

[مریم افتخار]

سیرت نہ ہو تو عارض و رخسار سب غلط
خوشبو اڑی تو پھول فقط رنگ رہ گیا
ظہیرکاشمیری

سیرت

 

[محمد عدنان اکبری نقیبی]

اس کی صورت کو دیکھتا ہوں میں
میری سیرت وہ دیکھتا ہی نہیں
حفیظ جالندھری

میں

 

[مریم افتخار]

میں ہوں وہ آنکھ جسے خونِ جگر لے ڈوبے
میں وہ نالہ ہوں جسے اس کا اثر لے ڈوبے
راحیل فاروق
​

اثر

 

[محمد عدنان اکبری نقیبی]

مری آہ کا تم اثر دیکھ لینا
وہ آئیں گے تھامے جگر دیکھ لینا
جلیل مانک پوری

جگر

 

[مریم افتخار]

تیر پر تیر لگاؤ تمہیں ڈر کس کا ہے
سینہ کس کا ہے مری جان جگر کس کا ہے
امیر مینائی

تیر