دیئے گئے لفظ پر شاعری - دوسرا دور

شمشاد

لائبریرین
مرا مذاقِ جنوں سلامت کہیں بھی تنہا نہیں رہوں گا
ہزار طوفاں ساتھ دیں گے اگر کناروں نے ساتھ چھوڑا


طوفان
 

شمشاد

لائبریرین
جب ڈوبنا ہی ٹھہرا تو پھر ساحلوں پہ کیوں
اس کے لیے تو بیچ بھنور جانا چاہیے
(حسن عباس رضا)

بھنور
 

سارہ خان

محفلین
اب یہ سوچوں تو بھنور ذہن میں پڑ جاتے ہیں
کیسے چہرے ہیں جو ملتے ہی بچھڑ جاتے ہیں
محسن نقوی

چہرے
 

شمشاد

لائبریرین
سارے چہرے بھول چکے ہیں ایک وہ چہرہ یاد رہا
یاد کا جنگل ، غم کا بادل ، دکھ کا صحرا یاد رہا
(نزھت عباسی)

دکھ
 

شمشاد

لائبریرین
بہت شکریہ راجہ صاحب۔
---------------------------------------------------


ڈھونڈی ہے یونہی شوق نے آسائشِ منزل
رخسار کے خم میں کبھی کاکل کی شکن میں
(فیض احمد فیض)

رخسار
 

شمشاد

لائبریرین
جان سے پیارے لوگوں سے بھی کچھ کچھ پردہ لازم ہے
ساری بات بتانے والے کچھ کچھ پاگل ہوتے ہیں
(سعید واثق)

پاگل
 

شمشاد

لائبریرین
ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں
(احمد فراز)

لوگ
 

شمشاد

لائبریرین
شب کے محبوس کو سونے کی اجازت ہی نہیں
آنکھ لگتی ہے کہ دیوار سے سر لگتا ہے
(رام ریاض)

دیوار
 
Top