دیئے گئے لفظ پر شاعری - دوسرا دور

[سیما علی]

پا کے اک تیرا تبسم مسکرائی کائنات
جھوم اٹھا وہ بھی دل جینے سے جو بیزار تھا

جے کرشن چودھری حبیب

تبسم

زیرِ لب یہ جو تبسّم کا دِیا رکھا ہے
ہے کوئی بات جسے تُم نے چھپا رکھا ہے
چند بے ربط سے صفحوں میں کِتابِ جاں کے
اِک نشانی کی طرح عہدِ وفا رکھا ہے
امجد اسلام امجد
عہدِ وفا

 

[طاہر شیخ]

بس ایک بار ہی توڑا جہاں نے عہد وفا
کسی سے ہم نے پھر عہد وفا کیا ہی نہیں

ابراہیم اشک

جہان/جہاں

 

[شمشاد]

جہاں گلشن وہاں گل ہے جہاں گل ہے وہاں بو ہے
جہاں الفت وہاں میں ہوں جہاں میں ہوں وہاں تو ہے
قدر بلگرامی

گلشن

 

[طاہر شیخ]

کوئی سمجھے گا کیا راز گلشن
جب تک الجھے نہ کانٹوں سے دامن
فنا نظامی کانپوری

کانٹا/کانٹے/کانٹوں

 

[سیما علی]

کوئی سمجھے گا کیا راز گلشن
جب تک الجھے نہ کانٹوں سے دامن
فنا نظامی کانپوری

کانٹا/کانٹے/کانٹوں

باغ سے دور خزاں سر جو ٹپکتا نکلا
قلب بلبل نے یہ جانا میرا کانٹا نکلا

• مضطر خیر آبادی

بلبل

 

[طاہر شیخ]

پاکی دامان گل کی کھا نہ اے بلبل قسم
رات بھر سرشار کیفیت میں شبنم سے رہا

مرزا علی لطف

کیفیت

 

[سیما علی]

پاکی دامان گل کی کھا نہ اے بلبل قسم
رات بھر سرشار کیفیت میں شبنم سے رہا

مرزا علی لطف

کیفیت

کئی دنوں سے عجب کیفیت ہماری ہے
شرارہ ذہن میں اور دل پہ برفباری ہے

محسن چنگیزی
شرارہ

 

[طاہر شیخ]

نکہت نہیں چمن میں،حدت نہیں شرر میں
کیا پھول،کیا شرارے، پتھر کے ہو گۓ ہیں
نامعلوم

حدت

 

[سیما علی]

نکہت نہیں چمن میں،حدت نہیں شرر میں
کیا پھول،کیا شرارے، پتھر کے ہو گۓ ہیں
نامعلوم

حدت

تمہارے لمس کی حدت سے تن جھلستا تھا
میں برف پوش !!!، مگر آگ کو ترستا تھا
ناصر محمود خالد
برف

 

[عبدالقدیر 786]

سرد لہجوں کے برف زاروں پر
منجمد ہیں ۔۔۔۔۔تمام تر سوچیں
عبدالروف

سایہ

 

[سیما علی]

سرد لہجوں کے برف زاروں پر
منجمد ہیں ۔۔۔۔۔تمام تر سوچیں
عبدالروف

سایہ

پیڑ کے کاٹنے والوں کو یہ معلوم تو تھا
جسم جل جائیں گے جب سر پہ نہ سایہ ہوگا
کیفی اعظمی
پیڑ

 

[طاہر شیخ]

دشمنی پیڑ پر نہیں اگتی
یہ ثمر دوستی سے ملتا ہے
نامعلوم

ثمر

 

[سیما علی]

دشمنی پیڑ پر نہیں اگتی
یہ ثمر دوستی سے ملتا ہے
نامعلوم

ثمر

جب خزاں آئے تو پتے نہ ثمر بچتا ہے
خالی جھولی لیے ویران شجر بچتا ہے
رحمان فارس
ویران

 

[عبدالقدیر 786]

دل کی ویرانی کا کیا مذکور ہے
یہ نگر سو مرتبہ لوٹا گیا
میر تقی میر

قافلہ

 

[سیما علی]

دل کی ویرانی کا کیا مذکور ہے
یہ نگر سو مرتبہ لوٹا گیا
میر تقی میر

قافلہ

تو ادھر ادھر کی نہ بات کر یہ بتا کہ قافلہ کیوں لٹا
مجھے رہزنوں سے گلا نہیں تری رہبری کا سوال ہے

شہاب جعفری کا مشہور شعر جسے بارہا پارلیمنٹ میں پڑھا گیا ۔ روایت ہے کہ ایک بار اس شعر کو مولانا ابوالکلام آزاد نے پارلیمنٹ میں جواہر لال نہرو کو سنایا جبکہ اس وقت شہاب جعفری کی شاعری اپنے ابتدائی دنوں میں تھی ۔۔۔۔
رہبری

 

[صریر]

تو ادھر ادھر کی نہ بات کر یہ بتا کہ قافلہ کیوں لٹا
مجھے رہزنوں سے گلا نہیں تری رہبری کا سوال ہے

شہاب جعفری کا مشہور شعر جسے بارہا پارلیمنٹ میں پڑھا گیا ۔ روایت ہے کہ ایک بار اس شعر کو مولانا ابوالکلام آزاد نے پارلیمنٹ میں جواہر لال نہرو کو سنایا جبکہ اس وقت شہاب جعفری کی شاعری اپنے ابتدائی دنوں میں تھی ۔۔۔۔
رہبری

بھٹک جاتے ہیں رہبر رہبری میں
کچھ ایسی منزلیں ہیں زندگی میں
کوثر سیوانی
منزل

 

[عبدالقدیر 786]

میں اکیلا ہی چلا تھا جانبِ منزل مگر
لوگ ساتھ آتے گئے اور کارواں بنتا گیا
مجروح سلطانپوری

عشقِ فانی

 

[سیما علی]

میں اکیلا ہی چلا تھا جانبِ منزل مگر
لوگ ساتھ آتے گئے اور کارواں بنتا گیا
مجروح سلطانپوری

عشقِ فانی

عشق فانی نہ حسن فانی ہے
ان کا ہر لمحہ جاودانی ہے
دیکھ رندوں پہ اتنا طعن نہ کر
دیکھ رت کس قدر سہانی ہے
گوپال متل

طعن

 

[طاہر شیخ]

واعظ کو لعن طعن کی فرصت ہے کس طرح
پوری ابھی خدا کی طرف لو لگی نہیں
ام مشتاق

واعظ

 

[عبدالقدیر 786]

واعظ کو لعن طعن کی فرصت ہے کس طرح
پوری ابھی خدا کی طرف لو لگی نہیں
ام مشتاق

واعظ

کہاں مے خانہ کا دروازہ غالبؔ اور کہاں واعظ
پر اتنا جانتے ہیں کل وہ جاتا تھا کہ ہم نکلے
مرزا غالب

راستہ