دیئے گئے لفظ پر شاعری - دوسرا دور

[سیما علی]

درو دیوار میں ،مکان نہیں
واقعہ ہے ،یہ داستان نہیں

وقت کرتا ہے ہر سوال کو حل
زیست مکتب ہے امتحان نہیں
امجد اسلام امجد

مکتب

 

[سیما علی]

مکتب میں تجھے دیکھ کسے ہوش سبق ہے
ہر طفل کے یاں اشک سے آلودہ ورق ہے

طفل

 

[سیما علی]

طفل میں بو آئے کیا ماں باپ کے اطوار کی
دودھ تو ڈبے کا ہے تعلیم ہے سرکار کی
اکبر الہ آبادی

اطوار

 

[شمشاد]

طفل میں بو آئے کیا ماں باپ کے اطوار کی
دودھ تو ڈبے کا ہے تعلیم ہے سرکار کی
اکبر الہ آبادی

تعلیم

 

[سیما علی]

اک زندہ حقیقت مرے سینے میں ہے مستور کیا سمجھے گا وہ جس کی رگوں میں ہے لہُو سرد نے پر پردہ ، نہ تعلیم ،نئی ہو کہ پرانی نِسوانیَتِ زن کا نِگہباں ہے فقط مرد جس قوم نے اس زندہ حقیقت کو نہ پایا اُس قوم کا خورشید بہت جلد ہُوا زرد علامہ محمد اقبال خورشید

 

[شمشاد]

اب تو خورشید کو گزرے ہوئے صدیاں گزریں
اب اسے ڈھونڈنے میں تا بہ سحر جاؤں گا
احمد ندیم قاسمی

سحر

 

[فوزیہ افضل]

کھو نہ جا اس سحر و شام میں اے صاحب ہوش
اک جہاں اور بھی ہے جس میں نہ فردا ہے نہ دوش
علامہ اقبال

جہاں

 

[شکیل احمد خان23]

جہاں

جہاں میں آئی دیوالی بڑے چراغ جلے
۔۔۔۔ہمارے دل میں مگر تیرے غم کے داغ جلے

دِل

 

[شکیل احمد خان23]

دل ہی تو ہے نہ سنگ وخِشت درد سے بھر نہ آئے کیوں
روئیں ،گے، ہم ،ہزار بار، کوئی ،ہمیں ،ستائے ،،،کیوں

ہم

 

[سیما علی]

ہم کو سرکار جو قدموں میں بلاتے اپنے
سر کے بل جاتے , اُنھیں درد سناتے اپنے

ہو کے وارفتہ محبّت میں اُنھیں دیکھتے ہم
رنج و غم سارے ہمیں بھول ہی جاتے اپنے

پوچھتے حال جو آقا , تو سسکتے روتے
زخم سینے کے انھیں سارے دکھاتے اپنے

زخم

 

[شمشاد]

کسے ہے خواہش مرہم گری مگر پھر بھی
میں اپنے زخم دکھا لوں اگر اجازت ہو
جون ایلیا

خواہش

 

[شکیل احمد خان23]

دِل سے رُخصت ہوئی کوئی خواہش
۔۔۔۔۔۔۔۔۔گِریہ کچھ بے سبب نہیں آتا

کچھ

 

[شکیل احمد خان23]

کچھ تو لوگ کہیں گے ، لوگوں کا کام ہے کہنا
۔۔۔۔۔۔۔۔چھوڑو بیکار کی باتوں میں کہیں بیت نہ جائے رینا

رینا

 

[سیما علی]

دِل سے رُخصت ہوئی کوئی خواہش
۔۔۔۔۔۔۔۔۔گِریہ کچھ بے سبب نہیں آتا

کچھ

شعر میں کچھ کسر کچھ کمی رہ گئی
خون کی بوند شاید جمی رہ گئی

خوبیوں کے سبھی پھول مرجھا گئے
خار سی رنجشِ باہمی رہ گئی

رنجش

 

[شمشاد]

کسی رنجش کو ہوا دو کہ میں زندہ ہوں ابھی
مجھ کو احساس دلا دو کہ میں زندہ ہوں ابھی
سدرشن فاکر

احساس

 

[سیما علی]

اب تو یہ بھی نہیں رہا احساس
درد ہوتا ہے یا نہیں ہوتا​

عشق جب تک نہ کر چکے رسوا
آدمی کام کا نہیں ہوتا

رسوا

 

[شمشاد]

اک تم ہی نہیں تنہا الفت میں مری رسوا
اس شہر میں تم جیسے دیوانے ہزاروں ہیں
شہریار

دیوانہ

 

[سیما علی]

تو نے دیوانہ بنایا تو میں دیوانہ بنا
اب مجھے ہوش کی دنیا میں تماشہ نہ بنا
عشق میں دیدہ و دل شیشہ و پیمانہ بنا
جھوم کر بیٹھ گئے ہم وہیں مے خانہ بنا

تماشہ

 

[فوزیہ افضل]

بازیچہ اطفال ہے دنیا میرے آگے
ہوتا ہے شب روز تماشا میرے آگے

دنیا

 

[شمشاد]

دنیا نے تیری یاد سے بیگانہ کر دیا
تجھ سے بھی دل فریب ہیں غم روزگار کے
فیض احمد فیض

غم