دل کے موضوع پر اشعار!

[عمر سیف]

خوب تھا خوابِ عدم بھی دانش
دل کی دستک نے جگایا ہم کو

 

[دھنک]

تیرا رشتہ کہ میرے دل سے ہے دھڑکن کی طرح
دل کھنکتا ہے ترے نام پہ کنگن کی طرح

آج پھر دل پہ گھٹا چھائی تری یادوں کی
آج پھر ٹوٹ کے رویا ہوں میں ساون کی طرح

جانے کب سے تری صورت کو ترستی ہے نگاہ
منتظر سیج پہ بیٹھی ہوئی دلہن کی طرح

تجھ سے بچھڑی تو بھٹکتی ہے محبت جاناں
دل گرفتہ سی ترے شہر میں جوگن کی طرح
شوق ہے تجھ کو جدُا ہونے کا لیکن ارشد
راکھ کر دے گی جدُائی تجھے ایندھن کی طرح ۔

 

[عمر سیف]

دل کی باتیں پوچھنے کی ضد ہے آخر کس لئے ؟
دل ہی دل میں خود سمجھ لو، جو ہمارے دل میں‌ہے​

 

[الف عین]

نازک تھا آبگینۂ دل، ٹوٹ ہی گیا
تو اب نہ ہو ملول، ترا کیا قصور ہے
خلیل اعظمی

 

[عمر سیف]

روشنی کے لیے دل جلانا پڑا
ایسی ظلمت بڑھی تیرے جانے کے بعد

 

[سارہ خان]

صورت کی دیوانی دُنیا مَن کے اندر جھانک کیا
دل کو جو پہچان سکے وہ آنکھ کسی کے پاس نہیں

 

[عمر سیف]

جب وہ میرے نصیب میں ہی نہیں
پھر یہ دل کیوں گرانیوں میں رہے؟​

 

[عیشل]

کب نکلتا ہے کوئی دل میں اُتر جانے کے بعد
اس گلی کی دوسری جانب کوئی راستہ نہیں ہے۔

 

[سارہ خان]

کب نکلتا ہے کوئی دل میں اُتر جانے کے بعد
اس گلی کی دوسری جانب کوئی راستہ نہیں ہے۔

بہت خون عیشل۔۔۔

 

[عمر سیف]

کوئی اس سے ذرا کہہ دو ابھی ہم راستے میں ہیں
کہو ہم لوٹ آئیں گے اگر دل سے بُلائے تو

 

[عیشل]

کب نکلتا ہے کوئی دل میں اُتر جانے کے بعد
اس گلی کی دوسری جانب کوئی راستہ نہیں ہے۔

بہت خون عیشل۔۔۔

شکریہ

 

[عیشل]

تمہیں بھلانے کی نادانیوں کی زد میں ہیں
سنو کہ ہم بھی پریشانیوں کی زد میں ہیں
تمہارے پیار نے جو دل میں کھلا دئیے تھے کبھی
وہ پھول روح کی ویرانیوں کی زد میں ہیں

 

[عمر سیف]

دلِ مردہ میں پھر دھڑکنوں کا شور اٹھا
یہ بیٹھے بیٹھے مجھے کن دنوں کی یاد آئی

 

[عیشل]

وقتِ رخصت آگیا دل پھر بھی گھبرایا نہیں
اس کو ہم کیا کھوئیں جس کو کبھی پایا نہیں

 

[شمشاد]

چاہت کے بدلے ہم تو بیچ دیں اپنی مرضی تک
کوئی ملے تو دل کا گاہک کوئی ہمیں اپنائے تو
(عندلیب شادانی)

 

[عمر سیف]

خوب تھا خوابِ عدم بھی دانش
دل کی دستک نے جگایا ہم کو

 

[سارہ خان]

وہ تو پھر اللہ ہے ، پوری ہی کرے گا آرزو
پتھروں سے جب مُرادیں دل کی پا لیتے ہیں لوگ

 

[عمر سیف]

خلوصِ دل سے کہو ہم کو بھولنے والو
کبھی تمھیں بھی ہمارا خیال آتا ہے

 

[عیشل]

مجھ سے ملنے شبِ غم اور تو کون آئے گا
میرا سایہ ہے جو دیوار پہ جم جائے گا
دل سا انمول رتن کون خریدے گا شکیب
جب بکے گا تو یہ بے دام ہی بک جائے گا

 

[عمر سیف]

عجیب لطف سے گزریں یہ دن جو یوں گزریں
کہ تیرے دل میں رہیں اور اپنے گھر میں رہیں