1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

دوسری شادی کے لیے مصالحتی کونسل کی اجازت ضروری قرار

جاسم محمد نے 'آج کی خبر' کی ذیل میں اس موضوع کا آغاز کیا، ‏جون 24, 2019

  1. جاسم محمد

    جاسم محمد محفلین

    مراسلے:
    9,849
    دوسری شادی کے لیے مصالحتی کونسل کی اجازت ضروری قرار
    جہانگیر اسلم 24 جون 2019
    [​IMG]
    اسلام آباد : اسلام آباد ہائی کورٹ نے دوسری شادی کےلیےمصالحتی کونسل کی اجازت ضروری قرار دے دی اور کہا بیوی کی اجازت کے باوجود مصالحتی کونسل انکار کر دے تو دوسری شادی پر سزا ہو گی۔

    تفصیلات کے مطابق اسلام آباد ہائی کورٹ نے دوسری شادی کیس کا فیصلہ سناتے ہوئے دوسری شادی کے لیے بیوی سے اجازت کے باوجود مصالحتی کونسل کی اجازت ضروری ہوگی اور بیوی کی اجازت کے باوجود مصالحتی کونسل انکار کر دے تو دوسری شادی پر سزا ہو گی۔

    عدالت نے کہا مسلم فیملی لاز آرڈیننس 1961 کے مطابق اجازت کے بغیر شادی کرنے والے شخص کو سزا اور جرمانہ ہو گا، ایڈیشنل سیشن جج نے کشمیر کا باشندہ ہونے کی وجہ سے لیاقت علی کو بری کیا، جس شخص کے پاس قومی شناختی کارڈ ہے، اس پر تمام قوانین کا اطلاق ہو گا۔

    اسلام آباد ہائی کورٹ نے پہلی بیوی کی اپیل پر لیاقت علی میر کی بریت کو کالعدم قرار دے دیا اور ہدایت کی ایڈیشنل سیشن جج میرٹ پر لیاقت علی میر کی دوسری شادی کیس کا فیصلہ کریں۔

    یاد رہے رواں سال مارچ میں لاہور کی مقامی عدالت نے بغیر اجازت شادی کرنے والے خاوند کو تین ماہ قید اور پانچ ہزار روپے جرمانہ کی سزاکا حکم سنا دیا، بیوی نے شوہر کے خلاف درخواست دائر کی تھی۔

    خیال رہے اسلامی نظریاتی کونسل کے مطابق مسلمان خاتون اپنے شوہر کی دوسری یا اس کے بعد مزید شادیوں پر اعتراض نہیں کرسکتی اور اگر ایک عورت کا شوہر دوسری، تیسری یا چوتھی مرتبہ شادی کرے تو وہ طلاق کا مطالبہ نہیں کرسکتی۔

    ایکٹ کی شق (ایف) کے سیکشن 2 کا کہنا ہے کہ ’’اگر اس کی ایک سے زیادہ بیویاں ہیں، وہ قرآن پاک کے احکام کے مطابق ان کے ساتھ مساویانہ سلوک نہیں کرتا۔‘‘
     
  2. جاسم محمد

    جاسم محمد محفلین

    مراسلے:
    9,849
    پہلی شادی کے ’متاثرین‘ کی مشکلات میں اضافہ :(
     
    • معلوماتی معلوماتی × 2
  3. سید عاطف علی

    سید عاطف علی محفلین

    مراسلے:
    7,053
    جھنڈا:
    SaudiArabia
    موڈ:
    Cheerful
    کچھ معلوم ہے ؟ مصالحتی کونسل کیا ہے اور کس کے ماتحت ہے؟
    عائلی قوانین میں مصالحتی کونسل کا ادارہ پہلے سے موجود ہے یا نیا بنایا گیا ہے اس اس کے ممبران کی اہلیت کیا ہے ؟
     
  4. سروش

    سروش محفلین

    مراسلے:
    1,827
    جھنڈا:
    UnitedArabEmirates
    موڈ:
    Relaxed
    مصالحتی کونسل یا پنچائت کمیٹی لوکل گورنمنٹ آرڈینینس 2001 کے تحت بلدیاتی یونین کونسلز کے اندر بنائی جاتی تھیں ، اس سے قبل 1972 اور 1979 کے ایکٹ کے تحت بھی بلدیاتی یونٹس کے تحت تھیں ، 18 ویں ترمیم کے بعد لوکل گورنمنٹ صوبوں کو منتقل ہوچکی ہے ، اب صورتحال یہ ہے کہ ملک کے تین صوبوں میں تو تقریباً 2001 والا قانون چل رہا ہے جبکہ سندھ میں صورتحال مختلف ہے اور عجیب سا بلدیاتی نظام ہے جسکا کوئی سر پیر نہیں ہے ، اور نہ ہی اس میں کوئی مصالحتی کمیٹی یا کونسل موجود ہے ۔
    جاسم محمد آپ سے اپیل ہے کہ عمران خان صاحب کو مشورہ دیں کہ پورے ملک میں ایک جیسا بلدیاتی نظام نافذ کریں اور ضروری آئینی ترمیم کریں یا 18 ویں ترمیم کو ختم کریں ۔18 ویں ترمیم کے مضمرات سے وفاقی حکومت خود بھی آگاہ ہے ۔ صوبوں بہت سے اختیارات ملنے کے بعد ان شعبوں کو اور بھی برا حال ہوا ہے ۔ خاص کر ہائیر ایجوکیشن کا ۔

    مندرجہ بالا اپیل صرف عارف کریم بھائی سے ازراہ محبت کی ہے ، کسی اور بحث و مباحثہ میں قطعی ملوث ہونے کا ارادہ نہیں ہے ۔
     
    • پر مزاح پر مزاح × 3
    • معلوماتی معلوماتی × 1
  5. عبدالقیوم چوہدری

    عبدالقیوم چوہدری محفلین

    مراسلے:
    16,788
    جھنڈا:
    Pakistan
    موڈ:
    Relaxed
    [​IMG]
     
    • معلوماتی معلوماتی × 2
    • متفق متفق × 1
  6. سروش

    سروش محفلین

    مراسلے:
    1,827
    جھنڈا:
    UnitedArabEmirates
    موڈ:
    Relaxed
    عائلی قوانین چونکہ 1962 میں بنے تھی اور اس وقت بی ڈی ممبرز والا بلدیاتی قانون بھی آچکا تھا تو یقیناً یہ بھی اسکے تحت ہی ہوں گی ۔
     
    • معلوماتی معلوماتی × 1
  7. عرفان سعید

    عرفان سعید محفلین

    مراسلے:
    5,276
    جھنڈا:
    Finland
    موڈ:
    Psychedelic
    میرے ارمانوں پر اس کونسل نے پانی پھیر دیا!
     
    • پر مزاح پر مزاح × 8
    • دوستانہ دوستانہ × 1
  8. عبد الرحمن

    عبد الرحمن لائبریرین

    مراسلے:
    1,964
    جھنڈا:
    Pakistan
    موڈ:
    Pensive
    بھائی دل چھوٹا نہ کیجیے۔ ہم اپنی علیحدہ کونسل بنائیں گے۔
     
    • پر مزاح پر مزاح × 10
  9. جاسم محمد

    جاسم محمد محفلین

    مراسلے:
    9,849
    دل کے ارمان آنسوؤں میں بہہ گئے۔۔۔
    محمد وارث :sad:
     
    • پر مزاح پر مزاح × 1
    • متفق متفق × 1
  10. محمد تابش صدیقی

    محمد تابش صدیقی منتظم

    مراسلے:
    23,496
    جھنڈا:
    Pakistan
    موڈ:
    Breezy
    ہیلسنکی میں قانون شاید زیادہ مشکل ہے۔ :p
     
    • پر مزاح پر مزاح × 2
  11. عرفان سعید

    عرفان سعید محفلین

    مراسلے:
    5,276
    جھنڈا:
    Finland
    موڈ:
    Psychedelic
    ظلم تو یہ ہوا کہ پہلے گھر میں ایک کونسلر کو منانا پڑتا تھا اب پوری کونسل کو منانا پڑے گا!
     
    • پر مزاح پر مزاح × 4
  12. جاسم محمد

    جاسم محمد محفلین

    مراسلے:
    9,849
    مغرب میں پہلی بیوی کے ہوتے ہوئے دوسری شادی کی صریحاً اجازت نہیں ہے :)
     
  13. محمد تابش صدیقی

    محمد تابش صدیقی منتظم

    مراسلے:
    23,496
    جھنڈا:
    Pakistan
    موڈ:
    Breezy
    جی معلوم ہے، تبھی کہا کہ زیادہ مشکل ہے۔ دوسری کے لیے پہلی چھوڑنی پڑتی ہے۔
     
  14. عرفان سعید

    عرفان سعید محفلین

    مراسلے:
    5,276
    جھنڈا:
    Finland
    موڈ:
    Psychedelic
    آہ!
    نہ چھڑک زخموں پر نمک اب اے ظالم
    اس قانون کے ہاتھوں تنگ آکر کسی دن عرب کے صحراؤں میں پہنچ جاؤں گا!
     
    • پر مزاح پر مزاح × 7
  15. جاسم محمد

    جاسم محمد محفلین

    مراسلے:
    9,849
    ویسے کیا یہ سچ ہے کہ کونسل کے سامنے دوسری شادی کا دفاع پروفیسروں کے سامنے پی ایچ ڈی کے دفاع سے زیادہ مشکل کام ہے؟
     
  16. عرفان سعید

    عرفان سعید محفلین

    مراسلے:
    5,276
    جھنڈا:
    Finland
    موڈ:
    Psychedelic
    میں جیسے روز کونسل کے سامنے پیش ہوتا ہوں!
     
    • پر مزاح پر مزاح × 8
  17. جاسم محمد

    جاسم محمد محفلین

    مراسلے:
    9,849
    گھر والی کونسلر کے سامنے تو روز پیش ہوتے ہیں نا! :LOL:
     
    • پر مزاح پر مزاح × 3
  18. عبد الرحمن

    عبد الرحمن لائبریرین

    مراسلے:
    1,964
    جھنڈا:
    Pakistan
    موڈ:
    Pensive
    ارے بھائی گھر میں جو ایک کونسلر ہے وہی پوری کونسل کے برابر ہے۔
     
    • پر مزاح پر مزاح × 3
  19. محمد وارث

    محمد وارث لائبریرین

    مراسلے:
    24,939
    جھنڈا:
    Pakistan
    موڈ:
    Depressed
    حد ہوتی ہے کسی بات کی! آپ کو نہ جانے میرے بارے میں کیا غلط فہمی ہے کہ دوسری بار اس تھریڈ میں ٹیگ کر دیا۔ میں پہلے بھی محفل پر کہہ چکا ہوں اور پھر کہتا ہوں کہ میرا دوسری شادی کا کوئی ارادہ نہیں لیکن آپ ہیں کہ سمجھتے ہی نہیں۔ کیا کروں اب، اخباروں میں اشتہار نکلواؤں کہ مسجدوں میں اعلان کراؤں کہ میرا دوسری شادی کا کوئی ارادہ نہیں۔

    حد ہوگئی ویسے عارف صاحب!

    میرا چار شادیوں کا ارادہ ہے سر! :)
     
    • پر مزاح پر مزاح × 11
    • پسندیدہ پسندیدہ × 1
    • زبردست زبردست × 1
  20. جاسم محمد

    جاسم محمد محفلین

    مراسلے:
    9,849
    بہت مذاق ہو گیا۔ اب ذرا سنجیدہ گفتگو:
    دین میں شادی کو آسان بنایا گیا ہے۔ دوسری شادی کیلئے پہلی بیوی سے پوچھ گچھ یا کسی مصالحتی کونسل کی ضرورت نہیں ہے۔ مملکت خداداد پاکستان میں اس حوالہ سے بھی الٹی گنگا بہہ رہی ہے۔ :(
     
    • متفق متفق × 1

اس صفحے کی تشہیر