دل کے موضوع پر اشعار!

[شمشاد]

وہ نوائے مضمحل کیا نہ ہو جس میں دل کی دھڑکن
وہ صدائے اہلِ دل کیا جو عوام تک نہ پہنچے
(شکیل بدایونی)

 

[ہما]

یہ دِل کے معاملے ہیں، دِل کے کمال کہیئے
ہم ڈھونڈتے تھے اُن کو جو دِل نے بسائے چہرے
ہما

 

[فرحت کیانی]

دل ہی ہے نہ سنگ و خشت، درد سے بھر نہ آئے کیوں
روئیں گے ہم ہزار بار، کوئی ہمیں رُلائے کیوں!!!!

 

[محمد وارث]

درِ قفس پہ اندھیرے کی مہر لگتی ہے
تو فیض دل میں ستارے اترنے لگتے ہیں

 

[شمشاد]

پیمانے کا دل ٹوٹ نہ جائے تو کہوں میں
ہے چیز غضب کی جو نگاہوں نے پلائی
(نسیم اختر)

 

[فرحت کیانی]

دل بھی عجیب شے ہے کہ بدلے ہے رنگ روپ

شیشہ دکھائی دے کبھی پتھر دکھائی دے

 

[عمر سیف]

میں تیرے سامنے کچھ اور بن کے آیا تھا
جو حشر دل میں ہوا تھا بپا خدا جانے

 

[شمشاد]

صابن کی بھینی خوشبو سے مہک گیا سارا دالان
اُف ۔۔۔ ان بھیگی بھیگی آنکھوں میں دل کے ارمان
(منیر نیازی)

 

[عمر سیف]

کسک سی ہے دل میں معلوم تو ہو
مجھ سے بچھڑ کے وہ کس حال میں ہوگا

 

[شمشاد]

اک حسیں چشم دل میں آیا ہے
ساری دنیا اِدھر اُدھر کرتا
(احمد فواد)

 

[عمر سیف]

ضبط بھی صبر بھی امکان میں سب کچھ ہے مگر
پہلے کم بخت میرا دل تو مرا ہو جائے

 

[شمشاد]

ایک پل بھی کہیں قرار نہیں
کیا مصیبت ہے دل لگانا بھی
(احمد فواد)

 

[عمر سیف]

دو گھڑی کے لئے ہے ہاتھ آیا
دامنِ دلبرِ نصیب نہ کھینچ

 

[شمشاد]

تم سمندر کا دل بڑھاتے رہو
آسمانوں کو میں بچالوں گا
(احمد فواد)

 

[عمر سیف]

کون تھا جس سے دل کی حالت کہتا
کس سے کہتا،اچھے سائیں دھوپ بہت ہے

 

[عیشل]

دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا
اس کا رونا نہیں کیوں تم نے کیا دل برباد
اس کا غم ہے کہ بہت دیر سے برباد کیا

 

[شمشاد]

دل میں لاکھوں دئیے جل اٹھے
جب بھی میں نے لیا تیرا نام
(احمد فواد)

 

[عیشل]

دل میں مسّرتوں کی جگہ درد بس گئے
خوشیوں کو جیسے سیاہ ناگ غم کے ڈس گئے
کل جب میرا مکاں جلا تیز دھوپ تھی
اور آج اسکی راکھ پہ بادل برس گئے

 

[شمشاد]

مانا کہ بہاروں نے کِھلایا ہے گلوں کو
الفت کی کلی دل میں وفاؤں نے کھلائی
(نسیم اختر)

 

[عمر سیف]

سُنا تھا ٹوٹے ہوئے ساز خوب بجتے ہیں
بڑے خلوص سے دل کا رباب لایا ہوں