دیئے گئے لفظ پر شاعری - دوسرا دور

[طاہر شیخ]

خیال مے کشی مجھ کو نہ ہوش عاشقی مجھ کو
یہ کن راہوں سے یا رب لے چلی ہے زندگی مجھ کو

زندگی

 

[اعوان جی]

ذندگی سے بھر گیا دل حسرتو
اب کہانی کیا بڑھانی تخلیہ
اگلا لفظ تخلیہ

 

[فیصل عظیم فیصل]

تخلیہ کہتے ہی سونی محفلیں سب ہو گئیں
دل کے اندر شور و غوغا سا کہاں سے آ گیا

فیصل عظیم فیصل

اگلا لفظ "غیرت"

 

[طاہر شیخ]

غیرت ہے بڑی چیز جہانِ تگ و دو میں
پہناتی ہے درویش کو تاجِ سرِ دارا
اقبال

اگلا لفظ ہے : درویش

 

[اعوان جی]

ملتی نہیں ہے ناؤ تو درویش کی طرح
خود میں اتر کے پار اتر جانا چاہئیے

 

[طاہر شیخ]

اگلا لفظ تو دیا ہی نہیں آپ نے
اعوان جی

 

[طاہر شیخ]

خود سے ہی لفظ ناؤ لے رہا ہے

اتر کے ناؤ سے بھی کب سفر تمام ہوا
زمیں پہ پاؤں دھرا تو زمین چلنے لگی
شکیب جلالی

اب '' سفر'' سے

 

[فیصل عظیم فیصل]

سفر حیات کا اتنا بھی کہاں مشکل تھا
پلک جھپک بھی گئی عمر بھی تمام ہوئی

تنہائیاں

 

[طاہر شیخ]

میری تنہائیاں بتاتی ہیں
پھول ہوتے ہیں یار پھولوں کے

نعیم ضرار احمد

پھول

 

[فیصل عظیم فیصل]

پھول خوشبو سفیر چاہت کے
خواب تو ہیں سراب راحت کے


کروٹیں

 

[طاہر شیخ]

کباب سیخ ہیں ہم کروٹیں ہر سو بدلتے ہیں
جل اٹھتا ہے جو یہ پہلو تو وہ پہلو بدلتے ہیں

امیر مینائی

سیخ

 

[فیصل عظیم فیصل]

سیخ پا ہوکر جو بولیں نصف بہتر خوب ہے
جا رہی ہوں آج میکے تم اکیلے خوش رہو


الحفیظ

 

[فیصل عظیم فیصل]

جا رہی تھی تو چلی جاتی بھلا میکے ضرور
پھر یہ بچے چھوڑ کر جانے ضد کیوں جان جاں
آٹھ بچے اور گھر کی ہر ضرورت الحفیظ
بن کے بارش آرزو پر خوب برسے و الاماں

بس موڈ بنا لکھ دیا ... الحفیظ کا عنوان ابھی جاری ہے

 

[اعوان جی]

رقص الفاظ کر رہے ہیں یا میرے آنسو
مدارِ یار میں ہوں یا مقامِ عشق میں

 

[اعوان جی]

لوگ صدیوں کی خطاؤں پہ بھی خوش بستے ہیں،
ہم کو لمحوں کی وفاؤں نے اجاڑا
اگلا لفظ اجاڑا

 

[Dure najaf]

دست بستہ ہیں جہاں سارے زمانے والے
کتنے اعلیٰ ہیں محمّد کے گھرانے والے
۔
مجھکو دنیا کے سہاروں کی ضرورت کیا ہے
میرے آقا ہیں میری بات بنانے والے
۔
کٹ کے شبیر نے کربل میں کیا ہے ثابت
اس طرح وعدہ نبھاتے ہیں نبھانے والے
۔
ہم گناہگاروں کو محشر کا ہو کیوں ڈر فیضان
آپ ہیں دامن رحمت میں چھپانے والے۔۔۔۔!
۔
"صلی اللہ علیہ وآلہ وسلم "

 

[قیصر خلیل]

دور فلک جب دوھراتا ہے موسم گل کی راتوں کو
کنج قفنس میں سن لیتے ہیں بھولی بسری باتوں کو

 

[قیصر خلیل]

دوھراتا صحیح نہیں
دہراتا ہونا چاہئیے۔

 

[اکمل زیدی]

دوھراتا صحیح نہیں
دہراتا ہونا چاہئیے۔

ہم اسی کو لفظ سمجھ کے شعر دے دیتے ہیں

وہ آج پھر یہی دہرا کے چل دیا بانیؔ
میں بھول کے نہیں اب تجھ سے بولنے والا
راجیندر منچندا بانی

 

[سید شہزاد ناصر]

دوھراتا صحیح نہیں
دہراتا ہونا چاہئیے۔

درست فرمایا
رہنمائی کے لئے ممنون ہوں
سلامت رہیں