دل

[تیشہ]

دل فسردہ بھی شہزاد کام کی شے ہے
خیال آئے گا جب خاک کرچکو گے اسے ، ، ۔۔

 

[راجہ صاحب]

دلِ ویراں ہے تیری یاد ہے تنہائی ہے
زندگی درد کی باہوں میں سمٹ آئی ہے

​

 

[محمداحمد]

شام ہی سے بجھا سا رہتا ہے
دل ہوا ہے چراغ مفلس کا

 

[تیشہ]

وحشت ِجاں کی آگ میں لپٹی جگنوُ ایسی اِک لڑکی
مجھ سے بھاگ رہی ہے مجھ میں آھو ایسی اِک لڑکی

دل سے اُس کی طغیانی نے درد کی سہل سرکائی تھی
کیا کیا آنکھوں سے برسی تھی آنسو ایسی اِک لڑکی

ایک عجیب طلسم کے سائے میں رہتا ہوں شام وسحر
چھائی ہوئی رہتی ہے مجھ پر جادو ایسی اک لڑکی

اس کی اُڑان مری سانسوں کی رو میں ہے شہزاد
اڑتی چلی جاتی ہے مجھ میں خوشبو ایسی اک لڑکی ، ۔ ،

 

[راجہ صاحب]

دل ڈھرکنے کا سبب یاد آیا
وہ تیری یاد تھی اب یاد آٰیا

​

 

[محمداحمد]

اچھا ہے دل کے پاس رہے پاسبانِ عقل
لیکن کبھی کبھی اسے تنہا بھی چھوڑ دے

 

[راجہ صاحب]

یہ ہیں‌نئے لوگوں کے گھر، سچ ہے اب ان کو کیا خبر
دل بھی کسی کا نام تھا، غم بھی کسی کی ذات تھی​

 

[تیشہ]

دیکھئے دل کے مضافات میں رکھئیے ہم کو
گاہے بگاہے تو ملاقات میں رکھئیے ہم کو

راس آتی ہے یہی صورت ِحالات ہمیں
بس اسی صورت ِحالات میں رکھئیے ہم کو

لڑتے آئے ہیں زمانے سے 'اجل سے ' غم سے
جنگ میں صف کی شروعات مین رکھئیے ہم کو

 

[راجہ صاحب]

روز آتا ہے دل کو تسلی دینے
اے دشمن تجھ سےتو تیرا خیال اچھا ہے​

نامعلوم

 

[تیشہ]

دلوں کی ماندگی پہ کیا تعجب
کہ سورج بھی تو ڈھلنا چاہتا ہے
نشست ِدرد بدلی ہے تو اب دل
ذرا پہلو بدلنا چاہتا ہے ۔ ۔

 

[شمشاد]

درد کا کہنا چیخ ہی اُٹھو، دل کا کہنا وضع نبھاؤ
سب کچھ سہنا،چپ چپ رہنا کام ہے عزت داروں کا
(انشاء جی)

 

[تیشہ]

کسی کو دے کے دل کوئی نوا سنج فغاں کیوں ہو
نہ ہو جب دل ہی سینے میں پھر منہ میں زباں کیوں ہو

کیا غم خوار نے رسوا لگے آگ اس محبت کو
نہ لادے تاب جو غم کی، وہ میرا رازداں کیوں ہو

وفا کیسی کہاں کا عشق جب سر پھوڑنا ٹھہرا
تو پھر اے سنگ ِدل تیرا ہی سنگِ آستاں کیوں ہو ،،

 

[راجہ صاحب]

اب کسی جان ِ تمنا کو بھلا کیا معلوم
دل سلگتا ہے چراغ تہہ ِداماں کی طرح

 

[شمشاد]

اس کے عشق میں بھیگ کے واثق ہم کو یہ احساس ہوا
دل کی بات میں آنے والے کچھ کچھ پاگل ہوتے ہیں
(سعید واثق)

 

[تیشہ]

چاہت میں ہم نے طور پرانے بدل دئیے
جذبہ ہر اک سنبھال کر خانے بدل دئیے

رُوکے کہاں رُکے ہیں محبت کے قافلے
بس
یوں ہوا کہ دل نے زمانے بدل دئیے
دل نے زمانے بدل دئیے ، ،۔ ۔،،

 

[گرو جی]

دل ہی نہیں جو سنگ و خشت، درد سے بھر نہ آئے کیوں
روئے گیں‌ ہم بار بار کوئی ہمیں ستائے کیوں

 

[تیشہ]

میں دل زدہ ہوں اگر،دل فگار وہ بھی ہیں
کہ جرمِ ِعشق کے اب دعویدار وہ بھی ہیں ، ، ۔

 

[شمشاد]

دل ہی نہیں جو سنگ و خشت، درد سے بھر نہ آئے کیوں
روئے گیں‌ ہم بار بار کوئی ہمیں ستائے کیوں

گرو جی دوسرا مصرعہ کچھ گڑ بڑ لگ رہا ہے۔

 

[شمشاد]

پس چشمِ نم وہ ضرور ہے، میرا دل جفاؤں سے چور ہے
میری منزلوں کا قصور ہے، تیرے راستوں سے ملیں نہیں

 

[راجہ صاحب]

اس کی قربتوں میں گزارے ہوئے لمحوں کا خیال
اب بھی پیوست ہے دل ِ میں کسی پیکاں کی طرح