دیئے گئے لفظ پر شاعری - دوسرا دور

[شمشاد]

راجہ صاحب آپ نے تو وہی شعر لکھ دیا جو اوپر "چھوٹا غالب" نے لکھا ہے۔
--------------------------------------------------------------------

راکھ میں آگ بھی ہے غم محرومی کی
راکھ ہو کر بھی یہ شعلہ ہمیں سلگائے گا
(احمد راہی)

شعلہ

 

[راجہ صاحب]

معذرت میں دھیان نہیں دے سکا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شعلہ حسن مجسم گریہ شبنم بھی ہے
ایک دوعالم بھی تھا اورا یک یہ عالم بھی ہے
محسن بھوپالی

مجسم

 

[عمر سیف]

وہ حُسنِ مجسم کمال اُس کی آنکھیں
سراپاِ محبت جمال اُس کی آنکھیں
میں جب بھی پوچھوں سوال اُس سے کوئی
مجھے روز دیتی ہیں ٹال اُس کی آنکھیں

اگلا حرف ”ٹال”

 

[تبسم]

مُسکراتا ہی رہا حرفِ تمنّا سُن کر
ٹال دی اُس نے مِری بات کِس آسانی سے
اگلا حرف تمنا

 

[عمر سیف]

میں جب بھی نئے دوستوں کی کرتا ہوں تمنا
کچھ دوست میرے اور بچھڑ جاتے ہیں انجم

اگلا حرف ” انجم”

 

[تبسم]

توڑا نہیں جادو مری تکبیر نے تیرا
ہے تجھ میں مکر جانے کی جرأت تو مکر جا

مہر و مہ و انجم کا محاسب ہے قلندر
ایام کا مرکب نہیں، راکب ہے قلندر
اگلا حرف ۔ جرات

 

[عمر سیف]

شکوہِ عشق نہیں، جُراتِ گفتار نہیں
میرے ہاتھوں میں جبر کی تلوار نہیں
اگلا حرف ” جبر”

 

[راجہ صاحب]

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں
ساغر صدیقی

مسلسل

 

[شمشاد]

کسی کے لمس کی آتی ہے ایک شب جس میں
کئی برس میں مسلسل اسی برس میں رہا
(منصور آفاق)


شب

 

[راجہ صاحب]

شبِ فراق تو کٹتی نظر نہیں آتی
خیال یار میں آؤ فراز سو جائیں
احمدفراز

فراق

 

[شمشاد]

کھلتی کسی چراغ پہ کیسے شبِ فراق
آنکھیں کہیں لگی تھیں دریچہ کہیں کا تھا
(منصور آفاق)


دریچہ

 

[مہ جبین]

جھانک ماضی کے دریچے سے کہ تجھ پر وا ہو
تو نے تعمیر کئے گنبدِ بے در کتنے۔۔۔۔۔۔!
حزیں صدیقی

تعمیر

 

[چھوٹاغالبؔ]

گھر میں تھا کیا کہ تیرا غم اسے غارت کرتا
وہ جو رکھتے تھے ہم اک حسرتَ تعمیر، سو ہے

قبلہ بڑے غالبؔ

غارت

 

[شمشاد]

لُٹ کے بھی خوش ہوں کہ اشکوں سے بھرا ہے دامن
دیکھ غارت گریِ دل یہ خزانے میرے
(فراز)

دامن

 

[مہ جبین]

خنجر پہ کوئی چھینٹ نہ دامن پہ کوئی داغ
تم قتل کرو ہو کہ کرامات کرو ہو

داغ

 

[غ۔ن۔غ]

مرے خیال میں وہ اس طرح ہے جلوہ فگن
کہ جیسے تاج محل چاندنی کے دامن میں

تاج محل

 

[شمشاد]

بیٹھا ہے اعتکاف میں کیا داغ روزہ دار
اے کاش میکدہ کو یہ مردِ خدا چلے
(داغ دہلوی)

 

[شمشاد]

مرے خیال میں وہ اس طرح ہے جلوہ فگن
کہ جیسے تاج محل چاندنی کے دامن میں

تاج محل

کانٹوں سے بھرا ہے دامنِ دِل شبنم سے سُلگتی ہیں پلکیں
پھولوں کی سخاوت کیا کہیے کچھ یاد رہی کچھ بھول گئے
(ساغر صدیقی)


کانٹا

 

[مہ جبین]

مرے خیال میں وہ اس طرح ہے جلوہ فگن
کہ جیسے تاج محل چاندنی کے دامن میں

تاج محل

اک شہنشاہ نے بنوا کے حسیں تاج محل
ساری دنیا کو محبت کی نشانی دی ہے

میرے خیال میں یہ شعر شاید ساحر لدھیانوی کا ہے، کسی کو معلوم ہو تو میری اصلاح کردے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نشانی

 

[شمشاد]

ڈوبتی شام کے ویران سمے کی صورت
تھام رکھی ہے تیری ایک نشانی دل نے
(عدیم ہاشمی)

شام